होसे 12:2 - लिम्बु2 याकुबरे़ कुदक्ले़ङ्वाओ यहवे दाङ्बे़ल्ले़ लत्छा कुआप्तिक् वाॽरो, हे़क्क्याङ् खुने़ॽ याकुबे़न् खे़ल्ले़ कुये़प्ले़क् कुइसिक् खुम्दिङ् पिरुरो॥ खे़ल्ले़ कुयाःम्बक् कुइसिक् खुने़ॽओ कुले़क्वा हुङुरो॥ Gade chapit la |
होसे 12:2
32 Referans Kwoze
इस्राइलिसे, यहवे दाङ्बे़ल्ले़ कुबाःन्जाक्किन् खे़प्से़म्मे़ॽओ, थेआङ्भे़ल्ले़ कन् लाजेॽओ के़युङ्बाहाॽरे़ खुन्छिॽ सम्धाङ् यहवे दाङ्बे़ल्ले़ कुआप्तिक् अक्तङ्बा वाॽरो— “कन् लाजेॽओ कुदोःप्मा नसान् होप्लो, चक्मे़ल्लॽमनाबा लुङ्माॽ तुक्सिङ्मा होप्लो हे़क्क्याङ् निङ्वाॽफुमाङ्ङिल्ले़ कुसिक्कुम् निङ्वान् होप्लो॥
मे़नाप्तुसिबा चिगक्वाहाॽ नाप्मासि नु हिप्मासि थक्मासिआङ् मे़ङ्मासि फाॽआङ् माराम्मोबा ले़क्वान् कुइसिक् चिदोॽ चिदोॽ तोॽमासिरे़ लागि निङ्वाॽफुमाङ्ङिन् कुसिङ् मे़न्निःप्नाबा सुवाङ्ङिन् हे़क्क्याङ् आङ्गाॽ आसिक् के़भोङ्बाहाॽरे़ खुन्छिॽ तक्ले़ङ्वाओ खे़ङ्हाॽ हाराहारा पाङ्घुङ्सिङ्ङाङ् वाॽरो॥
आङ्गाॽ मे़बिराङ्बा सिदुङ्जभाहाॽ खे़ङ्हाॽरे़ मे़दोन्दुरो हे़क्क्याङ् सिदुङ्जभा सान् खे़ङ्हाॽरे़ मे़जरो, कर यहवे दाङ्बे़न् खे़ङ्हाॽनु कुनिङ्वाॽ मे़दाने़न्लो॥ आल्ल खुने़ॽ खे़ङ्हाॽरे़ खुन्छिॽ फे़न्याःम्बक्किन् निङ्वाॽ इःत्तुरो हे़क्क्याङ् खुन्छिॽ लायोल्ले़ कुले़क्वा खुम्दिङ् पिरुसिरो, खम्भ्याङ् खे़ङ्हाॽ मिस्र लाजेॽ मे़नुःङ्ङाङ् मे़बेःक्लो॥
खे़न् लोःक्खुबा इक्लान् इक्सादिङ् खाम्बेःक्माल्ले़ कुनुप्मो थारिक्के खे़म्दे़त्लो॥ थेआङ्भे़ल्ले़ इक्सादिङ् खाम्बेःक्मोबा मे़न्छाम् सुवाङ्हाॽ यहवे दाङ्बे़ल्ले़ पाःन्धिक्तुसिआङ् वाॽरो॥ हे़क्क्याङ् खुने़ॽ के़रे़क् मनाहाॽरे़ खुन्छिॽ तक्ले़ङ्वाओ खासे़न् लोःन्दुरो खे़ब्याङ् कुॽइगे़भे़म्बाहाॽ खुने़ॽ ताभेःल्ले़ से़रुसिरो॥ यहवे दाङ्बे़ल्ले़ कन् पाःत्तुआङ् वाॽरो॥’”
दाङ्बे़ल्ले़ पाःत्तुरो, “गिलगालओ खे़ङ्हाॽरे़ मे़जोगुबा खुन्छिॽ के़रे़क् फे़न्याःम्बक्किल्ले़ चोगुल्ले़ आङ्गाॽ खे़ङ्हाॽ चिःत्तुङ्सिङ्लो॥ खे़ङ्हाॽरे़ खुन्छिॽ लायोबा याःम्बक्किल्ले़ चोगुल्ले़ आङ्गाॽ खे़ङ्हाॽ आहिम्मोलाम् नाःत्तुङ्देसुङ्सिङ्लो॥ खे़ङ्हाॽ याम्मो आभे़ल्ले़आङ् लुङ्माॽ मे़दुक्तुङ्सिङ्ङिन्लो, खे़ङ्हाॽरे़ खुन्छिॽ के़रे़क् लाम्लोबाहाॽ पिफ्युङ्बासिरो॥
यहवे दाङ्बे़ल्ले़ अक्खे पाःत्तुरो, “यहुदाःल्ले़ सुम्सि कुलायोहाॽ इग्र लिसिए कुलायोहाॽरे़ चोगुल्ले़ आङ्गाॽ साॽरिक् आसिक् पोःक्मान् मे़घे़त्तुङ्ङिन्लो॥ यहवे दाङ्बे़ल्ले़ कुसाम्योथिम् इङ्जाङ्ङिन् खे़ङ्हाॽरे़ इःप्मा नाःप्मा मे़नाॽरुबाल्ले़ चोगुल्ले़, खम्भ्याङ् खुने़ॽ कुधिम्हाॽ मे़न्इःत्तुन् मे़न्नाःत्तुम्बाल्ले़ चोगुल्ले़ हे़क्क्याङ् खे़ङ्हाॽरे़ खुन्छिॽ पाधे़बाहाॽरे़ मे़दिम्दुसिबा इङ्ले़क्पा माङ्हाॽरे़ खे़ङ्हाॽ इङ्मे़ले़क्तुसिबाल्ले़ चोगुल्ले़,
कर अस्सुरबा हाङ् सलमनेसेररे़ होसियाःल्ले़ इङ्ले़क्तुबा निसु, थेआङ्भे़ल्ले़ खुने़ॽ मिस्र लाजेॽबा सो हाङ्ङे़ओ हाङ्लाइङ्बाहाॽ पाङ्घुसिआङ् वये़ हे़क्क्याङ् तङ्बे थक्मा हुङ्मा के़बोङ्बा एःङ् याङ्ङिन् हुङ्मा नाॽरे़आङ् वये़॥ कल्ले़चोगुल्ले़ सलमनेसेररे़ खुने़ॽ ते़म्सुआङ् पुङ्लाहिम्मो साक्तुरो॥
नेगेब लाजेॽबा थक्साहाॽरे़ याःम्बेओ माङ्निङ्वाॽपान्— केबाल्ले़ कुघा के़ने़बा, असेःक् नु कुनिङ् के़याक्पा के़बे़बा असेःक् के़लःम्बा, तुक्मा नु सिमा के़वाॽबा लाजेॽलाम् पोङ्मार हाङ्लाइङ्बाहाॽ लाङ्घेःक्मा के़बोङ्बा वाॽरो॥ याप्मि फाॽमा मे़न्छुक्मनाबा सुवाङ्हाॽ खुॽमासिरे़ लागि आबाङे खुन्छिॽ अदङ् नु उमेहाॽ इमे़ल्लुङ्बा सुङ्हाॽ मे़गुःत्तु मे़देॽरुसिरो॥
Piblisite