खे़ल्ले़चोगुल्ले़ आनिॽग ख्रिस्तरे़ कुयाःम्बेओबा कुहेःक्सिङ्मा निसाम्हाॽ ले़रुम्माङ् कुसाङ् लमा ले़प्माङ् तगि पोरिरो॥ आनिॽग सिमे़न्नो के़देॽबा लायोबा पाःन्हाॽलाम् हिम्मा पाःन्हाॽ, हे़क्क्याङ् निङ्वाॽफुमाङ्ङिन् नसान् चोःक्मा पोङ् के़लॽबा पाःन्हाॽ, हे़क्क्याङ् बप्तिस्माहाॽरे़ कुयाःम्बेबा निसाम्हाॽ, हुक् ने़मा पाःन्हाॽ, सिमे़न्लाम् याम्मो हिङ्मा पाःन्हाॽ हे़क्क्याङ् मे़न्नुप्मनाबा खुम्दिङ् हे़क्तङ्बा कुहेःक्सिङ्मा निसाम्हाॽ याम्मो पाःत्तुम् मेःन्लो॥
हिब्रु 5:12 - लिम्बु12 से़क्खाःल्ले़ कन् ये़म् थारिक्ले़ग खिनिॽग वेॽहाॽ के़हुॽबा सिक्साम्बा पोङ्मा के़बोङ्बा वये़, कर खिनिॽने़ निङ्वाॽफु पाःन्जाक्किल्ले़ कुहेःक्सिङ्मा निसाम्मिन् याम्मो हुॽमा के़बोङ्बा के़बोःक्खिआङ् के़वयिॽरो॥ खिनिॽग कुजा चामा मे़न्छुक्मना नुरक् के़धुङ्बा अङे़ःक्वा कुइसिक् के़वयिॽरो॥ Gade chapit la |
हिब्रु 5:12
23 Referans Kwoze
हाराॽ ख्रिस्तरे़ कुबाःन्जाक्किल्ले़ खिनिॽ सिक्लुङ्मान् तिम्माङ् वाॽररो॥ खिनिॽ बा कन् पाःन्जाक्किल्ले़ हुॽआसिम्मे़ॽ, हे़क्क्याङ् काक् सिक्कुम्दिङ् निङ्वाॽओ सुजा पिआसिम्मे़ॽओ॥ हे़क्क्याङ् से़वा चोःक्मा साम्लोहाॽ, याम्साम्गे़न् साम्लोहाॽ नु सेसेमाङ्लाम् के़दाबा साम्लोहाॽ साम्गे़मे़त्तुम्मिल्ले़ खिनिॽ सिक्लुङ्मोनुए निङ्वाॽफुमाङ्ङिन् नोगे़न् पिरे़म्मे़ॽओ॥
पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिक् पाःत्तुर, वेॽहाॽ से़वा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ से़वा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्नेरो॥ आमे़न्॥
खे़ल्ले़चोगुल्ले़ यहवे दाङ्बे़ल्ले़ कुबाःन्जाःक्किन् इस्राइल लाजेॽओबा मनाहाॽरे़ खुन्छिॽ लागि अक्खे के़बोङ्बा वाॽरो— चोगाम्मे़ॽआङ् युङे़म्मे़ॽ, चोगाम्मे़ॽआङ् युङे़म्मे़ॽओ, खासे़न् लोःन्दाम्मे़ॽ, खासे़न् लोःन्दाम्मे़ॽओ, आजे़ःत्छिक् खे़ॽयो, आजे़ःत्छिक् कॽयो॥ अक्खेलॽरिक् खे़ङ्हाॽ तगि लाम्मे़लोररो हे़क्क्याङ् मे़गे़ङ्ङाङ् मे़भत्छिङ्लरो, मे़गाःन्नाङ् चे़न्नो मे़धार खे़ब्याङ् मे़दे़म्सु मे़देॽरुसिररो॥
Piblisite