होसे 10:11 - लिम्बु11 “एफ्राइम्मिन् चाधाम्मादे़न्नो के़सःप्मा खुम्मनामा करःङ् पिप्मारो, कल्ले़चोगुल्ले़ खे़ल्ले़ नुबा कुभक्ताङ्ङो खे़ःप्सिङ्ङिन् फत्छुङ्लो॥ आङ्गाॽ एफ्राइम्मिन् कुदुङ्दुङ्ना लोःक्खुङ्लो यहुदाःल्ले़ के़क्चु थोःक्खुर पोङ्लो, हे़क्क्याङ् याकुबरे़ खाम्बुक्नाहाॽ यःप्सुर पोङ्लो॥ Gade chapit la |
होसे 10:11
13 Referans Kwoze
इस्राइलए, वेॽ मे़न्छाम् सुवाङ्हाॽ हे़क्के मे़सःत्ते़म्मिन्ने़ॽओ, थेआङ्भे़ल्ले़ खिनिॽ आप्फेक् निङ्वाॽफुमाङ्ङिन् के़ले़रुम्माङ् खिनिॽ याम्बोःप्मा याःम्बक् के़जोगुम्लो! के़रे़क् पोगुगे़न् कुजा थाम्मादे़न्नो याम्बोःप्मा याःम्बक्किल्ले़ नालिगे़न् कुजे़न् ताःक्मा खिनिॽ सिराॽथाङ्लो॥
यहवे दाङ्बे़ल्ले़ आङ्गाॽ मे़त्ताङ्, “खे़ने़ॽ के़मेःत्तिन् वेॽ ये़म्बित्छाःल्ले़ लुङ्माॽ तुक्तुॽ हे़क्क्याङ् खुने़ॽ याम्बोःप्मा याःम्बक् के़जोःक्मा चोःक्साङ् खे़ने़ॽ पेगे़ॽआङ् खुने़ॽ लुङ्माॽ तुक्ते़ॽ॥ इस्राइलिहाॽ वेॽ माङ्हाॽ ले़प्माङ् मे़हिसिङ्ॽ हे़क्क्याङ् खे़न् खे़ङ्मनाबा चे़ल्ले़क्सेॽ सेसे खरे़ःङ्हाॽ खुन्छिॽ सिराॽथाङ्ॽ, हे़क्केसाङ् यहवे दाङ्बे़ल्ले़ खे़ङ्हाॽ लुङ्माॽ तुक्तुसिबा कुइसिक् खे़ने़ॽ के़मेःत्तिन् लुङ्माॽ तुक्ते़ॽ॥”
खे़ङ्हाॽरे़ खुन्छिॽ माःल्ले़ इङ्ले़क् चोगुआङ् वाॽरो हे़क्क्याङ् सिरिङ्ममो खे़ङ्हाॽ साप्पोःक्को कुयुसिआङ् वाॽरो॥ खुने़ॽ पाःत्तु, ‘आङ्गाॽ लुङ्माॽ हिःप्तुसिङ्बाहाॽ तिम्दुङ्सिङ्लो, खे़ङ्हाॽरे़ आजामा खरे़ःङ् आधुङ्मा च्वाःत्, से़मुरिक्, नैनासुत् चिरिक्, चैतुन निःङ्गेॽ नु चे़ल्ले़क्सेॽ थि मे़बिआरो॥’
आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ पाःत्तुङ्ॽ, कन् के़रे़क् मे़न्छाम् सुवाङ्हाॽ फे़न्जेॽ खे़ःप्सिङ्ङिन् कुःत्तुङ्सिङ् हे़क्क्याङ् कङ्हाॽरे़ बेबिलोनबा नबुकदनेसर हाङ्ङिल्ले़ कुयाःम्बक् मे़जोगुर याःन्दुङ्सिङ्ॽ, आङ्गाॽ ताम्भुङ्ङोबा थक्साहाॽआङ् खुने़ॽ कुयुक्को वाॽमा पाङ्घुङ्सिङ्॥’”
‘सियोनरे़ कुस्सा मे़न्छुमाए, पोगे़ॽआङ् चाधाप्से़ॽओ, थेआङ्भे़ल्ले़ आङ्गाॽ खे़ने़ॽ फे़न्जेॽ ताङ्हाॽ पिने़रो, आङ्गाॽ खे़ने़ॽ कासा लाङ्तोॽभेत् पिने़रो, हे़क्क्याङ् चाधाम्मनाबा हे़क्के मे़न्छाम् सुवाङ्हाॽ के़धाप्सुसिरो॥ खे़ङ्हाॽरे़ फे़न्याःम्बक् मे़जोगुआङ् मे़सुप्सुबा पोगुगे़न् कुजाहाॽ हे़क्क्याङ् खे़ङ्हाॽरे़ खुन्छिॽ याङ्साकुन्धेहाॽ काक् इक्सादिङ् खाम्बेःक्कोबा यहवे दाङ्बाओ के़दोःन्दुरो॥’”
Piblisite