Biblia Todo Logo
Bib sou entènèt

- Piblisite -




हिब्रु 3:1 - लिम्‍बु

1 खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, निङ्‌वाॽफुमाङ्‌ङिल्‍ले़ आबाङे सेसे कुमना पोङ्‌माआङ् साङ्‌ग्राम्‍पेदाङ् पेःक्‍मा लक् के़घोसुम्‍बाल्‍ले़ चोगुल्‍ले़ आनिॽ सेःक्‌युक्‍मिबा नु मानिङ्‌वाॽफुसाम्‍बा फाॽआङ् ते़न्‍दिङ् आजोगुम्‍बा ये़सुन् निङ्‌वाॽ इःत्ते़म्‍मे़ॽओ॥

Gade chapit la Kopi




हिब्रु 3:1
63 Referans Kwoze  

खुने़ॽए आनिॽ ताङ्‌आसे़ःप्‍ते़आङ् आप्‍फेक् सेसे कुमना पोङ्‌से़ आसेगे़आङ् आवाॽरो॥ कङ्‌ग आनिॽ आजोगुम्‍बा याःम्‍बक्‍किल्‍ले़ पोःक्‍खे़बा मेःन्‍लो, कर खुने़ॽ आप्‍फेक् कुनिङ्‌वाॽसोक् नु कुलुङ्‌गुम्‌रे़ चोगुबारो॥ तोलिङ्‌सोमुआङ्‌धो ख्रिस्‍त ये़सुरे़ कन् लुङ्‌गुम्‍मिन् आबिर फाॽआङ् निङ्‌वाॽफुमाङ्‌ङिल्‍ले़ निङ्‌सेक् चोगुआङ् वये़॥


खे़ल्‍ले़चोगुल्‍ले़ साङ्‌ग्राम्‍पेदाङ्‌बा हाङ्‌से़म्‍मिन् खोमा फाॽआङ् तगि पोआर पत्तारो॥ निङ्‌वाॽफुमाङ्‌ङिल्‍ले़ कल्‍ले़ लागिए ख्रिस्‍त ये़सुलाम्‍बा उःत्ताङ्‌ङाङ् वाॽआरो॥


खुने़ॽग आनिॽ चाहाबा के़जोःक्‍पा मानिङ्‌वाॽफुसाम्‍बारो, थेआङ्‌भे़ल्‍ले़ खुने़ॽग सेसे नु फोत्‍या मेःन्‍ने, लायोल्‍ले़ मे़दे़त्तुम्‍बा चोक्‍लो॥ खुने़ॽग लायोबाहाॽलाम् से़न्‍दे़आङ् वाॽ हे़क्‍क्‍याङ् साङ्‌ग्राम्‍पेदाङ्‌ङो काक्‍नुःल्‍ले़ यम्‍बा मिङ्‌सो इङ्‌धाङ्‌ले़ युक्‍नान् खोसुआङ् वाॽरो॥


ख्रिस्‍त ये़सुरे़ कुयाःम्‍बेओ इङ्‌भोसुङ्‌बाल्‍ले़ चोगुल्‍ले़ इङ्‌गाॽ पुङ्‌लाहिम्‍मो साक्‍पा के़धाबाल्‍ले़ निङ्‌वाॽफुमाङ्‌ङिल्‍ले़ सेगुसिबा मनाहाॽ खे़म्‍दु लाॽरुसिबा हिङ्‌मन्‍नो मे़वाॽबा हे़क्‍के वये़म्‍मे़ॽ फाॽआङ् पेलि फाक्‍निङ्‌लो॥


कर खिनिॽग निङ्‌वाॽफुमाङ्‌ङिल्‍ले़ के़सेगिबा मना, हाङ् निङ्‌वाॽफुसाम्‍बा, सेसे सुवाङ् हे़क्‍क्‍याङ् निङ्‌वाॽफुमाङ्‌ङिल्‍ले़ कुमनानिङ्‌लो॥ खिनिॽग निङ्‌वाॽफुमाङ्‌ङिल्‍ले़ चोगुबा निङ्‌वाॽ के़माबा याःम्‍बक्‍हाॽ इङ्‌गे़भोसुम्‍ल फाॽआङ् माक्‍चिगे़न् खादाम्‍मोलाम् निङ्‌वाॽ के़माबा से़न्‍दाङ्‌गे़न् ओःत्तिओ खिनिॽ के़उःत्तिआङ् के़वयिॽरो॥


