हिब्रु 8:8 - लिम्बु8 कर निङ्वाॽफुमाङ्ङिल्ले़ मनाहाॽओ फोत्या खोसुआङ् पाःत्तु, “ओमे़त्ते़म्मे़ॽ, के़दाबार के़बप्पा ये़म्मो, इङ्गाॽ इस्राइलसमा मनाहाॽ हे़क्क्याङ् यहुदासमा मनाहाॽनु कुसङ् माङ्हुप् चोगुङ् लॽरिक् यहवे दाङ्बाल्ले़ पाःत्तुॽरो॥ Gade chapit la |
हिब्रु 8:8
25 Referans Kwoze
आङ्गाॽ खे़ङ्हाॽनु आभे़ल्ले़आङ् मे़न्नुप्मनाबा लत्छा माङ्हुप् चोगुङ्ॽ॥ खे़ङ्हाॽरे़ खुन्छिॽ लागि नुॽमादामा के़बोङ्बा याःम्बक् चोःक्मा आङ्गाॽ आफाल्ले़आङ् मे़ले़रुङ्ङिन् हे़क्क्याङ् आबाङे खुन्छिॽ के़रे़क् सिक्लुङ्माल्ले़ आङ्गाॽ याप्मि इङ्धाङ् के़बिबा खे़ङ्हाॽ चोगुङ्सिङ्ॽ खे़ब्याङ् खे़ङ्हाॽ आफाल्ले़आङ् आङ्गाॽलाम्बा मे़न्इःम्सिङ् मे़म्बेःक्ने़न्॥
बा खे़ल्ले़चोगुल्ले़ निङ्वाॽफुमाङ्ङिल्ले़ माङ्हे़क् चोगुबा मे़न्नुप्मनाबा लक्किन् उःत्तुसिबाहाॽरे़ मे़घोसुर फाॽआङ् ख्रिस्ते़न् कुसङ् माङ्हुप्ले़न् पाःन्दङ्साबारो, थेआङ्भे़ल्ले़ खे़ङ्हाॽरे़ थिक्सिगेःक्समा माङ्हुप्पिल्ले़ कुदक्ले़ङ्वाओ मे़जोगुबा लायोलाम् खे़ङ्हाॽ थे़ॽमासि फाॽआङ् खुने़ॽ स्ये़बारो॥
आङ्गाॽ खे़ङ्हाॽनु सदादिङ् आभे़ल्ले़साङ् के़वाॽबा माङ्हुप्, सनारुङ् माङ्हुप् थिक् चोगुङ्ॽ॥ आङ्गाॽ खे़ङ्हाॽरे़ खुन्छिॽ लाजेन् पिरुङ्सिङ्ॽ हे़क्क्याङ् खे़ङ्हाॽ यरिक् खानिःत् चोगुङ्सिङ्ॽ, हे़क्क्याङ् आङ्गाॽ आसेसेदे़न्निन् खे़ङ्हाॽरे़ खुन्छिॽ लुम्मो सदादिङ् आभे़ल्ले़साङ् युक्खुङ्ॽ॥
थेआङ्भे़ल्ले़ अक्तङ्बा ये़म् तार पत्, हे़क्क्याङ् आङ्गाॽ आमना इस्राइले़न् नु यहुदान् मे़दे़म्सु मे़देॽरुसिबालाम् नुःक्तुङ् फे़त्तुङ्सिङ्ॽ॥ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा खुन्छिॽ लाजेॽओ आङ्गाॽ खे़ङ्हाॽ नुःक्तुङ्सिङ्ङाङ् फे़त्तुङ्सिङ् खे़ब्याङ् याम्मो खे़ङ्हाॽरे़ खे़न् लाजेन् हुक्काप् मे़जोगुॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
यहवे दाङ्बे़ल्ले़ पाःत्तुॽ, “अक्तङ्बा ये़न्हाॽ तार पत्लो, हे़क्केःल्ले़ आङ्गाॽ दाउद हाङ्ङिल्ले़ कुधिन्दाङ् सायोबोराहाॽलाम् साम्योबा कुबोराक् थिक् लःन्ल याःन्दुङ्लो॥ खे़न् हाङ् पोङ्ङाङ् सिक्कुम् निङ्वाॽ नु हाङ् चोगुरो खे़म्ब्याङ् लाजेॽओ कुदोःप्मा खासे़न् नु के़वाॽबा याःम्बक् चोगुरो,
Piblisite