हिब्रु 7:8 - लिम्‍बु

⁸ के़सिबा के़बेःक्‍पा निङ्‌वाॽफुसाम्‍बाहाॽरे़ थिबोङ्‌लक् मे़दाःक्‍तु, कर मल्‍किसे़दे़क्‍किङ्‌ग खे़ङ्‌हाॽनुःल्‍ले़आङ् यम्‍बा चोक्‍लो, थेआङ्‌भे़ल्‍ले़ खुने़ॽ सदादिङ् कुहिङ्‌वे़त् के़वाॽबा लॽरिक् साम्‌योसाप्‍लाःल्‍ले़ आमे़त्‍लो॥

हिब्रु 7:8 Referans Kwoze

हिब्रु 6:20

खे़प्‍मोग ये़सुन् आनिॽ लागि तगिसा पेआङ् वाॽरो॥ खुने़ॽग मल्‍किसे़दे़क कुइसिःक्‍पा सदादिङ् के़वाॽबा मानिङ्‌वाॽफुसाम्‍बा पोःक्‍खे़आङ् वाॽरो॥

हिब्रु 5:6

हे़क्‍क्‍याङ् साम्‌योसाप्‍लाओबा वेॽसमा लक्‍को खुने़ॽ अक्‍खेलॽरिक् पाःत्तुॽ, “खे़ने़ॽग मल्‍किसे़दे़क कुइसिःक्‍पा सदादिङ् के़वाॽबा निङ्‌वाॽफुसाम्‍बाने़रो॥”

सुफो 1:18

कुहिङ्‌वे़त् के़बोङ्‌बे़ङ्‌ग इङ्‌गाॽएरो॥ इङ्‌गाॽ स्‍याङ्‌ङाङ् वयाङ्, कर ओमे़त्ते़ॽ, इङ्‌गाॽ सदादिङ्‌ले़ लागि याम्‍मो हिङाङ्‌ङाङ् वाॽआरो॥ हे़क्‍क्‍याङ् सिमे़न् नु खे़मायङ्‌सङ्‌ङिल्‍ले़न् तिमिक्‍हाॽ इङ्‌गाॽ कत्तुङ्‌लो॥

हिब्रु 7:23

तगिसमा निङ्‌वाॽफुसाम्‍बाहाॽ यरिक् मे़वये़, थेआङ्‌भे़ल्‍ले़ खे़ङ्‌हाॽ मे़स्‍ये़आङ् सदादिङ् निङ्‌वाॽफुसाम्‍बा याःम्‍बक् चोःक्‍मा मे़न्‍छुक्‍तुन्‍लो॥

युहुन्‍ना 14:19

सप्‍फा एगाङ्‌ङाङ्‌ग इक्‍सादिङ् खाम्‍बेःक्‍माल्‍ले़ इङ्‌गाॽ मे़निआन्‍लो, कर खिनिॽग याप्‍मि के़निसिॽरो॥ इङ्‌गाॽ हिङ्‌ङा, खे़ल्‍ले़चोगुल्‍ले़ खिनिॽआङ् के़हिङिॽरो॥

हिब्रु 3:16

निङ्‌वाॽफुमाङ्‌ङिल्‍ले़ कुइक्‍लान् मे़घे़प्‍सुसाङ् खुने़ॽ कुदक्‍ले़ङ्‌वाओ बिफ्‍युङ् के़जोःक्‍पाहाॽ आत्तिन्‍हाॽ मे़वये़बे? हाबा खे़न् मोसारे़ मिस्र लाजेॽलाम् लःत्तुसिबा मनाहाॽए मे़ःन्‍छिबि?

युहुन्‍ना 14:6

ये़सुरे़ नोगप् पिरु, “लाम्, से़क्‍खा नु मे़न्‍नुप्‍मनाबा हिङ्‌मन् इङ्‌गाॽएरो॥ आत्तिन्‍नाङ्‌ इङ्‌गाॽ मे़ःन्‍नेग पानुदिङ् पाःल्‍लो के़प्‍मा मे़सुक्‍ने़न्‍लो॥

हिब्रु 9:27

मे़न्‍छाम् याप्‍मि के़रे़क् थिक्‍ले़ङ्‌ग सिमा पोङ् हे़क्‍क्‍याङ् निङ्‌वाॽफुमाङ्‌ङिल्‍ले़ कुघासे़न्‍नो ये़प्‍मा पोङ्‌बा कुइसिक्

हिब्रु 7:7

आल्‍ल चुक्‍पा मनाःल्‍ले़ यम्‍बालाम् मुॽइसाम् खोसुॽ के़लॽबा पाःन्‍निन् आत्तिल्‍ले़आङ् मे़अत्तुन्‍लो॥

हिब्रु 7:9

हे़क्‍क्‍याङ् थिबोङ्‌लक् के़दाःक्‍पा ले़बिःल्‍ले़ अब्राहाम्‍लाम्‍बा थिबोङ्‌लक् मल्‍किसे़दे़क्‍किन् हुङुरो पाःप्‍माआङ् आसुक्‍तुम्‍लो,