खे़ङ्हाॽरे़ खुन्छिॽ पाधे़बाहाॽनु आङ्गाॽ चोगुङ्बा माङ्हुप् हे़क्तङ्बा खे़न् मे़बोङ्ने़न्लो मिस्रलाम् लःत्तुङ् फे़त्तुङ्सिङ्ङिल्ले़ खे़ङ्हाॽ खुन्छिॽ हुक्को ते़म्सुङ् फे़त्तुङ्सिङ्लो॥ आङ्गाॽ खे़ङ्हाॽरे़ खुन्छिॽ हिम्दाङ्बा कुइसिक् वयाङ्लो हे़क्केसाङ् खे़ङ्हाॽरे़ खे़न् माङ्हुप्पिन् मे़भेःन्दुरो,” यहवे दाङ्बे़ल्ले़ पाःत्तुरो॥
हिब्रु 8:9 - लिम्बु9 कन् कुसङ् माङ्हुप्पिङ्ग मिस्रलाम् आहुक्किल्ले़ ते़म्सुङ्सिङ्ङाङ् लाम्लोसुङ् लःत्तुङ्सिङ्बाहाॽरे़ खुनिॽ थाःक्थे़बाहाॽनु चोगुङ्बा माङ्हुप्पिन् कुइसिक् मे़बोङ्ने़ल्लो॥ थेआङ्भे़ल्ले़ खे़ङ्हाॽग इङ्गाॽ चोगुङ्बा माङ्हुप्पो नसाःन्साबा मे़म्बोःक्खे़न् हे़क्क्याङ् कम्ब्राङ् मे़प्मा ले़रुङ्सिङ्लो लॽरिक् यहवे दाङ्बाल्ले़ पाःत्तुॽरो॥ Gade chapit la |
हिब्रु 8:9
44 Referans Kwoze
दाङ्बाल्ले़ खुम्दिङ् के़बिॽआङ् आल्ल खानिमा मे़न्छुक्मनाबा के़बोङ्ङाङ् कुभा ये़म् थारिक् खे़ने़ॽग नाम्मिन्नाङ् निमा के़न्छुक्तुन्लो॥” खिमो इलुमासरे़ कुमिक्को खाम्दःम्बाल्ले़ ते़प्तुबा कुइसिक् पोःक्खे़बा निङ्वाॽ खोसुआङ् थेआङ् निमा मे़सुक्तुन्लो॥ खुने़ॽग कुभारे़ मे़दे़म्माआङ् मे़उःङ्ङानि फाॽआङ् सप्सुर लाङ्घेःक्मा हेःक्ते़रो॥
खे़निॽ याम्मो वेॽ पान् के़जोगुम्, खे़निॽ मिक्वाःल्ले़ यहवे दाङ्बाओ ले़त्ति तोःम्मादे़न्निन् वागे़रक्सुम्ॽ॥ खे़निॽ के़हाबि हे़क्क्याङ् मे़रिङ् के़धक्तिॽ, थेआङ्भे़ल्ले़ खे़निॽ हुक्कोबा हुक्सोयाङ्ङिन् खुने़ॽ आभे़ल्ले़आङ् निनि मे़लाप्तुन्ॽ, खे़न् हुक्सोयाङ्ङिन् यहवे दाङ्बे़ल्ले़ मे़दाःक्तुन्॥
हे़क्क्याङ् आङ्गाॽ याम्मो लाङ्घेगाङ्ङिल्ले़, खे़ने़ॽ नानुॽमा के़ये़म् के़रे़बा निने़॥ खे़ल्ले़चोगुल्ले़ आङ्गाॽ आजाङ्ङिल्ले़ खे़ने़ॽ ले़क्चाबुधुःक्पा के़धक्किन् ते़प्तुङ् पिने़ हे़क्क्याङ् खे़ने़ॽनु मेःक्खिम् चोःक्मा माङ्हे़क् चोगुङ्॥ आङ्गाॽ खे़ने़ॽनु माङ्हुप्पाङ् चोगुङ् मुक्साम्दाङ्बा यहवे दाङ्बे़ल्ले़ पाःत्तुॽ, खे़ब्याङ् खे़ने़ॽ आङ्गाॽइन् के़बोःक्खे़॥
