हिब्रु 13:4 - लिम्बु4 ते़न्धाम्गे़न् मेःक्खिम्मिन् के़रे़क् मनाहाॽरे़ मिङ्सो इङ्धाङ् मे़बिरुबा पोङ्मा पोङ्लो॥ हे़क्क्याङ् मेःत् ये़म्बाॽ लुम्मो नसाःन्साबा पोङ्मा पोङ्लो॥ थेआङ्भे़ल्ले़ निङ्वाॽफुमाङ्ङिल्ले़ चाराम्मा याःम्बक् के़जोःक्पा नु के़रे़क् परिक्ले़न् ताप्फे़ःम्बा याःम्बक् के़जोःक्पाहाॽ खासे़न् चोगुसिॽरो॥ Gade chapit la |
हिब्रु 13:4
33 Referans Kwoze
वेॽहाॽरे़ मे़जोगु मे़जबान् ओमे़प्मा मे़न्छुक्तुन्, थिःल्ले़ मसिङ्मा निङ्वाॽ मे़जोगुॽ, याम्दादा फे़न् याःम्बक् मे़जोगुॽ, हे़क्क्याङ् बाहे़क्तङ्बा वेॽ याःम्बक्हाॽ मे़जोगुॽरो॥ तगिबा कुइसिक् साम्दिङ् पिनिङ्लो, अक्तङ्बा याःम्बक् के़जोःक्पाहाॽरे़ निङ्वाॽफुहाङ्जुम्मो लक् खोमा मे़न्छुक्तुन्लो॥
ताप्फे़ःम्बा याःम्बक् के़जोःक्पाहाॽरे़ निङ्वाॽफुहाङ्जुम्मिल्ले़न् लक् मे़ङ्घोसुन् के़लॽबा पाःन्निन् निङ्वाॽ मे़ङ्घोए के़वयिॽबि? इङ्ले़क्को मे़ध्ये़म्मिन्ने़ॽओ॥ फे़न् याःम्बक् के़जोःक्पाहाॽ, नावाइत्ला माङ्गे़घबाहाॽ, चाराम्मा याःम्बक् के़जोःक्पा के़जोःक्माहाॽ, के़त्निबा के़त्निमाहाॽ, मे़न्छुमाॽ मे़न्छुमाॽइन्नु हे़क्क्याङ् ये़म्बित्छाॽ ये़म्बित्छाॽइन्नु के़इम्बा,
थेआङ्भे़ल्ले़ याम्बोःप्मा याःम्बक् के़जोःक्पा, आजिःन्जिःम्बा याःम्बक् के़जोःक्पा नु खिःम्ब्राक्पा आत्तिन्हाॽरे़आङ् ख्रिस्त नु निङ्वाॽफुमाङ्ङिल्ले़ खुन्छिॽ हाङ्जुम्मो लक् मे़ङ्घोसुन् फाॽआङ् खिनिॽ नुरिक्काङ् कुसिङ् के़निःत्तुम्मेरो॥ खे़न् खिःम्ब्राक्पाङ्ग नावाइत्ला से़वा के़जोःक्पाएरो॥
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
कल्ले़चोगुल्ले़ निङ्वाॽफुसाम्बा हिल्कियाह, अहिकाम, अक्बोर, सापान नु असायाहन् हुल्दा मिङ् के़वाःप्मा मे़न्छुमाधिक्को पाःन्सेःन्दोसे़ मे़बे॥ खे़न् मे़न्छुमान् यरुसले़ःम्मिल्ले़ कुसङ् कुलक्को के़युङ्मा माङ्निङ्वाॽपान् के़बाःप्मा वये़॥ (तिक्भाःल्ले़ कुस्सा नु हरहसरे़ कुम्मे़न्छाॽ सल्लुमे़न् हुल्दाःल्ले़ कुये़म्बा वये़ हे़क्क्याङ् सल्लुमरे़ माङ्हिम्मोबा तेत्चाङ्हाॽ ओमे़प्मा चोःक्मा याःम्बक् चोगु॥) खे़ङ्हाॽरे़ के़रे़क् पाःन्हाॽ हुल्दाःन् मे़जे़क्तु॥
Piblisite