हिब्रु 13:9 - लिम्बु9 परिक् परिक्पा कुसङ् निसाम्हाॽओ लाम्मे़बोःत्ते़म्मिन्ने़ॽओ॥ साक्थिम् कुइसिःक्पा चामा थुङ्माल्ले़ग मेःन्, कर निङ्वाॽफु लुङ्गुम्लाम्बाने़ खिनिॽ याम्साम्मिन् के़धुम्बा पोङ्मा नुबा पोङ्लो॥ हे़क्तङ्बा चामा थुङ्मा थिम् के़इःप्पा के़नाःप्पाहाॽरे़ थेआङ् इन्धाःक् मे़ङ्घोसुन्लो॥ Gade chapit la |
थिक् ये़न्निन् वेॽसमा ये़न्नुःल्ले़आङ् के़ये़क्पा चोक् लॽरिक् के़इःप्पाल्ले़ दाङ्बान् इङ्धाङ् पिमारे़ लागि हे़क्के चोगुॽ॥ सा के़जाबाल्ले़ दाङ्बान् इङ्धाङ् पिमारे़ लागि हे़क्के चोगुॽ, थेआङ्भे़ल्ले़ खे़ल्ले़ निङ्वाॽफुमाङ्ङिन् नोगे़न् पिरुॽरो॥ सा मे़न्जाःम्नाबाल्ले़ दाङ्बान् इङ्धाङ् पिमारे़ लागि हे़क्के चोगुॽ, हे़क्क्याङ् खे़ल्ले़आङ् निङ्वाॽफुमाङ्ङिन् नोगे़न् पिरुॽरो॥
आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥
खे़ङ्हाॽग खिनिॽ सेसेहुप्लक्को सोरिक् चुम्माआङ् चाःमनाबा साभाङ्जा के़जिःम्बासिरो, थेआङ्भे़ल्ले़ खे़ङ्हाॽरे़ वेॽहाॽ ओमे़म्मे़त्छिङ्ङे आबाङेरक् मे़ज मे़धुङ्ङुॽरो॥ खे़ङ्हाॽग सुरित् केजङ्ङिल्ले़ पक्खु तेॽरुबा च्वाःत् मेःन्नेबा खाम्दःम्बा नु सिङ्सेॽ मे़न्धोःक्मनाबा सिङ्बुङ् कुइसिक् मे़जोक्॥ खे़ङ्हाॽ के़सिबा सिङ्बुङ् हे़क्केरक् मेःन् कर के़आःक्पाआङ् के़हेबा के़सिबा सिङ्बुङ् कुइसिक् मे़जोक्लो॥
आमिःम् आन्जुम्से, आनिॽ के़रे़क्ले़ आघोसुम्बा से़न्लप्रे़ कुयाःम्बेओ खिनिॽओ सक्इङ्घङ् हाङ्मा साॽरिक्के इङ्गाॽ आसिराॽ थाङे़आङ् वये़रो॥ कर खे़ल्ले़ कुले़क्वा निङ्वाॽफुमाङ्ङिल्ले़ सेसे कुमनाहाॽ सदादिङ्ले़ लागि हुक्सुप्तुसिबा नसाःन्निन् इङ्ले़क्के सिक्साम्बाहाॽलाम्बा ताङ्गे़से़ःप्तुम्ल फाॽआङ् कन् सक्इङ्घङ्ङिन् साप्माए के़बोङ्बा निसुङ्लो॥
वेॽहाॽरे़ मे़बाःत्तु, “कुजाःङ्ग साप्पोःक्पाल्ले़ कुलागिरो, हे़क्क्याङ् सापोःक्पे़न् कुजाःल्ले़ लागिरो॥” कर निङ्वाॽफुमाङ्ङिल्ले़ खे़ङ्हाॽ ने़प्माङ् मे़क्खुसिॽरो॥ नासिङ्गे़न् थक्किङ्ग याम्बोःप्मा याःम्बक्किल्ले़ लागि मेःन्लो, कर दाङ्बाल्ले़ कुलागिरो॥ हे़क्क्याङ् नासिङ्गे़न् थक्किल्ले़ कुलागि चाहाबा के़जोःक्पा पाःन्हाॽ दाङ्बाल्ले़ हिसु तङ्घुरो॥