होसे 11:11 - लिम्‍बु

¹¹ खे़ङ्‌हाॽ मिस्र लाजेॽलाम् पुसाहाॽ कुइसिक् हे़क्‍क्‍याङ् अस्‍सुरलाम् साप्‍पे़त्‍त्रुःक्‍मा कुइसिक् खे़ङ्‌हाॽ थे़गक्‍कक्‍ना मे़यङ्‌ल मे़भे़न्‍लो॥ आङ्‌गाॽ खे़ङ्‌हाॽ खुन्‍छिॽ आप्‍फेक् हिम्‍मो युक्‍खुङ्‌सिङ्‌लो,” यहवे दाङ्‌बे़ल्‍ले़ उवा चोगुआङ् वाॽरो॥

होसे 11:11 Referans Kwoze

यसैया 11:11

खे़न् ये़न्‍निन् ताआङ् दाङ्‌बे़ल्‍ले़ याम्‍मो थिक्‍ले़ङ् खुने़ॽ कुमुक्‍साम्‍मिन् ओःन्‍धाक्‍तुसि हे़क्‍क्‍याङ् अस्‍सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्‍क्‍याङ् के़रे़क् माःङ्‌घा माःङ्‌घाबा वरःङ्‌ङिल्‍ले़ कुयाओ के़ने़बा वागप्‍खाम् लाजेॽहाॽओलाम् खुने़ॽ कुमनाहाॽ याम्‍मो इस्राइल लाजेॽओ नुःक्‍तुॽ तारुसिरो॥

यसैया 60:8

खाॽमित् कुसिङ् के़बे़बा के़दाबा हे़क्‍क्‍याङ् पुत्तुःक्‍के हे़क्‍के खे़ङ्‌हाॽरे़ खुन्‍छिॽ हाप्‍पो के़बे़बा कन् हाःप्‍पे?

जकरिया 10:10

आङ्‌गाॽ खे़ङ्‌हाॽ मिस्र लाजेॽलाम् नुःक्‍तुङ् तारुङ्‌सिङ्‌लो, हे़क्‍क्‍याङ् अस्‍सुर लाजेॽलाम् खे़ङ्‌हाॽ सुप्‍सुङ्‌सिङ्‌लो॥ आङ्‌गाॽ खे़ङ्‌हाॽ गिलाद नु लेबनान लाजेॽहाॽओ तारुङ्‌सिङ्‌लो खे़ब्‍याङ् खे़प्‍मो काक् लाजेन् मनाहाॽरे़ सधे़क् मे़धिम्‍सुरो॥

होसे 7:11

“एफ्राइम्‍मिन् कुले़म् के़नुॽबा नु कुधना के़होप्‍पा, कुने़हि के़होप्‍पा पुत्तुःक्‍के हे़क्‍तङ्‌बा चोक्‍लो॥ आल्‍लो खे़ङ्‌हाॽरे़ मिस्र लाजेन् मे़उःत्तुरो, खे़ङ्‌हाॽ अस्‍सुरओ मे़बेःक्‍लो॥

ओबदिया 1:17

“कर सियोन कोःक्‍माओग से़ःप्‍सिङ्‌मादे़न् पोङ्‌लो, खे़न् लत्‍छा सेसेबादे़न् पोङ्‌ङाङ् युङ्‌लो॥ हे़क्‍क्‍याङ् याकुबरे़ कुहिम्‍सयङ्‌हाॽरे़ खुन्‍छिॽ लक्‍खोमा युक्‍हाॽ खे़ङ्‌हाॽरे़ आप्‍फेक् युक् मे़जोगुरो॥

होसे 3:5

खे़न् एगाङ् इस्राइलिहाॽ मे़नुःङ्‌ॽ, हे़क्‍क्‍याङ् यहवे दाङ्‌बा खुन्‍छिॽ निङ्‌वाॽफुमाङ्‌ङिन् नु खुन्‍छिॽ हाङ् दाउदे़न् मे़गोःत्तुसिॽ॥ याङ्‌सिबा ये़न्‍हाॽओ खे़ङ्‌हाॽ मे़गिआङ् यहवे दाङ्‌बाओ नु खुने़ॽ कुहाङ्‌वागे़न् मुॽइसाम् ले़प्‍माङ् मे़दारो॥

इजकिएल 37:25

आङ्‌गाॽ आसे़वारोबा याकुबे़न् पिरुङ्‌बा, खे़ङ्‌हाॽरे़ खुन्‍छिॽ पाधे़बाहाॽ मे़युङे़बा लाजेॽओ खे़ङ्‌हाॽ मे़युङ्॥ खे़ङ्‌हाॽ नु खे़ङ्‌हाॽरे़ खुन्‍छिॽ साहाॽ, खे़ङ्‌हाॽरे़ खुन्‍छिॽ एगाङ्, खे़ङ्‌हाॽरे़ खुन्‍छिॽ मे़न्‍छाॽहाॽ, थाःक्‍हाॽरे़ खुन्‍छिॽ एगाङ् थाःक्‍हाॽ सदादिङ् आभे़ल्‍ले़साङ् खे़प्‍मो मे़युङ्‌ॽ॥ हे़क्‍क्‍याङ् आङ्‌गाॽ आसे़वारोबा दाउदे़न् सदादिङ् खे़ङ्‌हाॽरे़ खुन्‍छिॽ हाङ् पोङ्‌ॽ॥

