होसे 11:10 - लिम्बु10 खे़ङ्हाॽरे़ यहवे दाङ्बे़न् मे़दिम्दु मे़नाःत्तुरो, खुने़ॽ खिरिङ्बा कुइसिक् हुःक् हुःक् लॽरिक् हुःक्लो, आल्ल खुने़ॽ हुःक्किल्ले़ खुने़ॽ कुस्सा अङे़ःक्वाहाॽ मे़यङ्ल नाम्धा पिसाङ्लाम् मे़भे़न्लो॥ Gade chapit la |
होसे 11:10
36 Referans Kwoze
दाङ्बे़ल्ले़ आङ्गाॽ अक्खे मे़त्ताङ्लो, “यम्बा केबान् से़रुबा साओ हुःक्लो, हे़क्क्याङ् पित् मे़ःन्दा के़गप्पा यम्बा लुप्हाॽ आक्ख्यारिक् साॽरिक् मे़अःक् मे़भिःक्साङ् खे़ङ्हाॽरे़ यङ्मा मे़से़रुबालाम् केबान् यङ्मा मे़सिने़ल्लो— हे़क्केलॽरिक्के सियोन कोःक्मान् नु खे़ल्ले़ कुभाङ्जङ्हाॽओ थङ् चोःक्से़ मुक्साम्दाङ्बा यहवे दाङ्बान् युरो॥
“यर्मियाए, आङ्गाॽ पाःत्तुङ्बा के़रे़क् पाःन्हाॽ खे़ङ्हाॽरे़ मे़घे़प्सुर के़याःन्दुसिर पोङ्ॽ॥ खे़ने़ॽ कन् मनाहाॽ अक्खे मे़प्मासि पोङ्लो, “‘यहवे दाङ्बान् साङ्ग्राम्पेदाङ्लाम्बा हुःक्लो, साङ्ग्राम्पेदाङ्बा के़रे़क्नुःल्ले़ थाःङ्धाक्पा युङ्नादे़न्लाम्बा खुने़ॽ कुलाजेःल्ले़ कुदक्ले़ङ्वाओ आगिगिबा इक्ला लःत्तुरो, खुने़ॽ खाम्बेःक्मोबा मनाहाॽरे़ खुन्छिॽ तक्ले़ङ्वाओ हुःक्लो, चे़ल्ले़क्सेॽ के़दोॽबा मना कुइसिक् खुने़ॽ ने़भाक्वा फिङ्ल अःक्लो॥ इक्सादिङ् खाम्बेःक्मोबा के़रे़क् मनाहाॽरे़ खुने़ॽ कुइक्लान् मे़घे़प्सुरो॥
आङ्गाॽ आमनाहाॽ नुःक्तुङ् तारुङ्सिङ्ङिल्ले़ मे़हाःप्लो हे़क्क्याङ् पेलिगे़न् तुवा चोःक्नु मे़नुःङ् मे़दारो॥ आङ्गाॽ मनाहाॽ वहःङ् यङ्घङ्लाम्बा लाम् तोःन्दुङ्सिङ्लो, आघघबा के़होप्पा के़दङ्बा लाम्मो लाङ्घेःक्खुङ्सिङ्लो॥ आङ्गाॽ इस्राइलिहाॽरे़ लागि खुन्छिॽ पानुदिङ् पाआरो खे़ब्याङ् एफ्राइम्मिन् आङ्गाॽ आस्सा तुम्बारो॥
आङ्गाॽ कन् खे़प्सुङ्ङाङ् आसिक्लुङ्मान् यक्खे़रो, खे़न् इक्लान् खे़प्सुङ्ङिल्ले़ आम्ब्रासेन् थे़गक्कक्ना यक्खे़रो, आङ्गाॽ आये़त् आलुङ्सिहाॽ सिगाङ्ङे यरे़बेरो, हे़क्क्याङ् आङ्गाॽ आलाङ्हाॽ चिरिम्लिम्ना यक्खे़रो॥ हे़क्केसाङ् आनिगे याप्मि के़भप्पा मे़न्छाम् सुवाङ्हाॽओ के़दाबा तुक्खेलाक्खेबा ये़न्निल्ले़ लागि आङ्गाॽ नासि थःत्तुङ्ङाङ् हाङ्घुङ्ल वाॽआरो॥
खे़ब्याङ् कन् यरुसले़म ये़क्यक्किन् आङ्गाॽ आलागि निङ्वाॽ तामा, मिङ्सोधाःङ्सो पोङ्मा नु ने़बो पप्मारे़ कुबुङ् पोङ्ॽ हे़क्क्याङ् आङ्गाॽ यरुसले़ःम्बा यक्युङ्बाहाॽरे़ खुन्छिॽ लागि चोगुङ्बा नुबा याःम्बक्हाॽ नु खे़न् ये़क्यक्को चोगुङ्बा नुॽमादामा पाःन्हाॽ मे़घे़प्सुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ पगि मे़गिआङ् थे़गक्कक्ना मे़यङ्॥”
खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥
लाम्दिःप्पाङ्, ये़त्छाबा ये़त्छामा हे़क्क्याङ् मेमेदुमाहाॽलाम् यरिक् याङ्साकुन्धे थक्मालाम् मे़जोगे़म्मिन्ने़ॽ॥ कन् लाजेॽओ फोत्या मे़ःन्नेबाहाॽरे़ खुन्छिॽ माक्खिॽ मे़से़से़म्मिन्ने़ॽ॥ कुसिङ् मे़न्निःत्तेबा साम्माङ्हाॽओ से़वा चोःक्मा ले़रे़म्मे़ॽ, खे़ङ्हाॽरे़ खिनिॽ के़म्मे़क्खि के़म्से़रिरक्॥
आङ्गाॽ यहवे दाङ्बाआ, खिनिॽ आङ्गाॽनु किमा मे़बोङ्ने़न्बि? आङ्गाॽ आदगि थेआङ् थे़गक्कक्ना के़न्यक्खिन्बे? आङ्गाॽ वरःङ्ङिल्ले़ लागि ये़ःङ्घाःन् इःन्दो ने़स्सुङ् पिरुङ्ङाङ् ने़रो॥ खे़न् वरःङ्ङिल्ले़ काःक्मा मे़न्छुक्मना लत्छा तधप् मे़ल्लॽमनाबा कुधेःक्मा पोःक्खे़आङ् ने़रो॥ वरःङ्ङोबा वाभे़ल्ले़ङ्हाॽ पोःक्पिलारो कर खे़न् इःन्दोन् काःक्मा मे़सुक्तुन्लो॥ खे़न् वाभे़ल्ले़ङ्हाॽ यम्बा सःक्पिलारो कर खे़न् हमाआङ् काःक्मा मे़सुक्तुन्लो॥
“खे़ने़ॽ कन् इङ्घङ्ङिन् यरुसले़ःम्मो के़वाॽबाहाॽ के़रे़क् मे़त्ते़से़ॽ, यहवे दाङ्बे़ल्ले़ अक्खे पाःत्तुरो— “इस्राइलए, खे़ने़ॽ के़धाङ्बे़न् वे़म्मो आक्खे़न् नसाःन्साबा के़वये़ के़लॽबान् आङ्गाॽ आनिङ्वाॽसुम्मो वाॽरो, सिसामेःत्तिल्ले़ हे़क्के खे़ने़ॽ मिःम् के़मे़त्ताङ्लो॥ मुरे़क् खारे़क् थेआङ् के़होप्पादे़न्नो, थेआङ् मे़न्लिङ्मनाबा चिजि खक्खक्पा एःक्सादे़न्नो खे़ने़ॽ आङ्गाॽ आएगाङ् आएगाङ् के़नाःत्ताङ्लो॥
यहवे दाङ्बे़ल्ले़ कुबाःन्नो के़गिबा के़यङ्बासे, खुने़ॽ कुबाःन्जाक्किन् खे़प्साम्मे़ॽओ, “आमिङ्ङिल्ले़ चोगुल्ले़ खिनिॽ आबाङे मनाहाॽरे़ के़म्जिःत्तिआङ् के़म्से़न्दिरो॥ खे़ब्याङ् किनाःन्दि मे़बाःत्ल खिनिॽ अक्खे के़म्मे़त्तिरो, ‘यहवे दाङ्बे़न् के़रे़क्नुःल्ले़ पयम् यम्बा चोःक्पे़न् खुने़ॽ आबाङे ओसेःन्धाङ् चोगुररो हे़क्क्याङ् खिनिॽ के़से़ःप्तिररो॥ हे़क्क्याङ् खिनिॽ के़सःत्तिबे़न् आनिगे ओमे़प्मा खोसुम्बे़ररो’ कर खे़ङ्हाॽरे़ खुन्छिॽ चाःत्थि पेःक्लो॥
के़रे़क् वागप्खेःङ्हाॽओ नु वरःङ्ङिल्ले़ कुयाहाॽओबा के़रे़क् युक्साबाहाॽ खुन्छिॽ हाङ्युक्नाहाॽओलाम् यो मे़धासिङ् मे़युरो हे़क्क्याङ् खे़ङ्हाॽरे़ खुन्छिॽ हाङ्लगेःत्हाॽ नु चाङ्हाॽ मे़भे़न्दुरो॥ खे़ने़ॽ के़मे़क्किल्ले़ खे़ङ्हाॽ यङ्मा मे़सिआङ् थे़गक्कक्ना मे़यङ्ल खाम्बाङ्ङो मे़युङ्सिङ्ॽ॥
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
Piblisite