Biblia Todo Logo
Bib sou entènèt

- Piblisite -




होसे 12:10 - लिम्‍बु

10 आङ्‌गाॽ माङ्‌निङ्‌वाॽपान् के़बाःप्‍पाहाॽनु ताॽजे़क्‍खाङ्‌लो, आङ्‌गाॽ खे़ङ्‌हाॽ यरिक् सुफोहाॽ पिरुङ्‌सिङ्‌लो हे़क्‍क्‍याङ् माङ्‌निङ्‌वाॽपान् के़बाःप्‍पाहाॽलाम् खे़दाॽ पाःन्‍हाॽ पिनिङ्‌लो॥

Gade chapit la Kopi




होसे 12:10
29 Referans Kwoze  

यहवे दाङ्‌बे़ल्‍ले़ खुने़ॽ के़रे़क् कुमाङ्‌निङ्‌वाॽपान् के़बाःप्‍पाहाॽ नु कुसुफो के़निबाहाॽलाम् इस्राइले़न् हे़क्‍क्‍याङ् यहुदान् साम्‍दिङ् पिरुसि—“खिन्‍छिॽ ताप्‍फे़ःम्‍बा ये़प्‍ले़क्‍हाॽ ले़रे़से़ॽ॥ आङ्‌गाॽ खे़न्‍छिॽ पाधे़बाहाॽ इःत्ते़म् नाःत्ते़म्‍मे़ॽ फाॽआङ् इङ्‌जाङ् पिरुङ्‌सिङ्‌ङाङ् वये़बा हे़क्‍क्‍याङ् आङ्‌गाॽ आसे़वारोबा माङ्‌निङ्‌वाॽपान् के़बाःप्‍पाहाॽलाम् खिनिॽ पिनिङ्‌ङाङ् वये़बा आङ्‌गाॽ आइङ्‌जाङ्‌हाॽ नु आइङ्‌भःन्‍हाॽ के़रे़क् साम्‌योथिम् इङ्‌जाङ् कुइसिक् इःत्ते़से़ॽ नाःत्ते़से़ॽ॥”


खे़ब्‍याङ् आङ्‌गाॽ मे़त्तुङ्, “मुक्‍साम्‍दाङ्‌बा यहवे दाङ्‌बाए, खे़ङ्‌हाॽरे़ आङ्‌गाॽ अक्‍खे मे़मे़त्तार मे़बत्, ‘खुने़ॽग ताॽदि खे़दाॽ पाःन्‍हाॽओरक् पाःत्‍लो!’”


खे़न् एगाङ् आयाम्‍साम्‍मिन् के़रे़क् मनाहाॽ सम्‍धाङ् पाङ्‌घुङ्‌लो, खिनिॽ ये़म्‍बित्‍छा मे़न्‍छुमासाहाॽरे़ माङ्‌निङ्‌वाॽपान् मे़बाःत्तुरो॥ खिनिॽ खदाक्‍मि मनाहाॽरे़ ताॽदिगे़न् से़प्‍माङ् मे़माक्‍तुरो, हे़क्‍क्‍याङ् खिनिॽ नालिगे़न् थाङ्‌बे़न् मनाहाॽरे़ सुफो मे़निसुरो॥


यहवे दाङ्‌बे़ल्‍ले़ आङ्‌गाॽ अक्‍खे मे़त्ताङ्, “खे़ने़ॽ कोःम्‍भाल्‍याओ पेगे़ॽआङ् लत्‍छा खाम् कुःन्‍दाधिक् इङे़ॽ हे़क्‍क्‍याङ् मनाहाॽरे़ खुन्‍छिॽ लुम्‍मोलाम् कुभा तुम्‍भाक्‍साहाॽ नु निङ्‌वाॽफुसाम्‍बाहाॽ सोरिक् तेॽरे़से़ॽ


खिनिॽ थाःक्‍थे़बा सुधे़बाहाॽ मिस्रलाम् मे़लःन्‍दे़ मे़धाङे़बा ये़न्‍नाङ्‌धो आइन् थारिक् ए़त्‍ले़ङ् आङ्‌गाॽ आसे़वारोबा नु माङ्‌निङ्‌वाॽपान् के़बाःप्‍पा आमनाहाॽ खिनिॽओ पाङ्‌घुङ्‌सिङ्‌ङाङ् वाॽ॥


कन् पयम् यम्‍बा ओसेःन्‍दाङ्‌हाॽ खोसुङ्‌बाल्‍ले़ आङ्‌दिङ् मे़लॽआन्‍ल फाॽआङ् नासिङ्‌गे़न् आधक्‍को तिङ् कुइसिक् आघघबा पाःन्‍धिक् खोसुङ्‌ङाङ् वाॽआरो॥ खे़ङ्‌ग माफे़न्‍साम्‍मिल्‍ले़ कुइङ्‌साबारो, खे़ल्‍ले़ इङ्‌गाॽ तुक्‍खे चाःत्तार वाॽरो॥


