खिनिॽ लाम्लोबाहाॽरे़ के़म्मे़त्तिबा पाःन्निन् खे़प्से़म्मे़ॽ, हे़क्क्याङ् खुनिॽ युक्को वये़म्मे़ॽओ॥ खे़ङ्हाॽरे़ खिनिॽ कम्ब्राङ् के़म्मे़त्तिआङ् निङ्वाॽफुमाङ्ङो लक्पे़न्साबा मे़बोङ्लो॥ हे़क्केलॽरिक् खे़ङ्हाॽरे़ खे़न् याःम्बक्किन् मे़सःत्ल निङ्वाॽ मे़न्दुक्के मे़जोगुररो॥ खे़ङ्हाॽरे़ खुनिॽ निङ्वाॽ के़दुक्सुम् के़बिरुम्सिम्ने़ फाॽग्र खिनिॽ लागि थेआङ् इन्धाःक् मे़बोङ्ने़ल्लो॥
हिब्रु 13:7 - लिम्बु7 निङ्वाॽफु पाःन्जाक् के़हुॽबा खिनिॽ लाम्लोबाहाॽ निङ्वाॽ इःत्ते़म्सिम्मे़ॽओ॥ खुनिॽ हिङ्मन्नोबा नुबा पाःन्हाॽ निङ्वाॽ इःत्ते़म्मे़ॽआङ् नसान् मे़जोगुबा कुइसिःक्के खिनिॽआङ् चोगे़म्मे़ॽओ॥ Gade chapit la |
हिब्रु 13:7
27 Referans Kwoze
आनिगे निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मेःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसान् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
हे़क्क्याङ् मे़ल्लुक्साःल्ले़ ङासिगेक्पा एःप्साप्पिन् फाःक्खुल्ले़ निङ्वाॽफु पाःन्जाक्किन् नु ये़सुरे़ कुयाःम्बेओ मे़बाःत्तुबा पाःन्नो नसाःन्साबा मे़जोगे़बाल्ले़ चोगुल्ले़ मे़से़रुसिबा मे़न्छाम् याप्मिहाॽरे़ खुनिॽ याम्साम्हाॽ इङ्गाॽ ले़त्ति तोःम्मादे़न्निल्ले़ कुसिगाङ् निसुङ्सिङ्लो॥
हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
इङ्गाॽ युहुन्नान् नसाःन्नो खिनिॽ फुॽआरो॥ ख्रिस्त ये़सुन् नसान् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाबा मे़जोगाङ् मे़देॽराङ्ङाङ् वयाङ्॥
खिनिॽ हिङ्मन्नो के़दाबा काक् हङ्साॽमाहाॽ मे़न्छाम् याप्मिलुम्मो के़दाबा कुइसिक् चोक्लो॥ निङ्वाॽफुमाङ्ङिङ्ग नसाःन्साबा चोक्लो॥ खुने़ॽग खिनिॽ थम्मा के़न्छुक्तुम्मिम्बा हङ्साॽमाओ थाःमा के़म्बाङ्घिन्लो॥ कर थम्मा के़सुक्तुम्ल फाॽआङ् खिनिॽ हङ्साॽमाओ के़ध्ये़ॽइल्ले़ खुने़ॽए खे़प्मोलाम् ताङ्से़ःप्सिङ्मा लाम्माङ् के़बिरिॽरो॥
कर पावल नु बरनाबासे़न् मे़ङ्गिए अक्खेलॽरिक् पारे़त्छि, “निङ्वाॽफु पाःन्जाक्किङ्ग काक्नु तगि खिनिॽ यहुदिहाॽनु पाःप्मा के़बोङ्बा वये़, कर खिनिॽए कन् के़नाॽरुम्लो॥ हे़क्क्याङ् मे़न्नुप्मनाबा हिङ्मन् खोमा सुम्बोधासाबा मे़म्बोङ्मा फाॽआङ् खिनिॽ ओसेःन्गे़धाक्तुम्लो॥ खे़ल्ले़चोगुल्ले़ आल्ल आनिगे खिनिॽलाम् लःन्दिगे़आङ् थिम्मे़न्दङ् सुवाङ्हाॽओ पेगिगे़ॽरो॥
पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिक् पाःत्तुर, वेॽहाॽ से़वा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ से़वा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्नेरो॥ आमे़न्॥
Piblisite