खे़ल्‍ले़चोगुल्‍ले़ खुने़ॽग निङ्‌वाॽफुमाङ्‌ङिन् से़वा के़जोःक्‍पा लुङ्‌गुम्‍साबा नु नसाःन्‍साबा मानिङ्‌वाॽफुसाम्‍बा पोङ्‌से़ काक् परिक्‍ले़ आनिॽ हे़क्‍के पोङ्‌मा पोःक्‍खे़रो॥ हे़क्‍क्‍याङ् आनिॽ लायोल्‍ले़न् ले़प्‍मि पिमा के़सुक्‍पा सिदुङ्‌जभा पोःक्‍खे़रो॥


हे़क्‍क्‍याङ् निङ्‌वाॽफुमाङ्‌ङिल्‍ले़ कुहिम्‍सयङ् सम्‍दाङ् युक् के़गप्‍पा आनिॽ पयम् मानिङ्‌वाॽफुसाम्‍बा आगत्तुम्‍बाल्‍ले़ चोगुल्‍ले़,


निङ्‌वाॽफुमाङ्‌ङिल्‍ले़ के़उःत्तिल्‍ले़ लत्‍छा निङ्‌साङ् के़बिरिबा कुइसिःक्‍के, ख्रिस्‍ते़न् नसान् के़जोःक्‍पाहाॽ लत्‍थिक् थक्‍सिरो॥ हे़क्‍क्‍याङ् सेसेमाङ् लत्‍थिक् वाॽ,


खिनिॽ निङ्‌वाॽफुमाङ्‌ङिल्‍ले़ कुसिराॽ के़धाङ्‌बा हिङ्‌मन्‍नो वये़म्‍मे़ॽ फाॽआङ् आःन्‍छिङ्‌मा पिआसिगे़ हाङ्‌हाङ् मे़त्तासिगे़र चक्‍मे़ल्‍लॽए पेलि फाक्‍कासिगे़रो॥ खुने़ॽए आबाङे मिमिदिङ्‌गे़न् कुहाङ्‌जुम्‍मो लक् खोसे़ खिनिॽ के़उःत्तिआङ् के़वयिॽरो॥


सुनाइङ्‌ङिल्‍ले़न् मुॽइसाम्‍हाॽ खोमा सुक्‍तुङ्‌ल फाॽआङ् सुनाइङ्‌ङिल्‍ले़ लागिए कन् काक् पाःन्‍हाॽ चोगुङ्‌लो॥


इङ्‌गाॽ पाःत्तुङ्‌बा पाःन्‍हाॽ नुरिक्‍काङ् निङ्‌वाॽ इःत्ते़ॽओ, थेआङ्‌भे़ल्‍ले़ दाङ्‌बाल्‍ले़ खे़ने़ॽ काक् पाःन्‍हाॽ कुसिङ् निःप्‍मा फाॽआङ् इःत्‍छिङ्‌साम् के़बिॽरो॥


मे़न्‍नुप्‍मनाबा हिङ्‌मन्‍ले़न् थुम्‍घो खोमा फाॽआङ् नसाःन्‍ले़न् थङ्‌ङिन् नुरिक्‍काङ् थक्‍ते़ॽओ॥ यरिक् तोःन्‍दिहाॽ तगि खे़ने़ॽ नसाःन्‍निन् नुरिक्‍काङ् ते़न्‍दिङ् के़जोगुल्‍ले़ निङ्‌वाॽफुमाङ्‌ङिल्‍ले़ खे़न् मे़न्‍नुप्‍मनाबा हिङ्‌मन्‍निन् के़बिरे़आङ् के़वये़रो॥


निङ्‌वाॽफुमाङ्‌ङिल्‍ले़ यहुदिहाॽरे़ खुनिॽ ताक्‍थे़बाहाॽ पिरुसिबा माङ्‌हे़क्‍हाॽ से़क्‍खाए चोक् फाॽआङ् ओसेःन्‍धाक्‍से़ ख्रिस्‍ते़न् यहुदिहाॽरे़ खुनिॽ से़वारोबा पोःक्‍खे़बा पाःन्‍निन् निङ्‌वाॽ इःत्ते़म्‍मे़ॽओ॥


मनाहाॽ लायोलाम् सेसे के़जोःक्‍पा ये़सुन् नु सेसे के़बोङ्‌बाहाॽग लत्‍थिक् हिम्‍सयङ्‌सिरो, खे़ल्‍ले़चोगुल्‍ले़ खे़ङ्‌हाॽ आन्‍साॽसि मे़प्‍मासि खुने़ॽ मे़नुःन्‍ने़न्‍लो॥


