हिब्रु 9:7 - लिम्बु7 कर सिगाङ् ले़प्माङ्बा काक्नुःल्ले़ सेसे ते़न्नोग मानिङ्वाॽफुसाम्बे़न्लक् तङ्बेरे़ थिक्ले़ङ् माक्खिॽनु लासे़रो॥ खे़न् माक्खिॽइङ्ग खुने़ॽ आबाङे कुलायोरे़ लागि नु मनाहाॽरे़ मे़न्नि मे़ल्ले़ए मे़जोगुबा लायोहाॽ ले़प्मि खोमारे़ लागि खुने़ॽ तोःन्दुरो॥ Gade chapit la |
हिब्रु 9:7
23 Referans Kwoze
यारुबा कुमे़ल्लुङ् कुइसिक् खुने़ॽ कुधक्सा लुप्पोलाम् कुलाङ् मे़न्छक्मनाबा मे़ङ्गाःम्मनाबा थुःम्बा थिक् खुने़ॽ आप्तिक्लाम् ले़प्मि खोमा सिदुङ्जभारे़ लागि निङ्वाॽफुसाम्बाओ तारुर॥ खे़ल्ले़ निङ्वाॽ मे़ङ्घोए मे़न्नि मे़न्धा चोगुबा फे़न्याःम्बक्किल्ले़ कुले़क्वा कम्भलॽरिक् निङ्वाॽफुसाम्बाल्ले़ ले़प्मि नाःक्तु पिरुॽ, हे़क्क्याङ् खे़ल्ले़ कुलायोन् ले़प्मि पोङ्ॽ॥
खुने़ॽग वेॽ मानिङ्वाॽफुसाम्बा कुइसिक् थिक्याःन्धक् सिदुङ्जभा तोःम्मा मे़बोङ्ने़ल्लो॥ खे़ङ्हाॽरे़ग काक्नुःल्ले़ तगि आबाङे लायोहाॽरे़ लागि हे़क्क्याङ् मे़न्छाम् याप्मिहाॽरे़ खुनिॽ लायोहाॽरे़ लागि सिदुङ्जभा मे़जोगुरो॥ कर ये़सुरे़ग थिक्ले़ङ्माओ सिलाम्साक्मा सिङ्सम्दाङ् मनाहाॽरे़ खुनिॽ लायोन् ले़प्मि पिसे़ आबाङे तोःन्छिङ्ङाङ् सिदुङ्जभा पोःक्खे़रो॥
तङ्बेरे़ थिक्ले़ङ् हारुने़ल्ले़ लायोलाम् ले़प्मि नाःक्मा वयागे़न् सिदुङ्जभाःल्ले़ कुमाक्खिन् खे़प्मोबा कुदाङ्हाॽओ हुःत्तुॽ हे़क्क्याङ् ले़त्ति तोःम्मादे़न्निन् सुत्थो चोःक्मा थिम् चोगुआङ् सेसे सासाङ् चोगुर॥ के़दाबा ये़म्मो सदादिङ्ले़ लागि तङ्बे थक्मा अक्खे चोःक्मा पोङ्ॽ॥ कन् ले़त्ति तोःम्मादे़न्निन् के़रे़क् सेसेसाङ्साङ् पोङ्मा पोङ्ॽ हे़क्क्याङ् यहवे दाङ्बाओ तोःम्मा पोङ्लो॥”
कन् माङ्निङ्वाॽपान् के़बाःप्पाहाॽ नु निङ्वाॽफुसाम्बाहाॽ चे़ल्ले़क्सेॽ थिःल्ले़ चोगुल्ले़ होॽदोन् होॽदोन् मे़लॽरो॥ थिःल्ले़ चोगुल्ले़ खे़ङ्हाॽरे़ खुन्छिॽ ले़सोत् मे़ले़ङ्ने़न्लो, खे़ङ्हाॽ थिःल्ले़ चोगुल्ले़ इजो इजो मे़लॽरो॥ चे़ल्ले़क्सेॽ थिःल्ले़ खे़ङ्हाॽ थःत्ता मे़बोःक्खे़आङ् मे़वाॽरो, खे़ङ्हाॽ थिःल्ले़ मयुसिआङ् इजो इजो पे़ःङ्गक् पे़ःङ्गक् मे़लॽरो॥ निङ्वाॽफुमाङ्ङिल्ले़ पिरुसिबा सुफोन् मे़निसुल्ले़ खुन्छिॽ थना ले़ङ्लो, हे़क्क्याङ् खे़ङ्हाॽरे़ चोःक्मा मे़गोःत्तुबा पाःन्निन् निःन्धो चोःक्मा मे़न्छुक्तुन्लो॥
कल्ले़चोगुल्ले़ आङ्गाॽ याम्मो थिक्ले़ङ् कन् मनाहाॽरे़ खुन्छिॽ लुम्मो निङ्वाॽ के़माबा नु निङ्वाॽ के़ले़ङ्बा याःम्बक् चोगुङ्ङाङ् निङ्वाॽ ने़हि मार चोगुङ्लो॥ हे़क्क्याङ् सिक्कुम्साबाहाॽरे़ खुन्छिॽ सिक्कुम्निङ्वान् मे़क्लो, हे़क्क्याङ् खे़ङ्हाॽरे़ खुन्छिॽ के़रे़क्नुःल्ले़आङ् चाःत्चाःप्पा मनाःल्ले़ कुचाःत्चाःत् लॽमान् माबेःक्लो॥”
कर यहवे दाङ्बे़न् उज्जाहःन्नु साॽरिक् कुसिक् पोगे़, खे़ल्ले़ कुहुक्किल्ले़ सुमा मे़न्नुॽमनाबा निङ्वाॽफुमाङ्ङिल्ले़ कुमाङ्हुप् सन्दोक्किन् सुसुबाल्ले़ चोगुल्ले़ निङ्वाॽफुमाङ्ङिल्ले़ खे़न् आम्भा खे़प्मोए हदॽ स्ये़रु॥ अक्खेलॽरिक् निङ्वाॽफुमाङ्ङिल्ले़ कुमाङ्हुप् सन्दोक्किल्ले़ कुबेसाङ् खे़न् स्ये़॥
निङ्वाॽफुसाम्बाल्ले़ इस्राइलिहाॽरे़ खुन्छिॽ के़रे़क् सङ्जुम्भोःल्ले़ लागि लायोल्ले़ लागि ले़प्मि नाःक्मा याःम्बक् चोगुर, हे़क्क्याङ् खे़ङ्हाॽरे़ खुनिॽ लायोन् ले़प्मि पोङ्ॽ, थेआङ्भे़ल्ले़ खे़न् निङ्वाॽ मे़ङ्घोए मे़जोगुआङ् वये़, हे़क्क्याङ् खे़ङ्हाॽरे़ खुन्छिॽ फे़न्याःम्बक्किल्ले़ लागि यहवे दाङ्बाओ मे़दोन्दुबा पोगुगे़न् कुजा सिदुङ्जभान् नु सुत्थो पोङ्मा वयागे़न् सिदुङ्जभान् यहवे दाङ्बे़ल्ले़ कुदगि मे़दारुआङ् वाॽ॥
Piblisite