हिब्रु 4:1 - लिम्बु1 खे़ल्ले़चोगुल्ले़ निङ्वाॽफुमाङ्ङिल्ले़ कुनाःम्सिङ्दे़न्नो लाःप्मा माङ्हे़क् वाॽरए खिनिॽ लुम्मो आत्तिन्हाॽआङ् कन् माङ्हे़क्किन् मे़ङ्घोम्नाबा मे़म्बोङ्ने़न्ल फाॽआङ् आनिॽ सिङ्सिङ् ये़क्ये़क् लॽरिरो॥ Gade chapit la |
से़क्खाएरो, कर यहुदिहाॽरे़ निङ्वाॽफुमाङ्ङिन् नसान् मे़न्जोगुन्नाङ्ङे सिङ्बोराःक्किन् चे़प्माआङ् लाप्फुमनाबा कुइसिक् लाप्मे़भुसे़बारो॥ खिनिॽ नसान् के़जोगुम्बाल्ले़ चोगुल्ले़ खे़प्मो के़वयिॽरो॥ हे़क्केःल्ले़ आङ्दिङ् मे़लॽरे़म्मिन्ने़ॽओ, कर खे़न् पोःक्खे़बा पाःन्हाॽ इःत्ते़म्मे़ॽआङ् निङ्वाॽफुमाङ्ङिन् किरे़म्मे़ॽओ॥
आङ्गाॽ खे़ङ्हाॽनु आभे़ल्ले़आङ् मे़न्नुप्मनाबा लत्छा माङ्हुप् चोगुङ्ॽ॥ खे़ङ्हाॽरे़ खुन्छिॽ लागि नुॽमादामा के़बोङ्बा याःम्बक् चोःक्मा आङ्गाॽ आफाल्ले़आङ् मे़ले़रुङ्ङिन् हे़क्क्याङ् आबाङे खुन्छिॽ के़रे़क् सिक्लुङ्माल्ले़ आङ्गाॽ याप्मि इङ्धाङ् के़बिबा खे़ङ्हाॽ चोगुङ्सिङ्ॽ खे़ब्याङ् खे़ङ्हाॽ आफाल्ले़आङ् आङ्गाॽलाम्बा मे़न्इःम्सिङ् मे़म्बेःक्ने़न्॥
खिनिॽ खे़न् लाजेन् थोःम्मारे़ लागि लिबोङ् ये़न् के़देसुम्माङ् के़वयि, कल्ले़चोगुल्ले़ थिक्यान् कुदङ्बा तङ्बे थिक्, लिबोङ् तङ्बे थारिक् खिनिॽ फे़न्याःम्बक्किल्ले़ कुले़क्वा तुक्खे च्ये़म्मे़ॽ, हे़क्क्याङ् आङ्गाॽ खिनिॽ निङ्मि पोङ्ङाल्ले़ थे पोङ्ॽ खे़न् खिनिॽ निङ्वाॽ के़घोसुम्ॽ॥’
खिनिॽनु के़बाःप्पा निङ्वाॽफुमाङ्ङिन् मे़न्नाॽमा फाॽआङ् सिङ्सिङ् लॽरे़म्मे़ॽओ॥ थेआङ्भे़ल्ले़ इक्साबा इङ्गे़साबा मोसाःल्ले़ कुसाम्दिङ्ङिन् खे़म्मा मे़न्दे़म्मनाबा इस्राइलिहाॽ ताङ्मे़न्छे़ःप्ते़न्निल्ले़ साङ्ग्राम्पेदाङ्लाम्बा निङ्वाॽफुमाङ्ङिल्ले़ साम्दिङ् आबिःल्ले़ आनिॽ आनाॽरुम्ने़ फाॽग्र आनिॽआङ् आन्दाङ्ने़न्लो॥
“खे़ल्ले़चोगुल्ले़ यहवे दाङ्बा, इस्राइलबा निङ्वाॽफुमाङ्ङिल्ले़ अक्खे पाःत्तु, ‘खे़ने़ॽ के़हिम्सयङ् नु के़म्बारे़ कुहिम्सयङ्हाॽरे़ सदादिङ् चक्मे़न्लॽए आङ्गाॽ आदगि माङ्से़वा मे़जोगुर फाॽआङ् माङ्हुप् चोगुङ्ङाङ् वयाङ्॥’ कर आल्ल यहवे दाङ्बाल्ले़ अक्खे पाःत्तु, ‘आल्लआङ्धो अक्खे पोङ्मा मे़नुॽने़न्॥ आङ्गाॽ मिङ्सो इङ्धाङ् के़बिबाहाॽ मिङ्सो इङ्धाङ् पिरुङ्सिङ्, हे़क्क्याङ् आङ्गाॽ कुनामे़न्छाॽ के़मे़प्पाहाॽ आङ्गाॽ चिःत्तुङ्सिङ्॥’