ये़सुरे़ खे़ङ्‌हाॽ याम्‍मो मे़त्तुसि, “सनारुङ् के़घोसुम्‍लरो! पानुदिङ् पाःल्‍ले़ इङ्‌गाॽ पाङ्‌घाङ्‌बा कुइसिक् खिनिॽआङ् इङ्‌गाॽ पाङ्‌निङ्‌ल पत्तारो॥”


आल्‍ल मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुॽ—“खिनिॽ आप्‍फेक् आप्‍फेक् ये़प्‍ले़क्‍हाॽओ सिङ्‌सिङ्‌ङाङ् निङ्‌वाॽ हे़त्तासिम्‍मे़ॽ॥


यहवे दाङ्‌बे़ल्‍ले़ चोगुबा माङ्‌हुप्‍पिन् आभे़ल्‍ले़आङ् मे़ले़क्‍खुन्‍लो— “खे़ने़ॽग मल्‍किसे़दे़क कुइसिःक्‍पा सदादिङ् के़वाॽबा निङ्‌वाॽफुसाम्‍बाने़रो॥”


ये़सु ख्रिस्‍तरे़ कुसे़वारोबा नु याकुबरे़ कुन्‍साॽ इङ्‌गाॽ यहुदालाम्, पानुदिङ् पा निङ्‌वाॽफुमाङ्‌ङिल्‍ले़ उःत्तुसिबा, लुङ्‌माॽ तुक्‍तुसिबा नु ये़सु ख्रिस्‍तलाम्‍बा कम्‍ब्राङ् मे़त्तुसिबाहाॽ, कन् सक्‍इङ्‌घङ्‌ङिन् हाक्‍निङ्‌लो॥


आनिॽ तगि नसान् आजोगुम्‍बा ये़म्‍मो खुने़ॽ ताःक्‍पो आजोगुम्‍बा कुइसिक् कुनुप्‍मो थारिक् नसाःन्‍साबा आबोङ्‌ने़ फाॽग्र ख्रिस्‍ते़न्‍नु लक्‍के़घोबा आबोःक्‍खे़आङ् आवाॽरो॥


पित्ते़ल्‍ले़ आबाङे कुन्‍दाङ्‌बे़न् कुसिङ् निःत्तुरो, हे़क्‍क्‍याङ् अदङ्‌ङिल्‍ले़आङ् आबाङे कुन्‍दाङ्‌बे़न् नु कुजाजामा ते़न्‍निन् कुसिङ् निःत्तुरो कर इस्राइलबा आमनाहाॽरे़ आङ्‌गाॽ कुसिङ् मे़न्‍निःत्‍नान्‍लो हे़क्‍क्‍याङ् आङ्‌गाॽ यार चोगुङ्‌सिङ्‌बा पाःन्‍निन् कुसिङ् मे़न्‍निःत्तुल्‍लो॥”


नसानिबा दाङ्‌बा के़गप्‍पा से़वारोबाहाॽरे़ खुनिॽ दाङ्‌बाहाॽ हाराॽ इङ्‌धाङ् खोमा सुम्‍बोधाबा मे़जोक् फाॽआङ् मे़इःत्तुररो॥ खे़ङ्‌हाॽग नसाःन्‍नो खुनिॽ फुॽनुसाॽसिरो॥ खे़ल्‍ले़चोगुल्‍ले़ खे़ङ्‌हाॽरे़ग नुःरिक्‍काङ् खुनिॽ नसानिबा दाङ्‌बाहाॽरे़न् से़वा मे़जोगुररो, थेआङ्‌भे़ल्‍ले़ खुनिॽ याःम्‍बक्‍कोलाम् इन्‍धा के़घोबाहाॽग लुङ्‌माॽ तुक्‍सिङ्‌मनाबा नसानिबा फुॽनुसाॽसिएरो॥ कन् पाःन्‍हाॽ खे़ने़ॽ खे़न् से़वारोबाहाॽ हुॽमासि पोङ् हे़क्‍क्‍याङ् खे़न् पाःन्‍हाॽ चोक् पाङ्‌मासि पोङ्‌लो॥


बा कन् पाःन्‍निल्‍ले़ लागि आनिगे इङ्‌भोसुम्‍बे़बा सुनाइङ्‌लाम् दाङ्‌बा ये़सु ख्रिस्‍तरे़ कुमिमिदिङ्‌ङिन् के़घोसुम्‍ल फाॽआङ् के़उःत्तिबारो॥


खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ के़उःत्तिबा हिङ्‌मन्‍नो सुम्‍बोधासाबा के़बोःक्‍खिनि, हे़क्‍क्‍याङ् खिनिॽ नोनिङ्‌वाॽसोक्, नसाःन्, नु के़जोगुम्‍बा नोयाःम्‍बक्‍हाॽ खुने़ॽ कुमुक्‍साम्‍मिल्‍ले़ कुलिङ्‌दो के़गे़त्ति के़बिरिनि फाॽआङ् आप्‍फाल्‍ले़साङ् चक्‍मे़ल्‍लॽए खिनिॽ निङ्‌वाॽ इःत्तासिगे़र खिनिॽ याःम्‍बोओ तुवा चोगुम्‍बे़ॽरो॥


दाङ्‌बाल्‍ले़ कुयुक्‍लाम्‍बा इङ्‌गाॽ खिनिॽनु कन् सक्‍इङ्‌घङ्‌ङिन् काक् नसानिबाहाॽ निःप्‍मा पाङ्‌घे़म्‍सिम्‍मे़ॽ फाॽआङ् इङ्‌जाङ् पिनिङ्‌लो॥


हे़क्‍केःल्‍ले़ निङ्‌वाॽफुमाङ्‌ङिल्‍ले़ सेगुसिबा मनाहाॽ, सेसे नु साॽरिक् लुङ्‌माॽ तुक्‍तुसिबाहाॽरे़, लुङ्‌दुक्‍किन्, लुङ्‌माॽ तुक्‍सिङ्‌मान्, नोनिङ्‌वाॽइन्, चुङ्‌जिगे़न् नःम्‍नःम् लॽमान् नु नासि थःप्‍मान् चाङ् कुइसिक् चाक्‍सिङ्‌मा पोङ्‌लो॥


कर आल्‍लोग निङ्‌वाॽफुमाङ्‌ङिल्‍ले़ आबाङे कुदगि सेसेसाङ्‌साङ् नु आप्‍तिक् मेःन्‍नेबा चोःक्‍मासि फाॽआङ् ये़सु ख्रिस्‍तरे़ कुसिलाम्‍साक्‍मा सिङ्‌सम्‍दाङ्‌बा कुसिमे़न्‍लाम्‍बा नादङ्‌ङो के़दारिआङ् वाॽरो॥


हे़क्‍क्‍याङ् सदादिङ् पानुदिङ् पा निङ्‌वाॽफुमाङ्‌ङिन् नोगे़न् पिमा पोङ्, खुने़ॽए निङ्‌वाॽफुहाङ्‌जुम्‍ले़न् ओःत्तिओ के़वाॽबा ख्रिस्‍तरे़ कुसेसे मनाहाॽरे़ मे़घोसुबा लक्‍के़घोबा आजोगे़आङ् आवाॽरो॥


हे़क्‍क्‍याङ् आनिगे इनोगे़न् तुक्‍खे च्‍ये़ॽइगे़बा हे़क्‍के खिनिॽआङ् तुक्‍खे के़ज्‍ये़ॽइरो, हे़क्‍केलॽरिक्‍के निङ्‌वाॽफुमाङ्‌ङिल्‍ले़ आःन्‍छिङ्‌मा पिरिगे़बा हे़क्‍के खिनिॽआङ् आःन्‍छिङ्‌मा के़बिरिॽ के़लॽबा आनिगे निङ्‌साङ्‌ङिन् मे़मुन्‍ने़न्‍लो॥


कन् सक्‍इङ्‌घङ्‌ङिङ् कोरन्‍थि ये़क्‌यक्‍को के़ने़बा निङ्‌वाॽफुमाङ्‌ङिल्‍ले़ कुसेसेहुप्‍लक्‍कोबा सेसे कुमनाहाॽ हाक्‍कासिगे़रो॥ खुने़ॽ ख्रिस्‍त ये़सुलाम् के़रे़क् पिसाङ् आनिॽ दाङ्‌बा ये़सु ख्रिस्‍तरे़ कुमिङ् के़लोङ्‌बाहाॽ सेसे चोगुसिबा हे़क्‍केए खिनिॽ सेसे के़जोगिबारो॥ ख्रिस्‍ते़ङ्‌ग खे़ङ्‌हाॽरे़न् नु आनिॽ दाङ्‌बारो॥


