हिब्रु 8:6 - लिम्‍बु

⁶ कर ये़सुरे़ खोसुबा माङ्‌सेवाःङ्‌ग खे़ङ्‌हाॽरे़न्‍नुःल्‍ले़आङ् यम्‍बा चोक्‍लो, हे़क्‍केलॽरिक् निङ्‌वाॽफुमाङ् नु मे़न्‍छाम् याप्‍मिलुम्‍मो खुने़ॽ पाःन्‍दङ् चोगुबा माङ्‌हुप्‍पिन् तगिसमान्‍नुःल्‍ले़आङ् नुबा चोक्, थेआङ्‌भे़ल्‍ले़ कन् कुसङ् माङ्‌हुप्‍पिङ्‌ग नुब् नुबा माङ्‌हे़क्‍हाॽओने़ चोगे़आङ् वाॽरो॥

हिब्रु 8:6 Referans Kwoze

हिब्रु 7:22

बा कन् माङ्‌हे़क्‍किल्‍ले़ चोगुल्‍ले़ तगिबा माङ्‌हुप्‍पिन्‍नुःल्‍ले़आङ् पनुनुबा माङ्‌हुप्‍पिन् ये़सुरे़ए निःन्‍धो चोगुआङ् वाॽरो॥

हिब्रु 12:24

खिनिॽग निङ्‌वाॽफुमाङ्‌ङिन् नु मनाहाॽलुम्‍मो कुसङ् माङ्‌हुप्‍ले़न् पाःन्‍दङ्‌साबा ये़सुरो के़द्‌ये़ॽइआङ् के़वयिॽ॥ हे़क्‍क्‍याङ् खिनिॽग हाबिलरे़ कुमाक्‍खिॽनुःल्‍ले़आङ् साॽरिक् नुबा पान् के़बाःप्‍पा साङ्‌मनाबा ये़सुरे़ कुमाक्‍खिॽओ के़द्‌ये़ॽइआङ् के़वयिरो॥

२ पत्रुस 1:4

बा खे़न् कुमिमिदिङ् नु कुनो-कुदाओलाम् आनिॽ यम्‍बा नु इमे़ल्‍लुङ्‌बा माङ्‌हे़क्‍हाॽ आघोसुम्‍माङ् आवाॽ॥ खुने़ॽ फे़न् निङ्‌वाॽलाम् के़दाबा फे़न् पाःन्‍हाॽलाम् ताङ्‌से़ःप्‍मा नु निङ्‌वाॽफु नोस्रङ् खोमा माङ्‌हे़क् आजोगे़आङ् आवाॽरो॥

तितस 1:2

कन् से़क्‍खाःल्‍ले़ चोगुल्‍ले़ मे़न्‍नुप्‍मनाबा हिङ्‌मन्‍निल्‍ले़ निङ्‌साङ्‌ङिन् आघोसुम्, हे़क्‍क्‍याङ् आप्‍फाल्‍ले़आङ् इङ्‌ले़क् मे़म्‍बाःप्‍मनाबा निङ्‌वाॽफुमाङ्‌ङिल्‍ले़ ये़म्‍मिल्‍ले़ कुहेःक्‍सिङ्‌मानुःल्‍ले़ तगिए कन् मे़न्‍नुप्‍मनाबा हिङ्‌मन्‍निल्‍ले़ माङ्‌हे़क्‍किन् चोगुआङ् वये़रो॥

लुका 22:20

बा हे़क्‍केलॽरिक्‍के मे़ज मे़सुरुआङ् चल्‍लङ्‌ना खोर्‍यान् ये़सुरे़ पक्‍खुर अक्‍खे मे़त्तुसि, “कन् खिनिॽ लागि आमाक्‍खिॽइन् वदेःन्‍दे़आङ् निःन्‍धो पोःक्‍खे़बा कुसङ् माङ्‌हुप्‍पिन्‍लो॥

रोमि 9:4

निङ्‌वाॽफुमाङ्‌ङिल्‍ले़ इस्राइलिहाॽ आबाङे कुस्‍सा पोङ्‌से़ सेगुसिआङ् कुमिमिदिङ्‌ङिन् खे़ङ्‌हाॽ ओसेःन्‍धाक्‍तुसि॥ हे़क्‍क्‍याङ् खे़ङ्‌हाॽनु माङ्‌हुप्‍हाॽ चोगुआङ् साम्‌योथिम्‍मिन् पिरुसि॥ खे़ङ्‌हाॽए निङ्‌वाॽफुमाङ्‌ङिल्‍ले़ माङ्‌हिम्‍मोबा से़वा चोःक्‍मान् नु यरिक् माङ्‌हे़क्‍हाॽ पिरुसिरो॥

यर्मिया 50:5

खे़ङ्‌हाॽरे़ यरुसले़म पेःक्‍मा लाम् सेःन्‍मे़दोसुरो हे़क्‍क्‍याङ् याम्‍मो हिम्‍मो नुःङ्‌मा मे़हेःक्‍लो॥ खे़ङ्‌हाॽरे़ आप्‍फाल्‍ले़आङ् निङ्‌वाॽ मे़म्‍मुःम्‍मनाबा मे़न्‍नुप्‍मनाबा माङ्‌हुप् आङ्‌गाॽ यहवे दाङ्‌बे़न्‍नु मे़जोगुरो॥

एफिसि 2:12

खे़न् ये़म्‍मो खिनिॽ ख्रिस्‍त मेःन्‍ने, इस्राइलबा यक्‌युङ्‌बा के़न्‌वयिन्, निङ्‌वाॽफुमाङ्‌ङिल्‍ले़ पिनिङ् फाॽआङ् माङ्‌हे़क् चोगुबा माङ्‌हुप्‍हाॽ मे़ङ्‌घोम्‍नाबा, निङ्‌साङ् के़होप्‍पा नु कन् इक्‍सादिङ् खाम्‍बेःक्‍माओ निङ्‌वाॽफुमाङ् मेःन्‍ने के़वयिबान् निङ्‌वाॽ इःत्ते़म्‍मे़ॽओ॥

१ तिमोथि 2:5

थेआङ्‌भे़ल्‍ले़ निङ्‌वाॽफुमाङ्‌ङिङ्‌ग थिक्‍लक् वाॽरो॥ हे़क्‍क्‍याङ् निङ्‌वाॽफुमाङ्‌ङिन् नु मे़न्‍छाम् याप्‍मिलुम्‍मो पाःन्‍दङ्‌साबान्‍नाङ् थिक्‍लक् वाॽरो॥ खे़न् पाःन्‍दङ् के़जोःक्‍पा मनाःङ्‌ग ख्रिस्‍त ये़सुरो॥