हिब्रु 5:8 - लिम्‍बु

⁸ खुने़ॽग निङ्‌वाॽफुमाङ्‌ङिल्‍ले़ आबाङे आबुगे़न् कुस्‍सा वये़साङ् तुक्‍खे च्‍ये़बाओलाम् इङ्‌जाङ्‌गे़म्‍बा पोङ्‌मा हुॽसिङ्,

हिब्रु 5:8 Referans Kwoze

फिलिप्‍पि 2:8

हे़क्‍क्‍याङ् मे़न्‍छाम् याप्‍मि कुइसिक् वये़ल्‍ले़ खुने़ॽ चुङ्‌जिगे़न् नःम्‍नःम् पोःक्‍खे़, हे़क्‍क्‍याङ् निङ्‌वाॽफुमाङ्‌ङिल्‍ले़ कुइङ्‌जागे़म्‍बा पोःक्‍खे़आङ् कुभाङ् के़भेःम्‍बा कुइसिक् सिलाम्‍साक्‍मा सिङ्‌सम्‍दाङ् स्‍ये़रो॥

युहुन्‍ना 4:34

ये़सुरे़ खे़ङ्‌हाॽ मे़त्तुसि, “इङ्‌गाॽ याप्‍मि के़बाङ्‌बाल्‍ले़ कुनिङ्‌वाॽ हे़क्‍के चोःक्‍मा नु कुयाःम्‍बक् चोःक्‍मा सुःप्‍मान्‍ने इङ्‌गाॽ आजामा चारो॥

युहुन्‍ना 15:10

पानुदिङ् आम्‍बारे़ कुइङ्‌जाङ्‌ङिन् इःत्तुङ् नाःत्तुङ्‌ङाङ् इङ्‌गाॽ कुमिःम्‍जिओ वाॽआबा कुइसिक् इङ्‌गाॽ आइङ्‌जाङ्‌ङिन् के़इःत्तुम् के़नाःत्तुम्‍ने़ फाॽग्र आमिःम्‍जिओ के़वयिबा पोङ्‌लो॥

युहुन्‍ना 6:38

इङ्‌गाॽग इक्‍सादिङ् खाम्‍बेःक्‍मो साङ्‌ग्राम्‍पेदाङ्‌लाम् आनिङ्‌वाॽ हे़क्‍के चोःक्‍से़ मे़न्‍दाबे़न्‍लो कर पानुदिङ् आम्‍बारे़ कुनिङ्‌वाॽ कुइसिक् चोःक्‍से़ पाङ्‌घाङ्‌ङाङ् त्‍याङ्‌बारो॥

हिब्रु 3:6

कर ख्रिस्‍ते़ङ्‌ग निङ्‌वाॽफुमाङ्‌ङिल्‍ले़ कुहिम्‍सयङ्‌ङो नसाःन्‍साबा आबुगे़न् कुस्‍सारो॥ ख्रिस्‍तओबा आनिॽ आजोगुम्‍बा निङ्‌साङ्‌ङिन् मे़ल्‍ले़त्ते हाङ्‌हाङ्‌ङाङ् आवाॽने़ फाॽग्र आनिॽआङ् निङ्‌वाॽफुमाङ्‌ङिल्‍ले़ कुहिम्‍सयङ्‌ङोबासिरो॥

हिब्रु 1:8

कर खुने़ॽ आबुगे़न् कुस्‍साःल्‍ले़ कुयाःम्‍बेओ अक्‍खे पाःत्तु, “निङ्‌वाॽफुमाङ्‌ङे, खे़ने़ॽ के़हाङ्‌जुम्‍मिङ्‌ग सदादिङ् वाॽरो॥ हे़क्‍क्‍याङ् खे़ने़ॽ के़हाङ्‌तक्‍काःत्तिल्‍ले़ के़मनाहाॽओ साम्‌योनिमान्‍नु हाङ् के़जोगुॽरो॥

हिब्रु 1:5

थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आप्‍फाल्‍ले़आङ् माङ्‌लाइङ्‌बाहाॽ अक्‍खेलॽरिक् मे़मे़त्तुन्‍छिन्, “खे़ने़ॽग इङ्‌गाॽ आबुगे़न् आस्‍साने़ फाॽआङ् इङ्‌भोसुङ्‌लो, आइन् इङ्‌गाॽ खे़ने़ॽ पानुदिङ् के़म्‍बा पोःक्‍खाङ्‌ङाङ् वाॽआरो॥” याम्‍मो निङ्‌वाॽफुमाङ्‌ङिल्‍ले़ अक्‍खे पाःत्तु, “इङ्‌गाॽग खुने़ॽ पानुदिङ् कुम्‍बा पोङ्‌ङारो, हे़क्‍क्‍याङ् खुने़ॽ आबुगे़न् आस्‍सा पोङ्‌लो॥”

मत्ति 3:15

ये़सुरे़ नोगप् पिरु, “आल्‍लोरे़ लागि अक्‍खेए पोङ्‌लरो, अक्‍खेलॽरिक् निङ्‌वाॽफुमाङ्‌ङिल्‍ले़ के़रे़क् निङ्‌वाॽ चोगुबा पाःन्‍निन् के़त्‍लरो॥” हे़क्‍क्‍याङ् युहुन्‍नान् ते़न्‍दे़आङ् खुने़ॽ बप्‍तिस्‍मा पिरुरो॥

हिब्रु 1:2

कर आल्‍ल कन् कुनुप्‍मा ये़न्‍हाॽओग खुने़ॽ आबाङे आबुगे़न् कुस्‍सालाम्‍बा आनिॽनु पारे़आङ् वाॽरो॥ आबुगे़न् कुस्‍साःङ्‌ग खुने़ॽ काक् पाःन्‍नो लक्‍के़घोबा चोगुआङ् खुने़ॽलाम्‍बाए काक् नावागे़न् चइःत्तिन्‍नाङ् ने़स्‍सुरो॥

यसैया 53:5

कर खुने़ॽग आनिॽ लायोल्‍ले़ चोगुल्‍ले़ मे़धुबुरो, आनिॽ फे़न्‌याःम्‍बक्‍किल्‍ले़ चोगुल्‍ले़ ते़ःम्‍भुक् च्‍ये़रो॥ खुने़ॽ खुम्‍दिङ् खोसुबाल्‍ले़ चोगुल्‍ले़ आनिॽ सनारुङ् नुॽमा तामा आघोसुम्‍लो, खुने़ॽ ते़ःम्‍भुक्‍किल्‍ले़ काःन्‍दे़बाओ आनिॽ आवेःत्ते़रो॥

युहुन्‍ना 10:18

आत्तिल्‍ले़आङ् ने़त्तिगे़न् आहिङ्‌मन्‍निन् इङ्‌गाॽओलाम् तेॽमा मे़सुक्‍तुन्‍लो, कर कङ्‌ग इङ्‌गाॽ आबाङे आसिराॽ थाङ्‌धाङ् पिरुङ्‌लो॥ ने़त्तिगे़न् आहिङ्‌मन्‍निन् आबाङे पिमा नु याम्‍मो याङ्‌ना खोमा युक् कत्तुङ्‌लो॥ इङ्‌गाॽ पानुदिङ् आम्‍बारे़ अक्‍खे चोःक्‍मा इङ्‌जाङ् पिराङ्‌ङाङ् वाॽरो॥”