हिब्रु 3:16 - लिम्‍बु

¹⁶ निङ्‌वाॽफुमाङ्‌ङिल्‍ले़ कुइक्‍लान् मे़घे़प्‍सुसाङ् खुने़ॽ कुदक्‍ले़ङ्‌वाओ बिफ्‍युङ् के़जोःक्‍पाहाॽ आत्तिन्‍हाॽ मे़वये़बे? हाबा खे़न् मोसारे़ मिस्र लाजेॽलाम् लःत्तुसिबा मनाहाॽए मे़ःन्‍छिबि?

हिब्रु 3:16 Referans Kwoze

खानिःत् 14:2

के़रे़क् इस्राइलिहाॽ मोसान् नु हारुनरे़ खुन्‍छिॽ तक्‍ले़ङ्‌वाओ मने़मे़धिक्‍ते़, हे़क्‍क्‍याङ् के़रे़क् सङ्‌जुम्‍भोरे़ खे़न्‍हाॽ मे़मे़त्तुसि, “मिस्र लाजेॽओए आनिगे स्‍ये़ॽइगे़ल्‍ले़ नुबा पोःक्‍खे़बा वये़बामे़न्, इग्र कन् मुरे़क् खारे़क् थेआङ् के़होप्‍पादे़न्‍नो स्‍ये़ॽइगे़साङ् नुरे़बा वये़मे़न्॥

खानिःत् 14:30

हे़क्‍क्‍याङ् यपुन्‍नेरे़ कुस्‍सा कालेबे़न् नु नुनरे़ कुस्‍सा यहोसुन् नुःल्‍ले़ वेॽ आत्तिन्‍नाङ्‌ आङ्‌गाॽ पिनिङ् फाॽआङ् माङ्‌हुप् चोगुङ्‌ङाङ् माङ्‌हे़क्‍सिङाङ्‌बा लाजेॽओ लाःप्‍माआङ् युङ्‌मा के़ङ्‌घोसिन्‌ॽ॥

साम्‌योथिम् इङ् 1:38

कर खे़ने़ॽ के़भाॽबाङ् नुनरे़ कुस्‍सा यहोसुन् खे़प्‍मो लाःत्॥ खे़ने़ॽ खे़न् आःन्‍छिङ्‌मा पिरे़ॽ, थेआङ्‌भे़ल्‍ले़ खुने़ॽ खे़न् लाजेन् इस्राइलिहाॽरे़ खुन्‍छिॽ हुक्‍को थार चोगुॽ॥

निङ्‌वाॽफु साम्‍लोसुम् 78:17

कर खे़ङ्‌हाॽरे़ निङ्‌वाॽफुमाङ्‌ङिल्‍ले़ कुदक्‍ले़ङ्‌वाओ लायो मे़जोगुर मे़ने़स्‍से़रो, हे़क्‍क्‍याङ् खे़ङ्‌हाॽ ये़ःङ्‌घादे़न्‍नो मे़वये़ल्‍ले़ के़रे़क्‍नुःल्‍ले़ पयम् यम्‍बा निङ्‌वाॽफुमाङ्‌ङिल्‍ले़ कुसाक्‍के़न् मे़भोःक्‍खुरो॥

खानिःत् 26:65

थेआङ्‌भे़ल्‍ले़ यहवे दाङ्‌बे़ल्‍ले़ अक्‍खे पाःत्तुआङ् वये़, “खे़ङ्‌हाॽ मुरे़ःक् खरे़ःक् थेआङ् के़होःप्‍पादे़न्‍नोए मे़सि मे़याःक्॥” यपुन्‍नेरे़ कुस्‍सा कालेब नु नुनरे़ कुस्‍सा यहोसुन् लक् वये़सि वेॽ आत्तिन् मनाहाॽआङ् मे़होःप्‍ते़रो॥

खानिःत् 14:38

लाजेॽ थोःम्‍से़ के़बेःक्‍पा मनाहाॽओ नुनरे़ कुस्‍सा यहोसुन् नु यपुन्‍नेरे़ कुस्‍सा काले़बे़न्‍लक् कुहिङ्‌वे़त् याःक्‍ते़सि॥

खानिःत् 14:24

कर आङ्‌गाॽ आसे़वारोबा काले़बरे़ओ वेॽसमा याम्‍साम् याक्, हे़क्‍क्‍याङ् खे़ल्‍ले़ के़रे़क् परिक्‍ले़ आङ्‌गाॽ आजोःङ् इःत्तुआङ् वाॽ॥ कल्‍ले़ चोगुल्‍ले़ए खुने़ॽ के़रे़आङ् फे़रे़बा लाजेॽओ आङ्‌गाॽ खुने़ॽ तेॽरुङ्‌ॽ हे़क्‍क्‍याङ् खुने़ॽ कुमुॽइदाङ्‌साहाॽरे़ खे़न् लाजेॽओ युक् मे़जोगुॽ॥

