हिब्रु 13:5 - लिम्बु5 याङ्साकुन्धे थक्माओ स्याङ्पे़न्दाङ् मे़बत्छे़म्मिन्ने़ॽओ, कर के़गत्तुम्बा पाःन्हाॽओए खिनिॽ निङ्वाॽ तासे़म्मे़ॽओ, थेआङ्भे़ल्ले़ निङ्वाॽफुमाङ्ङिल्ले़ पाःत्तुआङ् वाॽ, “इङ्गाॽ आप्फाल्ले़आङ् मे़ले़त्निङ्ङिन्, आप्फाल्ले़आङ् मे़नाॽनिङ्ङिन्लो॥” Gade chapit la |
हिब्रु 13:5
46 Referans Kwoze
दाउदरे़ कुस्सा सोलोमने़न् अक्खेआङ् मे़त्तु, “के़धुम्बा नु हाङ्हाङ् के़लॽबा पोःक्खे़ॽ हे़क्क्याङ् कन् याःम्बक्किन् चोगे़ॽ॥ मे़गिसे़न्ने़ॽ हे़क्क्याङ् के़निङ्साङ् मे़बुगे़न्ने़ॽ, थेआङ्भे़ल्ले़ यहवे दाङ्बा निङ्वाॽफुमाङ्, आङ्गाॽ आनिङ्वाॽफुमाङ्ङिन् खे़ने़ॽनु वाॽ॥ यहवे दाङ्बे़ल्ले़ कुहिम्मोबा कुमाङ्सेवा याःम्बक्किल्ले़ लागि के़रे़क् चाहा के़जोःक्पा याःक्बक्हाॽ खे़ने़ॽ मे़न्जोक् मे़न्छुःत्ते थारिक् खुने़ॽ के़न्नाॽने़न् हे़क्क्याङ् लाप्पाङ् के़म्भुने़न्॥
“खे़ल्ले़चोगुल्ले़ इङ्गाॽ खिनिॽ मे़त्निङ्, कन् ने़त्तिगे़न् हिङ्मन्नो थेःन् चामा थुङ्मा बे फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ, हे़क्केलॽरिक्के कन् नासिङ्गे़न् थक्कोआङ् थेःन् चाङ्मा वाःप्माबे फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ॥ ने़त्तिगे़न् हिङ्मन्निन् चामा थुङ्मानुःल्ले़ हे़क्क्याङ् नासिङ्गे़न् थक्किन् चाङ्मा वाःप्मानुःल्ले़ नुबा मे़जोःक्ने़न्बि?
खे़ल्ले़चोगुल्ले़ मे़न्छुमाॽ नु ये़म्बित्छाॽहाॽ चाराम्मा पाःन्निन्, चिःन्जिन्बा के़जोःक्पा याःम्बक्, चाराम्मा निङ्वाॽ चोःक्मान्, फे़न् याःम्बक् चोःक्मान् नु खिःम्यक् चोःक्मान् हे़क्तङ्बा नासिङ्गे़न् थक्कोबा ये़प्ले़क्हाॽग नावाइत्लान् माङ्घःम्नाबारो॥ खिनिॽ खे़न् काक् युक्ते़म्मे़ॽओ॥
हे़क्केलॽरिक् आङ्गाॽ आमनाहाॽ ये़क्ये़क्पा मे़ले़ङ्सिङ्ङाङ् खे़ने़ॽ के़दगि मे़युङ्सिङ्ॽ॥ खे़ने़ॽ के़बाःन्हाॽ खे़ङ्हाॽरे़ मे़घे़प्सुॽ, कर खे़ङ्हाॽरे़ खे़ने़ॽ के़बाःत्तुबा हे़क्के चोःक्मा निङ्वाॽ मे़ङ्गत्तुन्ॽ॥ खे़ङ्हाॽरे़ खुन्छिॽ मुरान् मुर्ले़ःम्बा पाःन्निल्ले़ के़दिम्बा चोक्, हे़क्क्याङ् खे़ङ्हाॽरे़ याङ् खोमारक् निङ्वाॽ मे़जोगु॥
