होसे 12:1 - लिम्‍बु

¹ इफ्राइम्‍मिन् चक्‍मे़ल्‍लॽए सुरित् केजङ् चाःत्‍छिङ्‌ल, खे़ल्‍ले़ के़रे़क् ये़न् नाङ्‌गे़न् पिसाङ्‌बा सुरित्ते़न् नाःत्तुरो, हे़क्‍क्‍याङ् खे़ल्‍ले़ इङ्‌ले़क् नु मनासे़प्‍मा याःम्‍बक्‍हाॽ फोसुरो॥ खे़ल्‍ले़ अस्‍सुरे़न्‍नु नादङ् चोगुरो, खे़ब्‍याङ् मिस्रओ चैतुन निःङ्‌गेॽइन् हाङुरो॥

होसे 12:1 Referans Kwoze

होसे 11:12

एफ्राइमरे़ कुइङ्‌ले़क् नु इस्राइलबा हिम्‍सयङ्‌हाॽरे़ खुन्‍छिॽ मे़न्‌वाॽमनाबा पाःन्‍हाॽरे़ आङ्‌गाॽ कबाङ्‌ङाङ् वाॽरो॥ हे़क्‍क्‍याङ् यहुदान् निङ्‌वाॽफुमाङ्‌ङिल्‍ले़ नु नसाःन्‍साबा सेसेबाल्‍ले़ कुदक्‍ले़ङ्‌वाओ पोगे़आङ् वाॽरो॥

होसे 8:7

“खे़ङ्‌हाॽरे़ साम्‍मित् केजङ्‌ङिन् मे़हेॽरुरो, हे़क्‍क्‍याङ् के़इक्‍सिङ्‌बा सुरित् केजङ्‌ङिन् मे़सुप्‍सुसिरो॥ इक्‍ताप्‍पोबा चालाङ्‌ङो कुदाप्‍मा मे़धोःक्‍ने़न्‍लो, खे़ल्‍ले़ थेआङ् कुजाॽआङ् मे़धोःक्‍ने़न्‍लो थोःक्‍साङ् वेॽ लाजेॽबाहाॽरे़ खे़न् मे़लरु मे़देसुरो॥

होसे 5:13

“आल्‍ल एफ्राइम्‍मिल्‍ले़ खुने़ॽ कुदुक्‍मे़न् निसुरो हे़क्‍क्‍याङ् यहुदाःल्‍ले़ खुने़ॽ कुयाङ्‌घेःक्‍किन् निसुरो, खे़ब्‍याङ् एफ्राइम्‍मिल्‍ले़ अस्‍सुरबा पयम् हाङ्‌ङे़ओ कुभाॽरे़ लागि मनाहाॽ पाङ्‌घुदेसुसिरो॥ कर खे़ल्‍ले़ खे़ने़ॽ के़नुॽर चोःक्‍मा खे़ल्‍ले़ खे़ने़ॽ के़याङ्‌घेःक्‍किन् वेःम्‍मा मे़सुक्‍तुन्‍लो॥

इजकिएल 17:10

कर थे चे़ल्‍ले़क्‍सेॽइन् चप्‍मे़ल्‍ले़ कल्‍ले़ कुजाॽ थोःक्‍मा सुक्‍पि? मेःन्, नाङ्‌गे़न् पिसाङ्‌बा सुरिःत्तिल्‍ले़ मुःत्तुल्‍ले़ कन् सर्गे़ङ् इरे़म्‍बेःक्‍लो॥ कन् नुरिक् तारिक् पोरे़आङ् युङे़बा हाबा खे़न् नुबा खाम्‍मो कन् सिरो॥”

यर्मिया 22:22

खिनिॽ फे़न्‌याःम्‍बक्‍किल्‍ले़ चोगुल्‍ले़ खिनिॽ के़रे़क् लाम्‍लोबाहाॽ साम्‍मिःत्ते़ल्‍ले़ फे़सु तेॽरुसिरो, थङ् चोःक्‍मारे़ लागि खिनिॽ तेःङ्‌जुम् के़मे़प्‍पाहाॽ मे़देॽरुसिरो हे़क्‍क्‍याङ् खे़ङ्‌हाॽ माःङ्‌घा लाजेॽ मे़देॽरुसिरो खे़ब्‍याङ् खे़निॽ कुनामे़न्‍छाॽ नु सिरिङ्‌ममो के़ध्‍ये़ॽइरो॥

२ हाङ् 15:19

खे़ब्‍याङ् अस्‍सुरबा हाङ् पुलरे़ लाजेन् थङ्‌ङो फत्तु, हे़क्‍क्‍याङ् हाङ्‌जुम्‍मो खुने़ॽ कुहाङ्‌युक्‍किन् के़धुम्‍बा चोःक्‍मारे़ लागि मनहेमरे़ पुले़न् सुम्‍बोङ्‌ङाङ् लिसि हे़न्‍छिङ् किलोग्राम युप्‍पा पिरु॥

तोलिङ्‌सोमु 41:6

खे़ब्‍याङ् कुभिॽ इस्‍सेःङ्‌बा हे़क्‍क्‍याङ् नाम्‍गे़न् पिसाङ्‌लाम् के़बोःक्‍पा साम्‍मिःत्तिल्‍ले़ मुःत्तुआङ् इगे़ले़म्‍बा वेॽ नुसि चादाप्‍माहाॽ मे़गे़रे़॥

