हिब्रु 3:9 - लिम्बु9 खे़प्मो खिनिॽ थाःक्थे़बाहाॽरे़ इङ्गाॽ आनासि थःप्मान् मे़साॽरु हे़क्क्याङ् खे़ङ्हाॽरे़ तङ्बे लिबोङ् (४०) थारिक् चोगुङ्बा आयाःम्बक्किन् मे़निसु॥ Gade chapit la |
हिब्रु 3:9
17 Referans Kwoze
कर सिङ्सिङ् वये़म्मे़ॽ हे़क्क्याङ् आप्फेक् निङ्वाॽ ये़क्ये़क् लॽरे़म्मे़ॽ, हे़क्केलॽरिक् खिनिॽ मिक्किल्ले़ के़निसुम्बा पाःन्हाॽ निङ्वाॽ मे़भेःत्छे़म्मिन्ने़ॽ हे़क्क्याङ् खे़न् खिनिॽ हिङ्हिङ् थारिक् खिनिॽ निङ्वाॽओनु मे़लःन्ने़न् मे़बेःक्ने़न्ल॥ खे़ङ्हाॽ खिनिॽ साहाॽ नु मे़न्छाॽहाॽ हुॽरे़म्सिम्मे़ॽ॥
कर खिनिॽ पाधे़बाहाॽरे़ यहवे दाङ्बे़न् पेलि मे़भाक्तु, हे़क्क्याङ् खुने़ॽ खिनिॽ नु मिस्र के़युङ्बाहाॽरे़ खुन्छिॽ लुम्मो खामाक्ते़र याःन्दुआङ् मिस्रिहाॽओ वरःङ्ङिन् नुःक्तुआङ् खे़ङ्हाॽ हुम्सु केःत्तुसि॥ मिस्र लाजेॽओ आङ्गाॽ थे़मा चोगुङ्, खे़न् खिनिॽ आप्फेक् मिक्किल्ले़ के़निसुम्॥ खे़ब्याङ् खिनिॽ यरिक् ये़न् थारिक् मुरे़क् खारे़क् थेआङ् के़होप्पादे़न्नो के़वयि॥
हे़क्क्याङ् ये़सुरे़ युहुन्नालाम् के़दाबाहाॽ मे़त्तुसि, “पेसे़त्छे़ॽआङ् कन् के़निसे़त्छु, के़घे़प्से़त्छुबा पाःन्निन् युहुन्नान् मे़त्ते़छे़ॽ—अक्खेलॽरिक् मिक्फःम्बाहाॽरे़ निमा मे़सुक्तुॽ, हे़क्क्याङ् लाङ्सक्पाहाॽ लाङ्मे़घेक्, लोगेॽरे़ तरुसिबाहाॽ मे़वेःत्, हे़क्क्याङ् नाधे़क्क्रे़ङ्हाॽरे़ मे़घे़प्सु, के़सिबाहाॽ याम्मो मे़हिङ्, हे़क्क्याङ् याङ्गे़साॽबाहाॽरे़ सुनाइङ्ङिन् मे़घे़प्सुॽरो॥
खिनिॽ नःम्नःम्बा चोःक्मारे़ लागि, निङ्वाॽ साॽमारे़ लागि नु खुने़ॽ कुइङ्जाःङ्ङिन् खिनिॽ इःप्मा नाःप्मा निङ्वाॽ के़गत्तुम्बि मेःम्बि फाॽआङ् कुसिङ् निःप्मारे़ लागि कन् लिबोङ् तङ्बे थारिक्पा मुरे़क् खारे़क् थेआङ् के़होःप्पादे़न् लाम्दिःक्को यहवे दाङ्बा खिनिॽ निङ्वाॽफुमाङ्ङिल्ले़ खिनिॽ आक्खेलॽरिक् लाम्गे़लोसि, खे़न् खिनिॽ निङ्वाॽ इःत्ते़म्मे़ॽ॥
इस्राइलिहाॽरे़ यहवे दाङ्बे़ल्ले़ कुइङ्जाङ्ङिन् मे़न्इःत्तुन् मे़न्नाःत्तुम्बाल्ले़ चोगुल्ले़ मिस्रलाम् के़लःम्बा के़भे़म्बा के़रे़क् मनाहाॽ, इग्र थक्सुबा पोङ्मा के़लाॽबाहाॽ मे़म्मे़क्के थारिक् खे़ङ्हाॽ मुरे़क् खारे़क् थेआङ् के़होप्पादे़न्नो लिबोङ् तङ्बे खाराक् लाङ्मे़घेगे़आङ् मे़वये़॥ थेआङ्भे़ल्ले़ खे़ङ्हाॽरे़ खुन्छिॽ पाधे़बाहाॽ पिनिङ् मे़त्तुसिआङ् माङ्हुप् चोगुबा पित्नु नु सक्वाघु के़गुङ्बा लाजेन् खे़ङ्हाॽरे़ निमा मे़ङ्घोसुन्ॽ फाॽआङ् खुन्छिॽनु यहवे दाङ्बे़ल्ले़ माङ्हे़क् चोगुआङ् वये़॥
Piblisite