इङ्‌गाॽ चम्‍सिङ्‌ङाल्‍ले़ थेआङ् मे़जक्‍कान्‍छाङ् इङ्‌गाॽ दाङ्‌बालाम्‍बा खोसुङ्‌बा सुफोहाॽ नु ओसेःन्‍दाङ्‌हाॽरे़ कुयाःम्‍बेओ चम्‍सिङ्‌ङारए पोङ्‌लो॥


“‘निङ्‌वाॽफुमाङ्‌ङिल्‍ले़ पाःत्तुआङ् वाॽ, कन् इक्‍सादिङ् खाम्‍बेःक्‍माल्‍ले़ कुनुप्‍मा ये़न्‍हाॽओ इङ्‌गाॽ आसेसेमाङ्‌ङिन् काक् मे़न्‍छाम्‍गे़न् सुवाङ् सम्‍दाङ् पाङ्‌घुङ्‌ङाङ् खिनिॽ ये़म्‍बित्‍छाॽ नु मे़न्‍छुमाॽसाहाॽरे़ माङ्‌निङ्‌वाॽपान् मे़बाःत्तुॽ, खिनिॽ नालिङ्‌गे़न् थाङ्‌बे़न्‍साहाॽरे़ सुफो मे़निसुॽ, हे़क्‍क्‍याङ् खिनिॽ खदाक्‍मिहाॽरे़ तादिगे़न् से़प्‍माङ् मे़माक्‍तुॽरो॥


आमोसे़ल्‍ले़ अमस्‍याहन् नुगप् पिरु, “आङ्‌गाॽग माङ्‌निङ्‌वाॽपान् के़बाःप्‍पा होःप्‍ताङ्, हे़क्‍क्‍याङ् माङ्‌निङ्‌वाॽपान् के़बाःप्‍पे़ल्‍ले़ कुस्‍साआङ् मेःन्‍आ॥ कर आङ्‌गाॽग मे़ल्‍लुक्‍कम्‍बा नु पःत्‍छेल्‍ले़ कुबुङ्‌हाॽ ओगे़मे़प्‍पा के़साःक्‍पा मना वयाङ्॥


यहवे दाङ्‌बे़ल्‍ले़ आङ्‌गाॽ मे़त्ताङ्, “खे़ने़ॽ के़मेःत्तिन् वेॽ ये़म्‍बित्‍छाःल्‍ले़ लुङ्‌माॽ तुक्‍तुॽ हे़क्‍क्‍याङ् खुने़ॽ याम्‍बोःप्‍मा याःम्‍बक् के़जोःक्‍मा चोःक्‍साङ् खे़ने़ॽ पेगे़ॽआङ् खुने़ॽ लुङ्‌माॽ तुक्‍ते़ॽ॥ इस्राइलिहाॽ वेॽ माङ्‌हाॽ ले़प्‍माङ् मे़हिसिङ्‌ॽ हे़क्‍क्‍याङ् खे़न् खे़ङ्‌मनाबा चे़ल्‍ले़क्‍सेॽ सेसे खरे़ःङ्‌हाॽ खुन्‍छिॽ सिराॽथाङ्‌ॽ, हे़क्‍केसाङ् यहवे दाङ्‌बे़ल्‍ले़ खे़ङ्‌हाॽ लुङ्‌माॽ तुक्‍तुसिबा कुइसिक् खे़ने़ॽ के़मेःत्तिन् लुङ्‌माॽ तुक्‍ते़ॽ॥”


“यहवे दाङ्‌बे़ल्‍ले़ कुसे़वारोबा, माङ्‌निङ्‌वाॽपान् के़बाःप्‍पाहाॽ खिनिॽओ पाङ्‌घुसिरए वाॽ, हे़क्‍केसाङ् खे़न् पाःन्‍नो खिनिॽ ने़क्‍खोॽइन् अयाक् के़म्‍मे़त्तुम्‍मिन्॥


“‘खे़न् एगाङ् यर्मियाए, खे़न् खाम् कुःन्‍दाःन् खे़ने़ॽनु के़बेःक्‍पा मनाहाॽरे़ खुन्‍छिॽ तगि फयःप् यःप्‍से़ॽ,’


यरिक् तङ्‌बे थारिक् खे़ने़ॽ खे़ङ्‌हाॽ नासि के़धःत्तुसिआङ् साम्‍दिङ् के़बिरुसिरो, माङ्‌निङ्‌वाॽपान् के़बाःप्‍पाहाॽलाम् के़याम्‍साम्‍मिल्‍ले़ खे़ङ्‌हाॽ साम्‍दिङ् के़बिरुसिरो, कर के़मनाहाॽ आबाङे नाधे़क्‍क्रे़ङ् मे़जोक्‍सिङ्‌लो, खे़ल्‍ले़चोगुल्‍ले़ वेॽ थिम्‍मे़न्‍दङ् सुवाङ्‌हाॽरे़ खे़ङ्‌हाॽ मे़नाःन्‍दुसिर के़याःन्‍दुसिरो॥