खे़ङ्‌हाॽरे़ग अक्‍खे चोःक्‍मा खुनिॽ सिराॽथाङे़आङ् वये़रो॥ से़क्‍खाःल्‍ले़ खे़ङ्‌हाॽरे़ यहुदि नसानिबाहाॽरे़ खुनिॽ हिङ्‌मन्‍नो चाहाबा के़जोःक्‍पा पाःन्‍हाॽ कुभाॽ पिमासि के़बोङ्‌बाए वये़, थेआङ्‌भे़ल्‍ले़ यहुदि नसानिबाहाॽलाम् के़दाबा सुनाइङ्‌ङिल्‍ले़न् याम्‍साम्‍गे़न् मुॽइसाम्‍मिन् थिम्‍मे़न्‍दङ् सुवाङ्‌हाॽरे़ मे़घोसुआङ् मे़वाॽरो॥


कुभा यहुदिहाॽग नुबा जैतुन सिङ्‌बुङ्‌लाम् मे़जे़प्‍तुआङ् लाप्‍मे़भुसुबा सिङ्‌बोराक् कुइसिक् मे़जोक्॥ हे़क्‍क्‍याङ् खिनिॽ थिम्‍मे़न्‍दङ् सुवाङ्‌हाॽ ताम्‍भुङ् जैतुन सिङ्‌बोराक् हे़क्‍के के़जोगिसाङ् नुबा जैतुन सिङ्‌बुङ्‌मोलाम् थुम् नु हिङ्‌मन् खोमा फाॽआङ् खुनिॽ ले़क्‌वा खिनिॽ के़जक्‍कासिआङ् के़वयिॽरो॥


हे़क्‍केलॽरिक्‍के आनिॽ यहुदिसाङ्, थिम्‍मे़न्‍दङ् सुवाङ्‌साङ्, खे़न् सेगुसिबाहाॽग आनिॽएरो॥


हे़क्‍क्‍याङ् थोमाःन् मे़त्तु, “थोमाए, के़हुक्‍चोःन् कॽयो याक्‍ते़ॽ, आहुक्‍हाॽ ओमे़त्ते़ॽ॥ खे़ने़ॽ के़हुक्‍किन् आले़म्‍भेःप्‍मो लाःक्‍किल्‍ले़ मे़धुबुबा कुयोःक्‍को केःत्ते़ॽओ॥ खे़ने़ॽ चप्‍चि मे़जोगे़न्‍ने़ॽ, कर नसान् चोगे़ॽओ॥”


निङ्‌वाॽ हे़त्तासिम्‍मे़ॽ, आइन्‍नाङ्‌धो कन् पाःन्‍निन् नुरिक्‍काङ् निङ्‌वाॽ इःत्ते़म्‍मे़ॽ॥ यहवे दाङ्‌बे़ल्‍ले़ कुहिम् के़जोगुम्‍मिल्‍ले़ लुङ्‌ङिल्‍ले़ कुसम्‍धाङ् लुङ् ने़मानुःल्‍ले़ तगि आक्‍तङ्‌बा ये़म् वये़ निङ्‌वाॽ इःत्ते़म्‍मे़ॽ॥


खे़ङ्‌हाॽरे़ कन् पाःन्‍नो निङ्‌वाॽ मे़इःत्तु खे़ब्‍याङ् खुन्‍छिॽ लायोहाॽलाम् नुःङ्‌मा निःन्‍धो मे़जोगुबाल्‍ले़ चोगुल्‍ले़ खे़ङ्‌हाॽ मे़हिङ्‌ॽ॥ अक्‍तङ्‌बा मनाहाॽ मे़न्‍छिने़न्॥


“खे़ल्‍ले़चोगुल्‍ले़ आल्‍ल, नासिगे़न् थक्‍ला के़गप्‍पा मनाए, मे़दे़म्‍सु मे़देॽरुसिआङ् के़वाॽबा मना ले़ङ्‌सिङ्‌ङे़ॽ॥ मे़दे़म्‍सु मे़देॽरुबा मनाःल्‍ले़ कुमा सुक्‍तुबा यारिक् कुभा चिगक्‌वाहाॽ कक् चोगे़ॽ, हे़क्‍क्‍याङ् कुभा वेॽदे़न्‍नो पेःक्‍मारे़ लागि के़हिम्‍मिन् ले़रे़ॽ॥ मनाहाॽरे़ खुन्‍छिॽ तगिए खे़ने़ॽ कन् चोगे़ॽ हे़क्‍केलॽरिक् खे़ङ्‌हाॽरे़ खे़ने़ॽ निमा के़म्‍सुक्‍ल॥ थेआङ्‌भे़ल्‍ले़ खे़ङ्‌हाॽ अक्‍तङ्‌बा पिफ्‍युङ्‌बासिसाङ्, हाग खे़ङ्‌हाॽरे़ कन् पाःन्‍निन् निङ्‌वाॽ मे़बिरुबि॥


