हिब्रु 3:2 - लिम्‍बु

² मोसाःन् निङ्‌वाॽफुमाङ्‌ङिल्‍ले़ काक् कुहिम्‍सयङ्‌ङो नसाःन्‍साबा पोःक्‍खे़बा कुइसिक् ये़सुःन्‍नाङ् खुने़ॽ सेःक्‌युक् के़जोःक्‍पाल्‍लो ताःक्‍पोसाबा पोःक्‍खे़॥

हिब्रु 3:2 Referans Kwoze

खानिःत् 12:7

कर आङ्‌गाॽ आसे़वारोबा मोसाःन्‍नुग आङ्‌गाॽ हे़क्‍के मे़जोःक्‍कान्‍लो॥ खुने़ॽग के़रे़क् आहिम्‍सयङ्‌ङो नसाःन्‍साबा चोक्‍लो॥

१ तिमोथि 3:15

हे़क्‍केलॽरिक् इङ्‌गाॽ सुसाङ्‌ने़ फाॽग्र निङ्‌वाॽफुमाङ्‌ङिल्‍ले़ कुमनाहाॽनु आक्‍खेलॽरिक् वाॽमा पेःक्‍मा पोङ् फाॽआङ् खे़ने़ॽ कुसिङ् के़निःत्तुएरो॥ कुमनाहाॽग आजुनि निङ्‌वाॽफुमाङ्‌ङिल्‍ले़ कुसेसेहुप्‍लक्‍लो॥ खे़ङ्‌ग से़क्‍खाःल्‍ले़न् हाङ्‌सित्‍लाङ् नु ने़ःम्‍भोरो॥

एफिसि 2:22

हे़क्‍क्‍याङ् खिनिॽआङ् खुने़ॽनु सोरिक् थिक्‍हुप् के़बोःक्‍खिआङ् निङ्‌वाॽफुमाङ्‌ङिल्‍ले़ कुयुङ्‌मादे़न् के़बोःक्‍खिॽ, हे़क्‍केलॽरिक् खिनिॽओ निङ्‌वाॽफुमाङ्‌ङिन् सेसेमाङ्‌लाम् युङ्‌लो॥

हिब्रु 2:17

खे़ल्‍ले़चोगुल्‍ले़ खुने़ॽग निङ्‌वाॽफुमाङ्‌ङिन् से़वा के़जोःक्‍पा लुङ्‌गुम्‍साबा नु नसाःन्‍साबा मानिङ्‌वाॽफुसाम्‍बा पोङ्‌से़ काक् परिक्‍ले़ आनिॽ हे़क्‍के पोङ्‌मा पोःक्‍खे़रो॥ हे़क्‍क्‍याङ् आनिॽ लायोल्‍ले़न् ले़प्‍मि पिमा के़सुक्‍पा सिदुङ्‌जभा पोःक्‍खे़रो॥

युहुन्‍ना 17:4

खे़ने़ॽ चोःक्‍मा के़बाङ्‌घाङ्‌बा काक् पाःन्‍हाॽ चोगुङ्‌सुरुङ्, हे़क्‍क्‍याङ् इङ्‌गाॽ इक्‍सादिङ् खाम्‍बेःक्‍मो के़मिमिदिङ् चोगुङ्‌ङाङ् वाॽआरो॥

१ तिमोथि 1:12

इङ्‌गाॽ कन् याःम्‍बक् चोःक्‍मा थुम् याप्‍मि के़बिबा आनिॽ दाङ्‌बा ख्रिस्‍त ये़सुःल्‍ले़ नसाःन्‍साबा इःत्ताङ्‌ङाङ् कुमाङ्‌सेवा चोःक्‍से़ सेगाङ्‌बाल्‍ले़ चोगुल्‍ले़ खुने़ॽ याम्‍मो नोगे़न् पिरुङ्‌लो॥

युहुन्‍ना 15:10

पानुदिङ् आम्‍बारे़ कुइङ्‌जाङ्‌ङिन् इःत्तुङ् नाःत्तुङ्‌ङाङ् इङ्‌गाॽ कुमिःम्‍जिओ वाॽआबा कुइसिक् इङ्‌गाॽ आइङ्‌जाङ्‌ङिन् के़इःत्तुम् के़नाःत्तुम्‍ने़ फाॽग्र आमिःम्‍जिओ के़वयिबा पोङ्‌लो॥

युहुन्‍ना 8:29

इङ्‌गाॽ याप्‍मि के़बाङ्‌बाङ्‌ग सदादिङ् इङ्‌गाॽनु वाॽरो॥ खुने़ॽग आप्‍फाल्‍ले़आङ् इङ्‌गाॽ एःक् मे़ल्‍ले़त्ते वाॽरो, थेआङ्‌भे़ल्‍ले़ इङ्‌गाॽ सदादिङ् कुनिङ्‌वाॽ के़दाबा याःम्‍बक् चोगुङ्‌लो॥

युहुन्‍ना 7:18

आबाङे युक्‍कोलाम् के़बाःप्‍पाहाॽरे़ग आबाङे मिङ्‌सो इङ्‌धाङ् मे़गोःत्तुॽरो, कर आत्तिल्‍ले़ खुने़ॽ के़बाङ्‌बान् मिङ्‌सो इङ्‌धाङ् पिमा निङ्‌वाॽ चोगुॽ, खे़ल्‍ले़ से़क्‍खा पान् पाःत्तुॽरो॥ हे़क्‍क्‍याङ् खुने़ॽओ थेआङ् इङ्‌ले़क्‍पा पान् होप्‍लो॥

साम्‌योथिम् इङ् 4:5

ओमे़त्ते़म्‍मे़ॽ, यहवे दाङ्‌बा आङ्‌गाॽ माङ्‌से़वा मे़त्तुङ्‌बा निङ्‌वाॽफुमाङ्‌ङिल्‍ले़ इङ्‌जाङ् पिराङ्‌बा कुइसिक् खिनिॽ युक् चोःक्‍मा के़जोगुम्‍बा लाजेॽओ कन्‍हाॽ के़रे़क् इःप्‍मा नाःप्‍मारे़ लागिए आङ्‌गाॽ खिनिॽ कन् थिम्‍हाॽ हुॽनिङ्‌ङाङ् वाॽ॥

१ सामुए़ल 12:6

सामुए़लरे़ याम्‍मो खे़ङ्‌हाॽ मे़त्तुसि, “यहवे दाङ्‌बे़ल्‍ले़ए खे़निॽ मोसान् नु हारुने़न् के़बिरि, हे़क्‍क्‍याङ् खे़निॽ पाधे़बाहाॽ मिस्र लाजेॽलाम् लःत्तु फे़त्तुसि॥

लाम्‍दिक् 40:16

खे़ब्‍याङ् यहवे दाङ्‌बे़ल्‍ले़ मोसान् इङ्‌जाङ् पिरुबा हे़क्‍केए खुने़ॽ के़रे़क् चोगु॥