हिब्रु 9:12 - लिम्बु12 खुने़ॽग मे़न्दाक् नु पित् माक्खिॽइन् मेःन्, कर खुने़ॽग सदादिङ्ले़ लागि लायोलाम् चोःक्युम्भो पिसे़ खे़न् काक्नुःल्ले़ सेसेबा ते़न्नो थिक्ले़ङ्मो सदादिङ्ले़ लागि आबाङे कुमाक्खिॽइन् तोःन्दुर लासे़रो॥ Gade chapit la |
हिब्रु 9:12
32 Referans Kwoze
बा खे़ल्ले़चोगुल्ले़ निङ्वाॽफुमाङ्ङिल्ले़ माङ्हे़क् चोगुबा मे़न्नुप्मनाबा लक्किन् उःत्तुसिबाहाॽरे़ मे़घोसुर फाॽआङ् ख्रिस्ते़न् कुसङ् माङ्हुप्ले़न् पाःन्दङ्साबारो, थेआङ्भे़ल्ले़ खे़ङ्हाॽरे़ थिक्सिगेःक्समा माङ्हुप्पिल्ले़ कुदक्ले़ङ्वाओ मे़जोगुबा लायोलाम् खे़ङ्हाॽ थे़ॽमासि फाॽआङ् खुने़ॽ स्ये़बारो॥
खुने़ॽग वेॽ मानिङ्वाॽफुसाम्बा कुइसिक् थिक्याःन्धक् सिदुङ्जभा तोःम्मा मे़बोङ्ने़ल्लो॥ खे़ङ्हाॽरे़ग काक्नुःल्ले़ तगि आबाङे लायोहाॽरे़ लागि हे़क्क्याङ् मे़न्छाम् याप्मिहाॽरे़ खुनिॽ लायोहाॽरे़ लागि सिदुङ्जभा मे़जोगुरो॥ कर ये़सुरे़ग थिक्ले़ङ्माओ सिलाम्साक्मा सिङ्सम्दाङ् मनाहाॽरे़ खुनिॽ लायोन् ले़प्मि पिसे़ आबाङे तोःन्छिङ्ङाङ् सिदुङ्जभा पोःक्खे़रो॥
कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्सान् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
“खे़ने़ॽ के़मना नु के़सेसे ये़क्यक्किल्ले़ लागि फे़न्याःम्बक्किन् मे़ङ्से़, लायोन् नुम्से़, कुॽइगे़भे़म्बान् लायोलाम् ले़प्मि नाःक्से़, नुप्मे़न्दिङ् साम्योबा याःम्बक् ताःत्छे़, सुफो नु माङ्निङ्वाॽपान्निन् निःन्धो चोःक्से़ हे़क्क्याङ् साॽरिक् सेसेबादे़न्निन् माङ्थोःक्ना चोःक्से़ नुबोङ् ‘नुसिहाॽ’ इङ्जाङ् पोःक्खे़आङ् वाॽ॥
हे़क्केःल्ले़ के़रे़क् लाम्लोबाहाॽरे़ आबाङे खिनिॽ ओमे़त्ताम्सिम्मे़ॽ हे़क्क्याङ् खिनिॽ लक्पे़न्नो के़वाॽबा मनाहाॽ नुरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक् सुत्थो आजोक्! खुने़ॽ मे़न्नुप्मनाबा सेसेमाङ्लाम् कुसाङ् के़लबा सिदुङ्जभा पोङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् से़वा चोःक्मा आसुक्तुम्ल फाॽआङ् कुमाक्खिॽइल्ले़ सिमे़न्नो के़देॽबा याःम्बक्लाम् आनिॽ खासिङ्ङिन् सुत्थो चोगुॽरो॥
Piblisite