खानिःत् 14:4

हे़क्‍क्‍याङ् खे़ङ्‌हाॽरे़ खुन्‍छिॽ लुम्‍मो अक्‍खे मे़बाःत्तु, “आनिॽ लत्‍छा लाम्‍लोबा सेगुम्‍माङ् मिस्र लाजेॽ नुःक्‍खिॽ॥”

खानिःत् 14:11

हे़क्‍क्‍याङ् यहवे दाङ्‌बे़ल्‍ले़ मोसान् मे़त्तु, “कन् मनाहाॽरे़ आङ्‌गाॽ आक्‍ख्‍यारिक् इरिक् मे़नाॽआर मे़वाॽबे? कन्‍हाॽरे़ खुन्‍छिॽ लुम्‍मो आङ्‌गाॽ चोगुङ्‌बा मिक्‍सेःन्‍हाॽ मे़निसुआङ्‌साङ् कन्‍हाॽरे़ आक्‍खे़न् थारिक् आङ्‌गाॽ नसान् मे़न्‍जोःक्‍काआन्‍बाबे?

निङ्‌वाॽफु साम्‍लोसुम् 78:40

खे़ङ्‌हाॽरे़ ये़ःङ्‌घादे़न्‍नो यरिक्‍ले़ङ् खुने़ॽ कुसिक् मे़भोःक्‍खुरो, हे़क्‍क्‍याङ् खे़न् मुरे़क् खारे़क् थेआङ् के़होप्‍पा लाजेॽओ खे़ङ्‌हाॽरे़ कुनिङ्‌वाॽ मे़दुक्‍खुरो॥

यर्मिया 32:29

हे़क्‍क्‍याङ् बेबिलोन्‍बाहाॽ लुङ्‌धाक् लाःक्‍कात् कब्रिङ् मे़ये़प्, खे़ङ्‌हाॽ मे़लाःत्ताङ् कन् ये़क्‌यक्‍किन् खा मि फुल्‍लुम् मे़याक्‍तुॽ॥ मनाहाॽरे़ खुन्‍छिॽ हिम्‍मोबा आःम्‍भोॽओ बाल साम्‍माङ्‌हाॽओ ससिङ् सुक्‍पा मे़हाःन्‍दु हे़क्‍क्‍याङ् वेॽ साम्‍माङ्‌हाॽओ सेजःङ्‌वा सिदुङ्‌जभा मे़दोन्‍दुआङ् आङ्‌गाॽ आसिक् मे़भोक्‍खुआङ् वये़॥ खे़ल्‍ले़चोगुल्‍ले़ खे़न् हिम्‍हाॽआङ् कन् ये़क्‌यक्‍किन्‍नु सोरिक् बेबिलोनबा थक्‍सुबाहाॽरे़ मिमे़धिक्‍खुआङ् खाप्‍पुथ्‍यःङ् मे़जोगु॥

यर्मिया 44:3

खे़ङ्‌हाॽरे़ खुन्‍छिॽ फे़न्‌याःम्‍बक्‍किल्‍ले़ आङ्‌गाॽ आसिक् मे़भोःक्‍खु॥ खे़ङ्‌हाॽरे़ कुसिङ् मे़न्‍निःत्तुसिन्‍बा हे़क्‍क्‍याङ् खुन्‍छिॽ पाधे़बाहाॽरे़आङ् आभे़ल्‍ले़आङ् कुसिङ् मे़न्‍निःत्तुसिन्‍बा वेॽ माङ् साम्‍माङ्‌हाॽओ सुक्‍पा मे़हाःन्‍दुआङ् से़वा मे़मे़त्तुसि॥

यर्मिया 44:8

कन् मिस्र लाजेॽओ खिनिॽ हुक्‍किल्‍ले़ के़जोगुम्‍सिम्‍बा नावाइत्‍लाहाॽओ सुक्‍पा के़हाःन्‍दुम्‍माङ् थेआङ् आङ्‌गाॽ आसिक् के़भोःक्‍खुम्‍बाबे? खिनिॽ आबाङेरक् के़मे़ङ्‌ङासिॽ हे़क्‍क्‍याङ् इक्‍सादिङ् खाम्‍बेःक्‍मोबा के़रे़क् मे़न्‍छाम् सुवाङ्‌हाॽरे़ लागि साक्‍मुरा माङ्‌दे नु किनाःन्‍दि चाहाक् के़जोःक्‍कासिॽ॥

यहुदा 1:5

कन् काक् पाःन्‍हाॽ के़निसुम्‍साङ् याम्‍मो खिनिॽ निङ्‌वाॽसोओ इङ्‌गाॽ तारुङ् पिनिङ्‌लो—यहवे दाङ्‌बाल्‍ले़ कुमनाहाॽ मिस्र लाजेॽलाम् ताङ्‌से़ःप्‍तुसिआङ् लःत्तुसिसाङ् नसान् मे़न्‍जोःक्‍मनाबाहाॽ याङ्‌सि मे़क्‍खुसिरो॥