खे़ङ्हाॽरे़ खुनिॽ मिक्किल्ले़ ताप्फे़ःम्बा याम्दादाबा चाराम्मा याःम्बक्हाॽ मे़जोगुआङ् आक्खे़न् लायो मे़जोगुसाङ् खुनिॽ निङ्वाॽ मे़दाने़न्लो॥ खे़ङ्हाॽरे़ कुदोःप्मा मनाहाॽ लायोओ मे़धासुसिॽ॥ खे़ङ्हाॽरे़ग खिःम्मा याःम्बक् चोःक्मा साॽरिक् मे़ले़स्सुॽरो॥ खे़ङ्हाॽग निङ्वाॽफुमाङ्ङिल्ले़ कुसाङ्ग्रारे़ ते़त्तुसिबा मनासिरो॥
थेआङ्भे़ल्ले़ याम्बोःप्मा याःम्बक् के़जोःक्पा, आजिःन्जिःम्बा याःम्बक् के़जोःक्पा नु खिःम्ब्राक्पा आत्तिन्हाॽरे़आङ् ख्रिस्त नु निङ्वाॽफुमाङ्ङिल्ले़ खुन्छिॽ हाङ्जुम्मो लक् मे़ङ्घोसुन् फाॽआङ् खिनिॽ नुरिक्काङ् कुसिङ् के़निःत्तुम्मेरो॥ खे़न् खिःम्ब्राक्पाङ्ग नावाइत्ला से़वा के़जोःक्पाएरो॥
खुनिॽ खिःम्ब्राक्मो कन् इङ्ले़क्के सिक्साम्बाहाॽरे़ खुनिॽ निङ्वाॽ तादाबा इङ्ले़क्पा पाःन्हाॽ मे़जोगुआङ् खिनिॽ इङ्गे़म्ले़क्तिआङ् इन्धाःक् मे़धगु॥ निङ्वाॽफुमाङ्ङिल्ले़ खे़ङ्हाॽरे़ खुनिॽ खुम्दिङ्ङिन् तगिसा खासे़न् चोगुआङ् वाॽ, हे़क्क्याङ् खुनिॽ मे़क्मे़न् निःन्धो पोःक्खे़आङ् वाॽरो॥
कर आल्ल इङ्गाॽ खिनिॽ अक्खेलॽरिक् सक्इङ्घङ् साप्तुङ्ङाङ् हाक्निङ्ल पत्तारो, आत्तिल्ले़ आबाङे नसानिबा नुसाॽआ लॽरिक् पाःत्तुआङ् चाराम्मा याःम्बक् चोगुॽ, खिःम्यक्पा चोक्, नावाइत्लाहाॽ से़वा चोगुॽ, मना इङ्दो मे़त्तुसिॽ, थिमसाङ् नु इङ्ले़क्पा चोक् हे़क्तङ्बा मनाःङ्ग चुम् मे़लेःत्ते़म्मिन्ने़ॽओ॥ हे़क्क्याङ् हे़क्तङ्बा मनाःन्नु सोरिक् चाआङ् मे़जे़म्मिन्ने़ॽओ॥
आल्ल नाप्मनासिबा याङ्सा कुन्धेहाॽओ बेबिलोनिया लाजेॽओबा लत्छा नुबा लगेःत्, किप् ने़त्छि सेकेल यारिक् के़लिःप्पा युप्पा नु ङाबोङ् सेकेल यारिक् के़लिःप्पा लत्छा साम्म्याङ् तक्कात् थिक् आङ्गाॽ निसुङ्, खे़ब्याङ् आङ्गाॽ आमिक् लासे़आङ् खे़ङ्हाॽ आङ्गाॽ तेॽरुङ्॥ खे़ङ्हाॽ आङ्गाॽ आसाःङ्गाहिम् लुम्मो खाम्बाङ् सिगाङ् लुप्तुङ्ङाङ् याक्, हे़क्क्याङ् के़रे़क्नुःल्ले़ मु युप्पान् याक्॥”
आङ्गाॽ मिक्फःम्बाहाॽ खे़ङ्हाॽरे़ मे़न्निसुम्बा लाम्मो लाम्लोसुङ्सिङ्लो॥ खे़ङ्हाॽरे़ कुसिङ् मे़न्निःत्तुम्बा लाम्मिन् खे़ङ्हाॽ ओसेःन्धाक्तुङ्सिङ्लो॥ आङ्गाॽ खे़ङ्हाॽरे़ खुन्छिॽ तगि खागे़माक्पे़न् खागे़ओःप्पा चोगुङ्लो हे़क्क्याङ् पाक्लुम् उःक्चम् के़लॽबा ते़न्हाॽ ले़प्पे़प्पा तङ्सुङ्लो॥ आङ्गाॽ कन् याःम्बक्हाॽ चोगुङ्लो, आङ्गाॽ खे़निॽ मे़ले़त्ने़न्निङ्लो॥
Piblisite