हे़क्‍केलॽरिक् मनाहाॽरे़ मे़निसुआङ् निङ्‌वाॽ मे़इःत्तुररो, हे़क्‍क्‍याङ् कङ्‌ग यहवे दाङ्‌बे़ल्‍ले़ कुहुक्‍किल्‍ले़ चोगुबा याःम्‍बक् इग्र इस्राइलबा सेसे निङ्‌वाॽफुमाङ्‌ङिल्‍ले़ चोगुबा फाॽआङ् नुरिक्‍काङ् कुसिङ् मे़निःत्तुररो॥”


खे़ङ्‌हाॽरे़ खुन्‍छिॽ साभःङ्‌जाहाॽओ अन्‍मे खिङ्‌मनाबा तुङ्‌ना नु तुःङ्‌गे, के नु मुफ्रामा हे़क्‍क्‍याङ् सेजःङ्‌वा वाॽरो, कर खे़ङ्‌हाॽरे़ यहवे दाङ्‌बे़ल्‍ले़ कुयाःम्‍बक्‍किन् खे़म्‍घे़म् निनिआङ् मे़ल्‍लाप्‍तुन्‍लो॥ खे़ङ्‌हाॽरे़ खुने़ॽ कुहुक्‍किल्‍ले़ चोगुबा याःम्‍बक्‍किन् मिङ्‌सो इङ्‌धाङ्‌ङे मे़म्‍बिरुन्‍लो॥


साङ्‌ग्राम्‍पेदाङ्‌ङो के़वाॽबासे, खे़न् मे़गे़बाओ सःत्ते़म्‍मे़ॽओ! निङ्‌वाॽफुमाङ्‌ङिल्‍ले़ सेसे कुमनाहाॽ, सेःक्‌युक्‍मिबाहाॽ हे़क्‍क्‍याङ् माङ्‌निङ्‌वाॽपान् के़बाःप्‍पासे, सःत्ते़म्‍मे़ॽओ! थेआङ्‌भे़ल्‍ले़ खिनिॽ निङ्‌घुम् के़मे़त्तिबाल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ खे़न् खुम्‍दिङ् पिरुआङ् वाॽरो॥”


हे़क्‍क्‍याङ् खे़ङ्‌हाॽरे़ मे़ल्‍लुक्‍साःल्‍ले़ कुदक्‍ले़ङ्‌वाओ थङ् मे़जोगुॽ, कर मे़ल्‍लुक्‍साःल्‍ले़, खुने़ॽ उःत्तुसिबा सेगुसिबा नसाःन्‍साबाहाॽनु सोरिक्, खे़ङ्‌हाॽ नाःन्‍दुसिॽरो, थेआङ्‌भे़ल्‍ले़ मे़ल्‍लुक्‍साःङ्‌ग दाङ्‌बाहाॽरे़ खुनिॽ दाङ्‌बा नु हाङ्‌हाॽरे़ खुनिॽ हाङ्‌लो॥”


खिनिॽ आनिगे़नु सेसे तङ्‌जुम् के़जोगुम्‍ल फाॽआङ् आनिगे निमनाबा नु खे़म्‍मनाबा पाःन्‍हाॽ खिनिॽ मे़त्तासिगे़बारो॥ आनिॽ तङ्‌जुम्‍मिङ्‌ग पानुदिङ् पा निङ्‌वाॽफुमाङ्‌ङिन्‍नु हे़क्‍क्‍याङ् आबुगे़न् कुस्‍सा ये़सु ख्रिस्‍ते़न्‍नु वाॽरो॥


काक् लुङ्‌गुम् के़गप्‍पा निङ्‌वाॽफुमाङ्‌ङिल्‍ले़ ख्रिस्‍ते़न्‍नु सोरिक् मे़न्‍नुप्‍मनाबा कुमिमिदिङ्‌ङिन् लक् के़घोसुम्‍ल फाॽआङ् के़उःत्तिआङ् के़वयिॽरो॥ कर सप्‍फाधिक् इनोगे़न् तुक्‍खे के़ज्‍ये़ॽइआङ् खुने़ॽए खिनिॽ कुलिङ्‌दो के़गे़त्तिॽ हे़क्‍क्‍याङ् थधप् मे़ल्‍लॽमनाबा नु के़धुम्‍बा के़जोगिआङ् मे़म्‍मुम्‍मना ने़म्‍भोओ के़युक्‍खिॽरो॥


