हिब्रु 3:5 - लिम्बु5 आल्ल मोसाःङ्ग के़दाबा ये़म्मो पाःप्मा के़बोङ्बा पाःन्निल्ले़ कुयाःम्बेओ पाःप्मा फाॽआङ् खुने़ॽ निङ्वाॽफुमाङ्ङिल्ले़ काक् कुहिम्सयङ्ङो नसाःन्साबा से़वारोबा वये़रो॥ Gade chapit la |
हे़क्केःल्ले़ खे़ङ्हाॽरे़ पावलनु याम्मो तुम्मा ये़म् निःन्धो मे़जोगु हे़क्क्याङ् खे़न् ये़म्मो खे़ङ्हाॽ पावलरे़ कुये़ङ्वाहिम्मो यरिक् मे़द्ये़रो॥ हे़क्क्याङ् पावलरे़ तानाम्नु नाम्ध्ये़र थारिक् निङ्वाॽफुहाङ्जुम् नु ये़सुरे़ कुयाःम्बेओ खे़ङ्हाॽ नसान् के़जोःक्पा चोःक्मासि फाॽआङ् मोसारे़ साप्तुबा साम्योथिम् नु माङ्निङ्वाॽपान् के़बाःप्पाहाॽरे़ मे़साप्तुबा साप्लालाम् कुबे हन्दुआङ् चे़क्तुसिरो॥
खे़ङ्हाॽरे़ माङ्से़वा मे़जोगुबा सेसेदे़न्निङ्ग साङ्ग्राम्पेदाङ्ङोबा से़क्खासमा सेसेदे़न्निल्ले़ कुबिइत्छाप्लक्लो॥ थेआङ्भे़ल्ले़ मोसाःल्ले़ निङ्वाॽफु साःङ्गाहिम् चोःक्मा इःत्तुल्ले़ निङ्वाॽफुमाङ्ङिल्ले़ अक्खेलॽरिक् साम्दिङ् पिरु, “खे़ने़ॽ निङ्वाॽफु साःङ्गाहिम्मिन् के़जोगुल्ले़ कोःक्मा सम्दाङ् के़निसुबा हे़क्के योधो मे़म्बोङ्ङे चोगे़ॽओ॥”
यहवे दाङ्बे़ल्ले़ कुसे़वारोबा मोसाःल्ले़ इस्राइलिहाॽ इङ्जाङ् पिरुसिबा कुइसिक् मोसाःल्ले़ पिरुसिबा साम्योथिम् इङ्जाङ् साप्पन्नो साप्ते़आङ् पप्पा हे़क्के, मे़ङ्घक्केबा इग्र फे़न्जेल्ले़ मे़न्छुएबा लुङ्हाॽलाम् लत्छा ले़त्ति तोःम्मादे़न् चोगु, हे़क्क्याङ् खे़प्मो खे़ङ्हाॽरे़ यहवे दाङ्बे़ल्ले़ कुलागि मिधिङ्मनादेःम्नाबा सिदुङ्जभा मे़दोन्दु, खे़ब्याङ् तङ्जुम् सिदुङ्जभाआङ् मे़दोन्दु॥
इस्राइलिहाॽ हाङ्वागे़न् मुॽइसाम् पिमासि पोङ्ॽ फाॽआङ् यहवे दाङ्बे़ल्ले़ कुसे़वारोबा मोसाःल्ले़ तगिए इङ्जाङ् पिरुसिबा कुइसिक्, वेॽ लाजेॽबा, आप्फेक् लाजेॽबा, के़रे़क् इस्राइलिहाॽ, खे़ङ्हाॽरे़ खुन्छिॽ साम्योसिक्साम्बाहाॽ, युक्साबाहाॽ, खासे़न्लोःम्बाहाॽ खे़ङ्हाॽनु सोसोरिक् यहवे दाङ्बे़ल्ले़ कुमाङ्हुप् सन्दोक् के़बङ्बा ले़बि निङ्वाॽफुसाम्बाहाॽरे़ खुनिॽ तगि सन्दोक् नाहाङ् कत्नाहाङ् कुभ्रे़ःङ् एबाल कोःक्मा तगि नु वेॽ कुभ्रे़ःङ् गिरिज्जिम कोःक्मा तगि मे़ये़म्सिङ्॥
हे़क्क्याङ् आल्ल खिनिॽ नाःम्सिङ्मा के़बिरिबा हे़क्केए यहवे दाङ्बे़ल्ले़ खे़ङ्हाॽआङ् नाःम्सिङ्मा मे़बिरुसिन्ल थारिक् यहवे दाङ्बा खिनिॽ निङ्वाॽफुमाङ्ङिल्ले़ खिनिॽ पिमा के़जोगिबा लाजेन् खे़ङ्हाॽरे़ युक् मे़न्जोःक्के थारिक् खिनिॽ खे़ङ्हाॽ के़भाॽरुम्सिम्ल पोङ्ॽ॥ खे़न् एगाङ् यहवे दाङ्बे़ल्ले़ कुसे़वारोबा मोसाःल्ले़ यर्दन वहःङ् नाधाःम्बिबा नाङ्गे़न् ले़प्माङ् खिनिॽ के़म्बिरिबा लाजेॽओ नुःङ्मा फे़म्माआङ् खे़न् युक्मा के़सुक्तुम्ॽ॥”
के़धुम्बा नु साॽरिक् हाङ्हाङ् के़लॽबा पोःक्खे़ॽ॥ आङ्गाॽ आसे़वारोबा मोसाःल्ले़ खे़ने़ॽ इङ्जाङ् के़बिरे़बा कुइसिक् के़रे़क् साम्योथिम् इङ्जाङ्हाॽ इःत्ते़ ने़त्तुॽ॥ खे़न् लाम्बा खे़ने़ॽ चुप्साङ् ले़प्माङ् इग्र फे़न्छाङ् ले़प्माङ् मे़बेगे़न्ने़ॽ, हे़क्क्याङ् खे़ने़ॽ आत्ति के़बेःक्साङ् कुलिङ्दो के़गे़प्पा के़बोङ्ॽ॥
“यहवे दाङ्बा निङ्वाॽफुमाङ्ङे, खे़ने़ॽ आप्फेक् के़से़वारोबे़न् खे़ने़ॽ साॽरिक् पयम् यम्बा के़जोःक्पा नु के़मुक्साम्मिन् ओःन्धाक्मा के़इःत्तुआङ् वाॽ, थेआङ्भे़ल्ले़ साङ्ग्राम्पेदाङ् नु इक्सादिङ् खाम्बेःक्मो खे़ने़ॽ के़जोगुबा हे़क्तङ्बा याःम्बक् नु हाङ्वा माङ्वाबा याःम्बक् चोःक्मा के़सुक्पा हात् वाॽबे?
हे़क्क्याङ् खे़ङ्हाॽरे़ निङ्वाॽफुमाङ्ङिल्ले़ कुसे़वारोबा मोसारे़ कुसाम्लो नु मे़ल्लुक्साःल्ले़ कुसाम्लोन् अक्खेलॽरिक् साम्मे़मे़त्तु, “मुक्साम्दाङ्बा निङ्वाॽफुमाङ्ङे, खे़ने़ॽ के़याःम्बक्हाॽग पयम् यम्बा नु निङ्वाॽ के़माबा चोक्लो॥ काक् मे़न्छाम् सुवाङ्हाॽरे़ खुनिॽ हाङ्ङे, खे़ने़ॽ के़लाम्हाॽग नुबा नु से़क्खाबा चोक्लो॥