खे़ङ्हाॽरे़ खुन्छिॽ के़रे़क् तुक्खेओ खुने़ॽ कुनिङ्वाॽ तुगे़रो, हे़क्क्याङ् खुने़ॽ आबाङे खे़ङ्हाॽ थे़ॽरुसिरो॥ खुने़ॽ खे़ङ्हाॽ लुङ्माॽ तुक्तुसि हे़क्क्याङ् नुरिक् मे़त्तुसिरो हे़क्क्याङ् मे़ल्लुङ् हुङुआङ् खे़ङ्हाॽ चोःक्युम्भो पिरुसिरो, खे़ब्याङ् उनाहुरिबा के़रे़क् ये़न्नो खुने़ॽ खे़ङ्हाॽ कुयुसिरो॥
खे़ब्याङ् यहवे दाङ्बे़ल्ले़ मे़त्तु, “ओमे़त्ते़ॽ, खे़ने़ॽनु आङ्गाॽ लत्छा माङ्हुप् थिक् चोगुङ्ॽ॥ खे़ने़ॽ के़रे़क् के़मनाहाॽरे़ खुन्छिॽ तगि आङ्गाॽ साॽरिक् निङ्वाॽ के़माबा याःम्बक्हाॽ चोगुङ्ॽ, खे़न् निङ्वाॽ के़माबा याःम्बक्किन् इक्सादिङ् खाम्बेःक्मो आत्तिन्नाङ् मे़न्छाम् सुवाङ्हाॽओ आभे़ल्ले़आङ् मे़न्जोःक्के वाॽ॥ खे़ने़ॽ कन् मनाहाॽरे़ खुन्छिॽ लुम्मो के़युङ्ॽ, खे़ने़ॽ के़लागि आङ्गाॽ यहवे दाङ्बे़ल्ले़ लत्छा निङ्वाॽ के़माबा याःम्बक् चोगुङ्ॽ फाॽआङ् खे़ङ्हाॽरे़ मे़निसुॽ॥
हे़क्केलॽरिक् लुते़न् ए़ल्ले़ङ्भे़ल्ले़ङ् नाम्देसिङ्ङाङ् यागे़ल्ले़, खे़न् ने़त्छि मनाहाॽरे़ खे़ल्ले़ कुहुक्किन् हे़क्क्याङ् खे़ल्ले़ कुमेःत्तिल्ले़ कुहुक्किन् हे़क्क्याङ् ने़प्मजाङ् कुस्साहाॽरे़ खुन्छिॽ हुक्हाॽ ते़म्से़छुआङ् ये़क्यक् लाःक्कात् लःत्ते़छुसि॥ यहवे दाङ्बाल्ले़ खे़ङ्हाॽ कुलुङ्माॽ स्याःत् मे़लॽरे़बाल्ले़ चोगुल्ले़ खुने़ॽ अक्खे चोगुबारो॥
आङ्गाॽ खे़ङ्हाॽ आत्तिन् लाम्मो लाङ्घेःक्मा इङ्जाङ् पिरुङ्सिङ्ङाङ् वये़, खे़ङ्हाॽरे़ खे़न् लाम्मिन् साॽरिक् हारा मे़ले़रुआङ् थिक्नाहाङ् मे़बेआङ् मे़वाॽ॥ खे़ङ्हाॽरे़ खुनिॽ लागि साम्म्याङ्ङिन् मे़योन्दुआङ् पित्सात्तिल्ले़ कुजइःत्तो नावाइत्ला मे़धगु हे़क्क्याङ् खे़न् माङ्से़वा मे़मे़त्तुआङ् मे़वा, खे़ब्याङ् खे़ल्ले़ए कुलागि सिदुङ्जभा मे़दोन्दुआङ् अक्खे मे़बाःत्तुआङ् मे़वाॽ, ‘इस्राइलिसे, मिस्रलाम् खिनिॽ के़लःप्पा के़भे़प्पा खिनिॽ माङ्ङिन् आम्भा कन्लो॥’”
Piblisite