आल्‍ल ख्रिस्‍तरे़ इनोगे़न् कुदुक्‍खेःल्‍ले़न् तोःन्‍दि नु ताःन्‍दि ओसेःन्‍दाङ् के़बोङ्‌बा मिमिदिङ्‌ङिल्‍ले़न् लक्‍साबा पोःक्‍खाङ्‌बाल्‍ले़ चोगुल्‍ले़, हे़क्‍क्‍याङ् इङ्‌गाॽआङ् सेसेहुप्‍लक्‍कोबा लत्‍छा तुम् लाम्‍लोबा पोःक्‍खाङ्‌बाल्‍ले़ चोगुल्‍ले़ खिनिॽ तुम्‍लाम्‍लोबाहाॽ पेलि फाक्‍निङ्‌लो—


थेआङ्‌भे़ल्‍ले़ निङ्‌वाॽफुमाङ्‌ङिन् ताःक्‍पो के़जोःक्‍मा उन्‍छेःन्‍समा सेसे मे़न्‍छुमाहाॽरे़आङ् हे़क्‍केलॽरिक्‍के नुमा मे़जोःक्‍सिङ्‌ङाङ् मे़वये़, हे़क्‍क्‍याङ् खे़ङ्‌हाॽ आबाङे हिम्‍साबाहाॽरे़ खुनिॽ युक्‍को मे़वये़रो॥


ख्रिस्‍ते़न् ग के़रे़क् त्‍ये़ चुरे़बा नुबा पाःन्‍हाॽरे़न् मानिङ्‌वाॽफुसाम्‍बा पोःक्‍खे़ल्‍ले़ खुने़ॽग पयम् यम्‍बा नु कुसाङ् के़लबा साङ्‌ग्राम्‍पेदाङ्‌ङोबा निङ्‌वाॽफु साःङ्‌गाहिम्‍मो लासे़रो॥ खे़न् निङ्‌वाॽफु साःङ्‌गाहिम्‍मिन् मे़न्‍छाम् हुक्‍किल्‍ले़ चोःक्‍मनाबा मेःन्‍लो, पाःप्‍माए पोङ्‌ङिल्‍ले़ खे़ङ्‌ग नावागे़न् चइःत्तिल्‍ले़न्‍नाङ् मेःन्‍लो॥


खे़प्‍मोग ये़सुन् आनिॽ लागि तगिसा पेआङ् वाॽरो॥ खुने़ॽग मल्‍किसे़दे़क कुइसिःक्‍पा सदादिङ् के़वाॽबा मानिङ्‌वाॽफुसाम्‍बा पोःक्‍खे़आङ् वाॽरो॥


खे़न् सिबिॽबा पाःन्‍निन् बा कन्‍लो—सुनाइङ्‌लाम्‍बाए थिम्‍मे़न्‍दङ् सुवाङ्‌हाॽ यहुदिहाॽनु सोरिक् युक्‍साबासि, सोरिक् थिक्‍हुप् के़बोङ्‌बासि हे़क्‍क्‍याङ् ख्रिस्‍त ये़सुलाम् के़दाबा निङ्‌वाॽफुमाङ्‌ङिल्‍ले़ कुमाङ्‌हे़क्‍किल्‍ले़न् सोरिक् लक् के़घोबासिरो॥


आनिॽ के़रे़क्‍ले़ लत्‍थिक् खरे़ःङ्‌ङिन् आजाम्‍बाल्‍ले़ चोगुल्‍ले़ आनिॽग यरिक् आवाॽसाङ् लत्‍छा नासिङ्‌गे़न् थक्‍कोबासिरो॥


खे़ङ्‌हाॽरे़ से़क्‍खागे़न् निङ्‌वाॽफुमाङ्‌ङिन् खे़ने़ॽरक् फाॽआङ् कुसिङ् मे़निःत्तुर हे़क्‍क्‍याङ् खे़ने़ॽ के़बाङ्‌घुबा ये़सु ख्रिस्‍ते़न् कुसिङ् मे़निःत्तुर बा खे़न्‍ने मे़न्‍नुप्‍मनाबा हिङ्‌मन्‍लो॥


खे़न् ये़म्‍मो पत्रुसे़न् किप्‍थिक्‍काङ् निबोङ् यारिक् (१२०) नसानिबा लुम्‍मो ये़म्‍सिङ्‌ङाङ्


