होसे 10:5 - लिम्बु5 सामरिया ये़क्यक्को के़युङ्बा मनाहाॽरे़ बेथ-आवनबा पित्सात् नावाइत्लान् थे़गक्कक्ना मे़यङ्ल मे़गिरुरो॥ खे़ल्ले़ कुमनाहाॽ खुने़ॽ कुलागि ने़त्मे़युक्लो, हे़क्क्याङ् खे़ल्ले़ कुहाङ्वा कुमाङ्वाओ के़सःप्पा खे़न् नावाइत्ला से़वा के़मे़प्पा यक्याबाहाॽ मे़रिङ् मे़धक्लो, थेआङ्भे़ल्ले़ खे़न् खुन्छिॽओलाम् वेॽ लाजेॽ मे़देॽरुआङ् वाॽरो॥ Gade chapit la |
होसे 10:5
20 Referans Kwoze
यहुदाबा पाङ्जुम्हाॽओ नु यरुसले़म कुया कुयाओबा चन्जम्बादे़न्हाॽओ सुक्पा के़हाःम्बा निङ्वाॽफुसाम्बाहाॽ यहुदाबा हाङ्हाॽरे़ युक्तिङ् मे़जोगुसिआङ् वये़॥ खे़ङ्हाॽरे़ बाल माङ्, नाम् नु लाबा, हे़क्क्याङ् मे़न्छ्याबुरुक्माहाॽ नु खेःम्सिक्पा के़रे़क् तरःङ्दिङ् ताङ्साङ्बाल्ले़ लागि सुक्पा मे़हाःन्दु॥ योसियाह हाङ्ङिल्ले़ खे़ङ्हाॽ के़रे़क् लःत्तुदेसुसि॥
आल्ल खे़ङ्हाॽरे़ आल्लसाङ् यरिक् लायो मे़जोगुरो, खुन्छिॽ आप्फेक् लागि खुन्छिॽ युप्पाहाॽलाम् खे़ङ्हाॽरे़ योःम्मनाबा नावाइत्लाहाॽ मे़धगुसिरो, इग्र मिक्ले़ङ्मालाम् कुइत् लःप्मनाबा नावाइत्लाहाॽ खे़ङ्हाॽ के़रे़क् चोबेगुहाॽरे़ मे़जोगुबा याःम्बक्लो॥ कन् मनाहाॽरे़ खुन्छिॽ याःम्बेओ मे़बाःत्तुआङ् वाॽरो, “कन्हाॽ सिदुङ्जभा तोःन्दे़म्सिम्मे़ॽओ पित्सात् नावाइत्लाहाॽ चुप् मे़त्ते़म्सिम्मे़ॽओ!”
हे़क्केःल्ले़ कल्ले़ग आनिॽ याःम्बक्किल्ले़ कुदक्ले़ङ्वाओ मनाहाॽरे़ फे़न्पान् मे़बाःत्तुबा पोःक्खे़, हे़क्क्याङ् एसियासमा ते़ङ्गप्पो नु इक्सादिङ् खाम्बेःक्मोबा के़रे़क् मनाहाॽरे़ से़वा मे़जोगुबा आर्तेमिस साम्माङ्ङिन् नु कुमाङ्हिम्मिल्ले़ कुजाःत्थि के़बेःक्पा पोःक्खे़आङ् वाॽरो॥”
“यहुदाःल्ले़ कुदक्ले़ङ्वाओ नु यरुसले़म के़युङ्बा के़रे़क्ले़ खुन्छिॽ तक्ले़ङ्वाओ आङ्गाॽ आहुक्किल्ले़ साःप्सुङ्सिङ्लो॥ कन् ते़न्नोलाम् के़दाङ्बा के़याःक्पा के़रे़क् बाल साम्माङ्बा पाःन्हाॽ नु नावाइत्ला से़वा के़मे़प्पा के़रे़क् यक्याबाहाॽरे़ खुन्छिॽ मिङ् मासुङ् पिरुङ्सिङ्लो॥
खे़ङ्हाॽरे़ यहवे दाङ्बा खुन्छिॽ निङ्वाॽफुमाङ्ङिल्ले़ के़रे़क् कुइङ्जाङ्हाॽ मे़ले़रु मे़देसु, हे़क्क्याङ् खुन्छिॽ लागि मे़योन्दुआङ् मे़जोगुबा ने़त्छि पित्सात्हाॽ नु असेरा माङ्ङिल्ले़न् सित्लाङ् थिक् मे़जोगु॥ खे़ङ्हाॽ ताङ्साङ्बोबा के़रे़क् खेःम्सिक्पाहाॽ तगि साम्बोन् हबत् मे़भन्छिङ्, हे़क्क्याङ् बाले़न् माङ्से़वा मे़मे़त्तु॥
मिकारे़ मे़त्तुसि, “आङ्गाॽ आप्फेक् आलागि चोगुङ्सिङ्बा आङ्गाॽ आमाङ्हाॽ खिनिॽ के़देॽरुम्सिम्॥ खिनिॽ आङ्गाॽ आनिङ्वाॽफुसाम्बे़न्नाङ् के़देॽरुम्माङ् के़बेगि॥ आङ्गाॽ आलागि थेधिक्काङ् आगे़न्धाॽरे़न्, हे़क्क्याङ् खिनिॽ अक्खे के़बाःत्तुम्माङ् याप्मि पान् से़ःन्गे़दोसि, ‘खे़ने़ॽ थेआङ् के़दम्बा के़ले़ङ्सिङ्बाबे?’ लॽरिक् आक्खेलॽरिक् पाःप्मा के़सुक्तुम्बाबे?”
“आल्ल दाउदरे़ कुमुॽइदाङ्साहाॽरे़ खुन्छिॽ हुक्को के़ने़बा यहवे दाङ्बे़ल्ले़ कुहाङ्जुम्मिल्ले़ कुदक्ले़ङ्वाओ पोःक्मारे़ लागि खिनिॽ निङ्वाॽ के़इःत्तुम्ॽ॥ खिनिॽ से़क्खा आत्तातान्ने यरिक् थक्सुबा के़वयिॽ, हे़क्क्याङ् खिनिॽ माङ् पोङ्मारे़ लागि यारोबामरे़ चोगुबा कन् साम्म्याङ् पित्सात्हाॽ खिनिॽ के़गत्तुम्सिम्ॽ॥
इस्राइलए, वेॽ मे़न्छाम् सुवाङ्हाॽ हे़क्के मे़सःत्ते़म्मिन्ने़ॽओ, थेआङ्भे़ल्ले़ खिनिॽ आप्फेक् निङ्वाॽफुमाङ्ङिन् के़ले़रुम्माङ् खिनिॽ याम्बोःप्मा याःम्बक् के़जोगुम्लो! के़रे़क् पोगुगे़न् कुजा थाम्मादे़न्नो याम्बोःप्मा याःम्बक्किल्ले़ नालिगे़न् कुजे़न् ताःक्मा खिनिॽ सिराॽथाङ्लो॥
Piblisite