यहवे दाङ्बे़ल्ले़ आङ्गाॽ मे़त्ताङ्, “खे़ने़ॽ के़मेःत्तिन् वेॽ ये़म्बित्छाःल्ले़ लुङ्माॽ तुक्तुॽ हे़क्क्याङ् खुने़ॽ याम्बोःप्मा याःम्बक् के़जोःक्मा चोःक्साङ् खे़ने़ॽ पेगे़ॽआङ् खुने़ॽ लुङ्माॽ तुक्ते़ॽ॥ इस्राइलिहाॽ वेॽ माङ्हाॽ ले़प्माङ् मे़हिसिङ्ॽ हे़क्क्याङ् खे़न् खे़ङ्मनाबा चे़ल्ले़क्सेॽ सेसे खरे़ःङ्हाॽ खुन्छिॽ सिराॽथाङ्ॽ, हे़क्केसाङ् यहवे दाङ्बे़ल्ले़ खे़ङ्हाॽ लुङ्माॽ तुक्तुसिबा कुइसिक् खे़ने़ॽ के़मेःत्तिन् लुङ्माॽ तुक्ते़ॽ॥”
होसे 1:2 - लिम्बु2 आल्ल यहवे दाङ्बान् होसेःन्लाम् पाःप्मा हेःक्ते़ल्ले़, यहवे दाङ्बे़ल्ले़ खुने़ॽ अक्खे मे़त्तु, “कन् लाजेःल्ले़ यहवे दाङ्बे़न् नाॽरुआङ् साॽरिक् याम्बोःप्मा आप्तिक्को थ्ये़आङ् वाॽ, खे़ने़ॽ पेगे़ॽआङ् चागे़राम्मा के़त्निमाधिक् ते़न्धाम् मेःक्खिम् मे़त्ते़ॽ, खे़ब्याङ् खे़ल्ले़ चाराम्मा के़त्निमा याःम्बक् चोगुबालाम् कत्तुसिबा साहाॽ सा चोगे़से़ॽ॥” Gade chapit la |
होसे 1:2
24 Referans Kwoze
हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥
खे़ब्याङ् खे़ङ्हाॽ मे़न्छाम् सुवाहाॽरे़ खुन्छिॽ लुम्मो मे़दे़म्सु मे़देॽरुसिल्ले़ खे़ङ्हाॽरे़ आङ्गाॽ निङ्वाॽ मे़इःत्ता॥ खे़ङ्हाॽरे़ खुन्छिॽ इङ्ले़क्पा निङ्वाॽ नु खुन्छिॽ नावाइत्लाहाॽ सिराॽथाङ्बा ताप्फे़ःम्बा मिक्लो लाम्माल्ले़ आङ्गाॽ आक्ख्यारिक् आनिङ्वाॽ तुक् फाॽआङ् खे़ङ्हाॽरे़ निङ्वाॽ मे़घोसुॽ॥ खे़ब्याङ् निन्धासेःक्ओ खे़ङ्हाॽरे़ खुन्छिॽ के़रे़क् सिक्के़ले़ःङ्बा लायोहाॽरे़ चोगुल्ले़ खुन्छिॽ आप्फेक् मे़जिःत्छिङ्ॽ॥
कर इस्राइलबा हाङ्हाॽ नु आहाबरे़ कुहिम्सयङ्हाॽरे़ मे़जोगुबा कुसिङ् खुन्छिॽ ये़प्ले़क्को लाङ्गे़घेगे़आङ् यहुदा नु यरुसले़म के़युङ्बाहाॽ नावाइत्ला से़वा मे़प्मा के़बाङ्घुसिआङ् के़त्निमा याःम्बक् के़जोःक्मानु कुदङ्बा के़जोगुसि॥ खम्भ्याङ् खे़ने़ॽ के़म्बारे़ कुहिम्सङ्ङोबा पासिङ्पादाङ् खे़ने़ॽ आप्फेक् के़न्साॽसि के़स्ये़रुसि॥ खे़ङ्हाॽ खे़ने़ॽनुःल्ले़ के़नुॽबा मे़वये़॥
यहवे दाङ्बे़ल्ले़ अक्खे पाःत्तुरो, “इस्राइलए, यरिक् ये़म्माङ्धो खे़ने़ॽ आङ्गाॽ आयुक्किन् के़नाॽरुरो, खे़ने़ॽ आइङ्जाङ्ङिन् इःप्मा नाःप्मा नु आङ्गाॽ माङ्से़वा मे़प्मा के़ले़राङ्लो॥ के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् के़रे़क् सरेःक्क्याःप्पा सिङ्बुङ् सिगाङ् खे़ने़ॽ वेॽ माङ् साम्माङ्हाॽनु के़त्निमा हे़क्के ताप्फे़ःम्बा याःम्बक् के़जोगुरो॥
कर खे़ने़ॽ के़बाःत्तु, ‘आङ्गाॽ आबाङे आसुत्थो होःप्पाआरो, बाल साम्माङ्ङिन् से़वा मे़मे़त्तुङ्ङिन्लो’ लॽरिक् खे़ने़ॽ आक्खेलॽरिक् पाःप्मा के़सुक्तुबे? खे़ने़ॽ सेःङ्घा ने़ने़बादे़न्नो लायो के़जोगुआङ् के़वये़रो हे़क्क्याङ् हे़न्हाॽ हे़न्हाॽ के़जोगुआङ् के़वये़, खे़न् ओमे़त्ते़ॽओ॥ कुम्बाबा के़गोःप्मा उमे हे़क्तङ्मा पान् मे़ङ्घे़म्मनाबा के़बोक्खे़आङ् के़वये़रो हे़क्क्याङ् खे़ने़ॽ याङ्ना कत्ना के़लोःक्ल के़वाॽरो॥
खुने़ॽ लुङ्माॽ हिःप्तुसिबाहाॽ एगाङ् एगाङ् तिम्दुसिरो, कर खुने़ॽ खे़ङ्हाॽ मे़सिॽरुसिन्लो खुने़ॽ खे़ङ्हाॽ हक्सुसिरो कर खुने़ॽ खे़ङ्हाॽ मे़घोसुन्सिन्लो॥ खे़ब्याङ् खुने़ॽ अक्खे पाःत्तुरो, ‘आङ्गाॽ तगिबा आये़म्बाओ नुःङ्ङा पेःक्कारो, थेआङ्भे़ल्ले़ आल्लोनुःल्ले़ खे़न् ये़म्मो आङ्गाॽ नुराङ् तासाङ्ङाङ् वयाङ्लो॥’
Piblisite