कन् माङ्‌से़वा याःम्‍बक्‍कोलाम् खिनिॽ आक्‍तङ्‌बा के़जोगिॽ के़लॽबान् वेॽहाॽ ओसेःन्‍गे़धाक्‍तुम्‍सिम्‍माङ् के़वयिॽरो॥ खिनिॽ ख्रिस्‍तरे़ कुसुनाइङ्‌ङिन् नसान् के़जोगुम्‍माङ् इङ्‌जाङ्‌गे़म्‍बा के़बोःक्‍खिबान्, हे़क्‍क्‍याङ् के़गत्तुम्‍बा पाःन्‍हाॽ खिनिॽ निङ्‌वाॽ के़हन्‍दुम्‍माङ् के़रे़क् के़हाःत्तुम्‍सिम्‍बान् मे़निसुबाल्‍ले़ चोगुल्‍ले़ मनाहाॽरे़ निङ्‌वाॽफुमाङ्‌ङिल्‍ले़ कुनारा मे़भोसुॽरो॥


आमिःम् फुॽनुसाॽ नु ने़ॽनुसाॽसे, खिनिॽ लुम्‍मो ताप्‍फे़ःम्‍बा नु नसान् मे़न्‍जोःक्‍मनाबा निङ्‌वाॽबाल्‍ले़ खिनिॽ आजुनि निङ्‌वाॽफुमाङ्‌लाम्‍बा माःङ्‌घा के़न्‍जोगिन्‍ल फाॽआङ् सिङ्‌सिङ् लॽरे़म्‍मे़ॽओ॥


साम्‌योथिम्‍मिल्‍ले़ पान् फेःम्‍मा के़सुक्‍पा मे़न्‍छाम् याप्‍मि मानिङ्‌वाॽफुसाम्‍बाहाॽ सेःक्‌युक् चोगुसि, कर निङ्‌वाॽफुमाङ्‌ङिल्‍ले़ साम्‌योथिम् पिरुसिआङ् एगाङ् माङ्‌हे़क्‍सिङ्‌बा पाःन्‍निल्‍ले़ आबाङे आबुगे़न् कुस्‍सान् सदादिङ्‌ले़ लागि कुलिङ्‌दो के़त्तुआङ् सेःक्‌युक् चोगुरो॥


बा खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ माङ्‌हे़क् चोगुबा मे़न्‍नुप्‍मनाबा लक्‍किन् उःत्तुसिबाहाॽरे़ मे़घोसुर फाॽआङ् ख्रिस्‍ते़न् कुसङ् माङ्‌हुप्‍ले़न् पाःन्‍दङ्‌साबारो, थेआङ्‌भे़ल्‍ले़ खे़ङ्‌हाॽरे़ थिक्‍सिगेःक्‍समा माङ्‌हुप्‍पिल्‍ले़ कुदक्‍ले़ङ्‌वाओ मे़जोगुबा लायोलाम् खे़ङ्‌हाॽ थे़ॽमासि फाॽआङ् खुने़ॽ स्‍ये़बारो॥


खे़ल्‍ले़चोगुल्‍ले़ आमिःम् ने़ॽनुसाॽ नु फुॽनुसाॽसे, आनिॽग साङ्‌ग्राम्‍पेदाङ्‌बा काक्‍नुःल्‍ले़ सेसेबा ते़न्‍नो ये़सुरे़ कुमाक्‍खिॽलाम् हाङ्‌हाङ्‌ङाङ् लाःप्‍मा आघोसुम्‌ॽ॥


हे़क्‍क्‍याङ् आनिॽ आगत्तुम् लॽरिक् ते़न्‍दिङ् आजोगुम्‍बा निङ्‌साङ्‌ङिन् मे़ल्‍ले़त्ते कत्तुम्‍लो, थेआङ्‌भे़ल्‍ले़ माङ्‌हे़क् के़जोःक्‍पाङ्‌ग नसाःन्‍साबा चोक्‍लो॥


फुॽनुसाॽ नु ने़ॽनुसाॽसे, इङ्‌गाॽ साप्‍तुङ्‌बा कन् ताङ्‌सा सक्‍इङ्‌घङ्‌ङो के़बप्‍पा खाहुन्‍हाॽ निङ्‌वाॽबो ताःक्‍ते़म्‍मे़ॽ फाॽआङ् पेलि फाक्‍निङ्‌लो॥


Swiv nou:

Piblisite


Piblisite