यर्मिया 2:36

खे़ने़ॽग के़ये़प्‍ले़क्‍किन् के़ले़क्‍खुरो हे़क्‍क्‍याङ् के़बाःप्‍पाःत् ना नु कत्‍ना के़वाॽरो खे़ने़ॽ मिस्ररे़आङ् इङ्‌ले़क्‍को के़धासे़रो, हे़क्‍केलॽरिक्‍के अस्‍सुरे़ल्‍ले़ खे़ने़ॽ निङ्‌साङ् पुक्‍मो के़धारो॥

यर्मिया 7:15

खिनिॽ काॽइ सोॽधोःक्‍हाॽ, इस्राइलबा मनाहाॽ नाःत्तुङ्‌सिङ्‌बा हे़क्‍के आङ्‌गाॽ आमिक्‍साओलाम्‍बा खिनिॽ लाःक्‍कात् नाःत्‍निङ् लःत्‍निङ्‌ॽ॥”

मे़रिङ् साप्‍पन् 5:6

आनिगे साप्‍पोक् खाघा चामा नु थुङ्‌मारे़लागि मिस्र नु अस्‍सुरओ आनिगे हुक्‍हाॽ सन्‍छुम्‍बे़रो॥

होसे 4:19

सुरित् केजङ्‌ङिल्‍ले़ खे़ङ्‌हाॽ फे़सु तेॽरुसिरो, हे़क्‍क्‍याङ् खे़ङ्‌हाॽ खुन्‍छिॽ सिदुङ्‌जभाहाॽरे़ चोगुल्‍ले़ सिरिङ्‌ममो मे़धारो॥”

होसे 7:11

“एफ्राइम्‍मिन् कुले़म् के़नुॽबा नु कुधना के़होप्‍पा, कुने़हि के़होप्‍पा पुत्तुःक्‍के हे़क्‍तङ्‌बा चोक्‍लो॥ आल्‍लो खे़ङ्‌हाॽरे़ मिस्र लाजेन् मे़उःत्तुरो, खे़ङ्‌हाॽ अस्‍सुरओ मे़बेःक्‍लो॥

२ साप्‍मुःन्‍धुम् 21:11

खुने़ॽ यहुदाबा कोःक्‍मा लाजेॽओ माङ्‌धाःन्‍हाॽ चोगु खम्‍भ्‍याङ् खुने़ॽ यरुसले़म के़युङ्‌बाहाॽ नावाइत्‍ला से़वा मे़प्‍मा पाङ्‌घुसिआङ् के़त्‍निमा याःम्‍बक् के़जोःक्‍मानु कुदङ्‌बा चोगुसिआङ् यहुदान् ताप्‍फे़ःम्‍बा लाम्‍मो हिसु॥

निङ्‌वाॽफु साम्‍लोसुम् 78:36

कर खे़ङ्‌हाॽरे़ खुनिॽ पाःन्‍हाॽग इङ्‌ले़क्‍के वये़रो, हे़क्‍क्‍याङ् खे़ङ्‌हाॽरे़ मे़बाःत्तुबा आत्तिन् पाःन्‍निन्‍नाङ् कुदोःप्‍मा होःप्‍ते़रो॥

होसे 4:15

“इस्राइलए, खे़ने़ॽ याम्‍बोःप्‍मा याःम्‍बक् के़जोगुसाङ् यहुदान् आप्‍तिक्‍साबा मे़बोङ्‌ङिन्‍लरो॥ गिलगालओ खिनिॽ मे़बेगे़म्‍मिन्‍ने़ॽओ हे़क्‍क्‍याङ् बेथ-आवनओआङ् मे़बेगे़म्‍मिन्‍ने़ॽओ ‘से़क्‍खाए यहवे दाङ्‌बे़न् कुहिवे़त् वाॽबा कुइसिक्’ पाःत्ताम्‍मे़ॽर माङ्‌हे़क्‍काङ् मे़जोगे़म्‍मिन्‍ने़ॽओ॥

होसे 7:1

“आङ्‌गाॽ इस्राइलरे़ कुयाङ्‌घेःक्‍किन् वेःन्‍दुङ्‌ङिल्‍ले़, एफ्राइमरे़ कुलायोहाॽ ओसेःन्‍धाङ् पोङ्‌लो हे़क्‍क्‍याङ् सामरियाःल्‍ले़ कुभे़न्‌याःम्‍बक्‍हाॽ निधाःप्‍लो॥ खे़ङ्‌हाॽ इङ्‌ले़क्‍स्‍वाबा याःम्‍बक् मे़जोक्‍लो के़घुःप्‍पाहाॽ हिम्‍हाॽओ मे़लाःत्‍लो, फाःन्‍दाहाॽरे़ माराम्‍हाॽओ मनाहाॽ मे़नाप्‍तुसिरो॥

होसे 11:9

आङ्‌गाॽ साॽरिक् के़बोःक्‍पा आसाक्‍के़न्‍निन् मे़धाआन्‍लो, आङ्‌गाॽ एफ्राइम्‍मिन् याम्‍मो मे़म्‍भै मे़जोगुङ्‌ङिन्‍लो॥ थेआङ्‌भे़ल्‍ले़ आङ्‌गाॽ मनाआ मे़ःन्‍नारो, कर निङ्‌वाॽफुमाङ्‌आरो, खिनिॽ लुम्‍मो के़वाॽबा के़रे़क्‍नुःल्‍ले़ सेसेबा— आङ्‌गाॽ आसिक् पोःक्‍मो खिनिॽओ मे़दाआन्‍लो॥