खुने़ॽ मे़त्तु, “मुक्‍साम्‍दाङ्‌बा यहवे दाङ्‌बा निङ्‌वाॽफुमाङ्‌ङिल्‍ले़ कुलागि आङ्‌गाॽ साॽरिक् कुसिक् के़सम्‍बा पोःक्‍खाङ्‌ङाङ् वाॽआ॥ इस्राइलिहाॽरे़ खे़ने़ॽ के़माङ्‌हुप्‍पिन् मे़नाॽरुआङ् वाॽ, खे़ने़ॽओ ले़त्ति तोःम्‍मादे़न्‍हाॽ मे़धुप्‍सु मे़लुःन्‍दुआङ् ने़रो, हे़क्‍क्‍याङ् खे़ने़ॽ के़माङ्‌निङ्‌वाॽपान् के़बाःप्‍पाहाॽ ताभेःल्‍ले़ मे़से़रुसिआङ् वाॽ॥ आङ्‌गाॽरक् याःक्‍ताङ्‌ङाङ् वाॽआ, हे़क्‍क्‍याङ् आल्‍ल खे़ङ्‌हाॽरे़ आङ्‌गाॽआङ् से़प्‍मा मे़गोःत्तार मे़वाॽ॥”


आल्‍ल गिलाद तिस्‍बेबा तिस्‍बि एलियारे़ आहाबे़न् मे़त्तु, “आङ्‌गाॽ से़वा मे़त्तुङ्‌बा यहवे दाङ्‌बा इस्राइलबा निङ्‌वाॽफुमाङ्‌ङिन् कुहिङ्‌वे़त् वाॽबा कुइसिक् माङ्‌हे़क्‍सिङ्‌ङाआङ् पाःत्तुङ्‌ॽ, के़दाबा कुभा तङ्‌बेहाॽओ आङ्‌गाॽ आबाःन्‍जाक् मेःन्‍ने सेःक्‌वाआङ् मे़धाने़न् वहित्ताङ् मे़धाने़न्॥”


यारोबामे़न् ले़त्ति तोःम्‍मादे़न्‍निल्‍ले़ कुबेसाङ् सिदुङ्‌जभा तोःम्‍मारे़ लागि ये़बे़गरे़ल्‍ले़ निङ्‌वाॽफुमाङ्‌ङिल्‍ले़ कुमनाधिक् यहवे दाङ्‌बे़ल्‍ले़ कुबाःन्‍जाक्‍किन् थाक्‍तुआङ् यहुदालाम् बेथेल थाङे़॥


खे़ब्‍याङ् खुने़ॽ मे़त्तुसि, “आङ्‌गाॽ आबाःन्‍निन् खे़न्‍छिॽ खे़प्‍से़त्‍छे़ॽओ— “खिनिॽ लुम्‍मो माङ्‌निङ्‌वाॽपान् के़बाःप्‍पे़न् वाॽइल्‍ले़, खे़न् मनाःन्‍नु आङ्‌गाॽ यहवे दाङ्‌बे़न् सुफोओ ओःन्‍धाक्‍सिङ्‌ङारो, से़प्‍माङ्‌मो आङ्‌गाॽ खे़न्‍नु पाःत्तारो॥


“नासिगे़न् थक्‍ला के़गप्‍पा मनाए, कन् ताॽदिःन् पाःत्ते़ॽ, हे़क्‍क्‍याङ् कन् खे़दाःन् इस्राइलबा मनाहाॽ मे़त्ते़से़ॽ॥


“आङ्‌गाॽ खिनिॽ यहवे दाङ्‌बा निङ्‌वाॽफुमाङ्‌आ, आङ्‌गाॽ खिनिॽ योःग्‍बा योःग्‍मा के़बोःक्‍खिआङ् के़युङिबा मिस्र लाजेॽलाम् खिनिॽ लःत्‍निङ् फे़त्‍निङ्॥


नुसि ये़न् थारिक् खिनिॽ के़रे़क् इस्राइलिहाॽ तक्‍तक्‌वा हिम्‍हाॽओ युङे़म्‍मे़ॽ॥ के़रे़क् लाजेॽसाबा इस्राइलिहाॽग तक्‍तक्‌वा हिम्‍हाॽओ मे़युङ्‌ल,


“कर आङ्‌गाॽग यहवे खिनिॽ निङ्‌वाॽफुमाङ्‌आरो, आङ्‌गाॽ मिस्र लाजेॽलाम् खिनिॽ लःत्‍निङ्‌ङाङ् थाक्‍निङ्‌ङाङ् वाॽरो॥ आङ्‌गाॽनुःल्‍ले़ वेॽ आत्तिन् माङ्‌ङिन्‍नाङ्, वेॽ आत्तिन् से़न्‍लप्‍दाङ्‌बे़न्‍नाङ् खिनिॽ के़न्‍दाःक्‍तुम्‍मिन्‍लो॥


Swiv nou:

Piblisite


Piblisite