हिब्रु 7:4 - लिम्‍बु

⁴ आल्‍ल मल्‍किसे़दे़क्‍किन् आनिॽ ताक्‍थे़बा अब्राहामरे़ए हाङ्‌हाॽ नाप्‍तुसिबा काक् पाःन्‍हाॽरे़न् थिबोङ्‌लक् पिरुबाल्‍ले़ खुने़ॽ आक्‍खे़न् यम्‍बा चोगे़ के़लॽबा पाःन्‍निन् कुसिङ् निःत्ते़म्‍मे़ॽओ॥

हिब्रु 7:4 Referans Kwoze

तोलिङ्‌सोमु 14:20

हे़क्‍क्‍याङ् के़रे़क्‍नुःल्‍ले़ पयम् यम्‍बा निङ्‌वाॽफुमाङ्‌ङिल्‍ले़ कुमिङ्‌ङिन् मिमिदिङ् पोङ्‌लरो, खुने़ॽए के़निङ्‌मिहाॽ खे़ने़ॽ के़हुक्‍को हुक्‍के़सुःप्‍ते़ के़बिरे़रो॥” हे़क्‍क्‍याङ् के़रे़क् पाःन्‍हाॽरे़न् थिबोङ्‌लक् मल्‍किसे़दे़क्‍के़न् पिरु॥

सेःक्‌युक्‍मिबाहाॽ 2:29

“फुॽनुसाॽसे, आल्‍ल इङ्‌गाॽ निस्‍सेआङ् अक्‍खे पाःप्‍मा सुक्‍तुङ्‌लो—आनिॽ ताक्‍थे़बा दाउदे़ङ्‌ग स्‍ये़ हे़क्‍क्‍याङ् मे़लुप्‍तुआङ् कुःइप्‍पुङ्‌ङिन् आल्‍लो थारिक्‍काङ् ने़रो॥

याकुब 2:23

कन् पाःन्‍निङ्‌ग साम्‌योसाप्‍लाःल्‍ले़ अक्‍खेलॽरिक् पाःत्तुबान् के़रे़बारो, “अब्राहामरे़ निङ्‌वाॽफुमाङ्‌ङिन् नसान् चोगु, हे़क्‍केःल्‍ले़ निङ्‌वाॽफुमाङ्‌ङिल्‍ले़ खुने़ॽ साम्‌योबा लेःत्तुरो॥” हे़क्‍क्‍याङ् खुने़ॽ निङ्‌वाॽफुमाङ्‌ङिल्‍ले़ आन्‍जुम् फाॽआङ् मे़त्तुरो॥

तोलिङ्‌सोमु 12:2

आङ्‌गाॽ खे़ने़ॽ लत्‍छा यम्‍बा सुवाङ् चोःक्‍ने़, हे़क्‍क्‍याङ् खे़ने़ॽ हाङ्‌वागे़न् मुॽइसाम् पिने़॥ आङ्‌गाॽ के़मिङ् तिःत्‍ल चोगुङ्‌ॽ, हे़क्‍क्‍याङ् खे़ने़ॽ हाङ्‌वागे़न् मुॽइसाम्‍ले़ कुबुङ् के़बोङ्‌लो॥