होसे 11:2 - लिम्बु2 कर आक्खे़न् आक्खे़न्ले़ङ् आङ्गाॽ खे़ङ्हाॽ उःत्तुङ्सिङ्, खे़म्म्याक् खे़म्म्याक्के खे़ङ्हाॽ आङ्गाॽलाम् माःङ्घा मे़बोःक्खे़रो॥ खे़ङ्हाॽरे़ बाल माङ्हाॽओ सिदुङ्जभा मे़दोन्दुरो, हे़क्क्याङ् खे़ङ्हाॽरे़ नावा चइःत्हाॽओ सुक्पा मे़हाःन्दुरो॥ Gade chapit la |
होसे 11:2
28 Referans Kwoze
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
खे़ङ्हाॽरे़ खुन्छिॽ लायोल्ले़ लागि हे़क्क्याङ् खे़ङ्हाॽरे़ खुन्छिॽ थाःक्थे़बाहाॽरे़ खुन्छिॽ लायोल्ले़ लागि कुले़क्वा हुङुङ्लो॥ खे़ङ्हाॽरे़ कोःक्माओबा नावाइत्ला से़वा के़मे़प्पाहाॽरे़ खुन्छिॽ ले़त्ति तोःम्मादे़न्हाॽओ सुक्पा मे़हाःन्दुआङ् वाॽरो खे़ब्याङ् आङ्गाॽ आदक्ले़ङ्वाओ मे़बारे़आङ् वाॽरो॥ के़बेःक्पा ये़न्नो खे़ङ्हाॽरे़ मे़जोगुबा लायोन् कुइसिक् आङ्गाॽ खे़ङ्हाॽ खुम्दिङ् पिरुङ्सिङ्लो॥”
“यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपान् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न्ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिक् खिनिॽ साहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥
यरिक् तङ्बे थारिक् खे़ने़ॽ खे़ङ्हाॽ नासि के़धःत्तुसिआङ् साम्दिङ् के़बिरुसिरो, माङ्निङ्वाॽपान् के़बाःप्पाहाॽलाम् के़याम्साम्मिल्ले़ खे़ङ्हाॽ साम्दिङ् के़बिरुसिरो, कर के़मनाहाॽ आबाङे नाधे़क्क्रे़ङ् मे़जोक्सिङ्लो, खे़ल्ले़चोगुल्ले़ वेॽ थिम्मे़न्दङ् सुवाङ्हाॽरे़ खे़ङ्हाॽ मे़नाःन्दुसिर के़याःन्दुसिरो॥
आल्ल आदाङ्बारे़ आङ्गाॽ कर्मेल कोःक्माओ तुम्मारे़ लागि इस्राइललाम् के़रे़क् मनाहाॽ उःत्ते़से़ॽ॥ हे़क्क्याङ् इजेबेलरे़ कुजा चामा चप्ते़न्नो के़युङ्बाआङ् के़जाबा बालरे़ खे़न् ४५० कुमाङ्निङ्वाॽपान् के़बाःप्पाहाॽ नु असेरारे़ ४०० कुमाङ्निङ्वाॽपान् के़बाःप्पाहाॽआङ् आदाङ्बारे़ तारे़से़ॽआङ् त्ये़ॽ॥”
ये़त्छिगेःक् लाओबा थिबोङ्ङाङ् ङासिगेक्पा ये़न्नो, खुने़ॽ आप्फेक्के निःन्धो के़बोङ्बा ला बेथेलओ खुने़ॽ चोगुबा ले़त्ति तोःम्मादे़न्नो खुने़ॽ सिदुङ्जभाहाॽ तोःन्दु॥ कम्भलॽरिक् इस्राइलिहाॽरे़ खुन्छिॽ लागि खुने़ॽ तङ्नाम् निःन्धो चोगु, हे़क्क्याङ् सिदुङ्जभा तोःन्छे़ ले़त्ति तोःम्मादे़न्नो आप्फेक् थोःक्सिङ् लासे़रो॥
याम्मो इस्राइलिहाॽरे़ अराम, सिदोन नु मोआब हे़क्क्याङ् अम्मोनिहाॽ नु पलिस्तिहाॽरे़ खुन्छिॽ माङ्साम्माङ्हाॽ खे़ब्याङ् बाल नु अस्तोरेत माङ्हाॽ से़वा मे़मे़त्तुसिआङ् यहवे दाङ्बे़ल्ले़ कुनिमो आत्तिन् पाःन्निन् ताप्फे़ःम्बा चोगे़ हाबा खे़न्ने मे़जोगु॥ खे़ङ्हाॽरे़ यहवे दाङ्बे़न् मे़ले़रुआङ् खुने़ॽ माङ्से़वा मे़म्मे़त्तुन्॥
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥
खे़ङ्हाॽरे़ कोःक्माहाॽरे़ कुसम्हाॽओ वयागे़न् सिदुङ्जभा मे़दोन्दुरो, हे़क्क्याङ् थे़गु माङ्वाहाॽओबा सुसु के़लॽबा नाम्इःक्खङ् आबिबिबा यहिबा, हुम्बे़त् के़दाप्पा पिपोर नु पोरोःक्सिङ्माहाॽरे़ कुसिङ्गाङ् सुक्पा मे़हाःन्दुरो॥ “कल्ले़चोगुल्ले़ खिनिॽ मे़न्छुमासाहाॽरे़ के़त्निमा याःम्बक् मे़जोगुरो, हे़क्क्याङ् खिनिॽ पाङ्लिमाहाॽरे़ चाराम्मा याःम्बक् मे़जोगुरो॥
Piblisite