इजकिएल 37:21

हे़क्‍क्‍याङ् मुक्‍साम्‍दाङ्‌बा यहवे दाङ्‌बालाम् खे़ने़ॽ कन् इङ्‌घङ्‌ङिन् खे़ङ्‌हाॽ मे़त्ते़से़ॽ—आङ्‌गाॽ मे़न्‍छाम् सुवाङ्‌हाॽरे़ खुन्‍छिॽ लुम्‍मोलाम् इस्राइलबा मनाहाॽ फुक्‍खुङ्‌सिङ्‌ॽ॥ खे़ङ्‌हाॽ फुत्‍छिङ्‌ज्‍याङ् मे़से़रे़आङ् मे़वाॽबादे़न्‍हाॽओलाम् आङ्‌गाॽ खे़ङ्‌हाॽ खुन्‍छिॽ आप्‍फेक् लाजेॽओबा हिम्‍मो नुःक्‍तुङ् तारुङ्‌सिङ्‌ॽ॥

यर्मिया 31:12

खे़ङ्‌हाॽ मे़दाआङ् मे़सःत्‍ल सियोन कोःक्‍माओ से़वासाम्‍लोन् साम्‍मे़मे़त्तुरो यहवे दाङ्‌बे़ल्‍ले़ पिरुसिबा यरिक् पर्धाःम्‍मिल्‍ले़ खे़ङ्‌हाॽ मे़सःत्‍लो— कुजा, कुबोक् चे़ल्‍ले़क्‍सेॽ थि, चैतुन निःङ्‌गेॽ, मे़ल्‍लुक् नु पित्‍हाॽ मे़घोसुसिरो खे़ल्‍ले़चोगुल्‍ले़ खे़ङ्‌हाॽरे़ खुन्‍छिॽ निङ्‌वाॽ पदादारो॥ खे़ङ्‌हाॽ नुरिक्‍काङ् योरुर च्‍वाःत्तिल्‍ले़ वागे़रक्‍पा इक्‍ताप् हे़क्‍तङ्‌बा मे़बोङ्‌लो हे़क्‍क्‍याङ् खे़ङ्‌हाॽ आप्‍फाल्‍ले़आङ् कुहोःप्‍मा कुसाक्‍मो मे़न्‍धाने़न्‍लो॥

इजकिएल 34:27

आङ्‌गाॽ आमनाहाॽरे़ खुन्‍छिॽ सिङ्‌सेॽइक्‍हाॽओ नु इक्‍ताप्‍हाॽओ आत्तातान्‍ने यरिक् कुजाॽ थोक्, हे़क्‍क्‍याङ् के़रे़क् मनाहाॽ हाङ्‌हाङ् लॽरिक् मे़युङ्‌ॽ॥ आङ्‌गाॽ आमनाहाॽ योग्‍बा योःग्‍मा मे़जोगुसिबा खुन्‍छिॽ इघेःङ्‌मा फे़न्‍थक्‍क्रङ्‌हाॽ फुॽरुङ्‌ॽ पिरुङ्‌सिङ्‌ॽ हे़क्‍क्‍याङ् खे़ङ्‌हाॽ योक् के़जोःक्‍पाहाॽरोलाम् से़ःन्‍दुङ्‌सिङ्‌ङिल्‍ले़, आङ्‌गाॽए यहवे दाङ्‌बाआ फाॽआङ् खे़ङ्‌हाॽरे़ निङ्‌वाॽ मे़घोसुॽ॥

इजकिएल 34:28

आल्‍लआङ्‌धो खे़ङ्‌हाॽ वेॽ मे़न्‍छाम् सुवाङ्‌हाॽरे़ खुन्‍छिॽ हुक्‍को मे़न्‍धाने़न्, हे़क्‍क्‍याङ् ताम्‍भुङ् थक्‍साहाॽरे़ आल्‍लआङ्‌धो मे़न्‍जसिन्‌ॽ॥ खे़ङ्‌हाॽ हाङ्‌हाङ्‌ङाङ् मे़वाॽ मे़युङ्‌ॽ, हे़क्‍क्‍याङ् आत्तिल्‍ले़आङ् खे़ङ्‌हाॽ यङ्‌मा मे़से़रुसिन्‌ॽ॥

जकरिया 8:7

मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुॽ—“ओमे़त्ते़ॽ, आङ्‌गाॽ आमनाहाॽ नाङ्‌गे़न्‍बा लाजेॽ नु नाम्‍धाबा लाजेॽहाॽलाम् ताङ्‌से़ःप्‍तुङ्‌सिङ्‌ॽ॥

जकरिया 8:8

आङ्‌गाॽ खे़ङ्‌हाॽ यरुसले़ःम्‍मो युङ्‌से़ तारुङ्‌सिङ्‌ॽ॥ खे़ङ्‌हाॽ आङ्‌गाॽ आमना मे़बोङ्‌ॽ, हे़क्‍क्‍याङ् आङ्‌गाॽ खे़ङ्‌हाॽरे़ खुन्‍छिॽ नसाःन्‍साबा नु साम्‌योबा निङ्‌वाॽफुमाङ् पोङ्‌ङा॥”