हिब्रु 7:11 - लिम्‍बु

¹¹ हारुनरे़ कुधाःक् ले़बिहाॽरे़ निङ्‌वाॽफुसाम्‍बा याःम्‍बक् चोःक्‍मा युक् मे़घोसु, हे़क्‍क्‍याङ् खे़ङ्‌हाॽलाम् मनाहाॽरे़ साम्‌योथिम् मे़घोसुआङ् मे़वये़॥ आल्‍ल हारुनरे़ कुधाःक्‍लाम्‍बाबा निङ्‌वाॽफुसाम्‍बाहाॽरे़ खुनिॽ याःम्‍बक्‍किल्‍ले़ मनाहाॽ कुलिङ्‌दो के़प्‍मा सुक्‍तुसिआङ् वये़ल्‍ले़ग मल्‍किसे़दे़क कुइसिःक्‍पा वेॽसमा निङ्‌वाॽफुसाम्‍बा चाहाबा मे़जोगे़म्‍बामे़न्‍लो॥

हिब्रु 7:11 Referans Kwoze

हिब्रु 8:7

थेआङ्‌भे़ल्‍ले़ तगिसमा माङ्‌हुप्‍पिन् फोत्‍या मेःन्‍नेबा वये़ल्‍ले़ग वेॽसमा माङ्‌हुप्‍पिन् चाहाबा मे़जोगे़न्‍बारो॥

गलाति 2:21

इङ्‌गाॽ निङ्‌वाॽफुमाङ्‌ङिल्‍ले़ कुलुङ्‌गुम्‍मिन् थेनाधेबा मे़इःत्तान्‍लो, थेआङ्‌भे़ल्‍ले़ साम्‌योथिम्‍लाम् निङ्‌वाॽफुमाङ्‌ङिल्‍ले़ कुनिमाओ आप्‍तिक् मेःन्‍नेबा पोङ्‌मा आसुक्‍ने़ फाॽग्र ख्रिस्‍ते़न् हने़रक् स्‍ये़रो॥

हिब्रु 7:15

आल्‍ल मल्‍किसे़दे़क कुइसिःक्‍पा वेॽसमा निङ्‌वाॽफुसाम्‍बान् ताःल्‍ले़ कन् साम्‌योथिम् ले़क्‍ते़बा पाःन्‍निन् आल्‍लसाङ् नुःरिक्‍काङ् कुसिङ् निःप्‍मा सुक्‍ते़त्‍लो॥

हिब्रु 5:6

हे़क्‍क्‍याङ् साम्‌योसाप्‍लाओबा वेॽसमा लक्‍को खुने़ॽ अक्‍खेलॽरिक् पाःत्तुॽ, “खे़ने़ॽग मल्‍किसे़दे़क कुइसिःक्‍पा सदादिङ् के़वाॽबा निङ्‌वाॽफुसाम्‍बाने़रो॥”

गलाति 4:9

कर आल्‍ल निङ्‌वाॽफुमाङ्‌ङिन् खिनिॽ कुसिङ् के़निःत्तुम्‍माङ् के़वयिॽ (इग्र निङ्‌वाॽफुमाङ्‌ङिल्‍ले़ए खिनिॽ कुसिङ् के़निःत्तिआङ् वाॽ), हे़क्‍केःल्‍ले़ आक्‍खेलॽरिक् कुबुङ्‌ना कुसम्‍बा कुसुम् मे़न्‍दम्‍मनाबा खाहुन्‍हाॽओ नुःङ्‌माआङ् योक् पोङ्‌मा खिनिॽ सिराॽथाङ्‌बाबे?

हिब्रु 6:20

खे़प्‍मोग ये़सुन् आनिॽ लागि तगिसा पेआङ् वाॽरो॥ खुने़ॽग मल्‍किसे़दे़क कुइसिःक्‍पा सदादिङ् के़वाॽबा मानिङ्‌वाॽफुसाम्‍बा पोःक्‍खे़आङ् वाॽरो॥

हिब्रु 5:10

हे़क्‍क्‍याङ् निङ्‌वाॽफुमाङ्‌ङिल्‍ले़ खुने़ॽग मल्‍किसे़दे़क कुइसिःक्‍पा मानिङ्‌वाॽफुसाम्‍बा सेःक्‌युक् चोगुरो॥

गलाति 4:3

हे़क्‍केलॽरिक्‍के आनिॽआङ् हिन्‍जाॽ कुइसिक् आवये़ल्‍ले़ कन् इक्‍सादिङ् खाम्‍बेःक्‍मोबा कुहेःक्‍सिङ्‌मोबा हने़बा खाहुन्‍हाॽरे़ योक् आजोगे़आङ् आवये़रो॥

हिब्रु 7:10

थेआङ्‌भे़ल्‍ले़ मल्‍किसे़दे़करे़ अब्राहाम्‍मिन् तुमुल्‍ले़ ले़बिःङ्‌ग सामे़न्‌वाःन्‍छिङ्‌ङे वये़ कर ताःन्‍दि अब्राहामरे़ कुमुॽइदाङ्‌सा पोङ्‌लो॥

हिब्रु 7:12

हे़क्‍क्‍याङ् वेॽ परिक्‍पा निङ्‌वाॽफुसाम्‍बान् ताःल्‍ले़ साम्‌योथिम्‍मिन्‍नाङ् ले़क्‍माए पोङ्‌लो॥

हिब्रु 7:13

आनिगे पाःत्तुम्‍बे़बा निङ्‌वाॽफुसाम्‍बान् वेॽसमा थाःक्‍लाम्‍बाबारो, कर खे़न् थाःक्‍कोलाम् आत्तिन्‍हाॽरे़आङ् निङ्‌वाॽफुसाम्‍बा याःम्‍बक् मे़न्‍जोःक्‍के मे़वाॽरो॥

हिब्रु 9:6

आल्‍ल काक् कन् पाःन्‍हाॽ यारिप् पोःक्‍खे़आङ् निङ्‌वाॽफुसाम्‍बाहाॽ थिक्‌याःन्‍धक् खे़न् लाकात्‍पा सेसेबा ते़न्‍नो माङ्‌से़वा चोःक्‍से़ मे़लासे़॥