हिब्रु 13:16 - लिम्‍बु

¹⁶ आल्‍ल नुबा याःम्‍बक् चोःक्‍मा नु कम्‍ब्राङ् मे़त्‍छिङ्‌मा कुभाॽ पिसिङ्‌मा निङ्‌वाॽ मे़भेःत्‍छे़म्‍मिन्‍ने़ॽओ, थेआङ्‌भे़ल्‍ले़ अक्‍तङ्‌बा सिदुङ्‌जभाःल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ तासुरो॥

हिब्रु 13:16 Referans Kwoze

२ थिस्‍सलोनिकि 3:13

कर फुॽनुसाॽ नु ने़ॽनुसाॽसे, निङ्‌साम्‍मो खिनिॽ के़वयिसाङ् सुयाःम्‍बक् चोःक्‍मा आप्‍फाल्‍ले़आङ् मे़नासे़म्‍मिन्‍ने़ॽओ॥

रोमि 12:13

निङ्‌वाॽफुमाङ्‌ङिल्‍ले़ सेसे कुमनाहाॽ खुनिॽ चायोःम्‍बोओ कुभाॽ पिरे़म्‍सिम्‍मे़ॽ, तरे तोसे़म्‍सिम्‍मे़ॽओ॥

गलाति 6:10

खे़ल्‍ले़चोगुल्‍ले़ आनिॽ सुये़म् आघोसुम्‍मिल्‍ले़ काक् मनाहाॽ नुरिक् मे़प्‍मासि पोङ्‌लो॥ कुनो-कुबिॽओग आनिॽ नसानिबा हिम्‍सयङ्‌हाॽ नुरिक् मे़प्‍मासि पोङ्‌लो॥

हिब्रु 6:10

निङ्‌वाॽफुमाङ्‌ङिल्‍ले़ग नुःरिक्‍काङ् खासे़न् चोगुॽरो—हे़क्‍क्‍याङ् खुने़ॽ कुमनाहाॽ तगि कुभाॽ के़बिरुम्‍सिम्‍मिल्‍ले़ खुने़ॽ ओसेःन्‍दाङ् के़जोगुम्‍बा मिःम्‍जिन् खुने़ॽ निङ्‌वाॽ मे़भुःत्‍छुन्‍लो॥ खे़ङ्‌ग आल्‍लो थारिक्‍काङ् के़जोगुम्‍ल के़वयिॽरो॥

१ तिमोथि 6:18

हे़क्‍क्‍याङ् खे़ङ्‌हाॽ हाराॽ नुबा याःम्‍बक् के़जोःक्‍पा मे़बोङ्‌ल हे़क्‍केलॽरिक् वेॽहाॽनु हामा चामा खुनिॽ निङ्‌वाॽ मे़हन्‍दुर, सुयाःम्‍बक् मे़जोगुर लॽरिक् इङ्‌जाङ् पिरे़से़ॽओ॥

फिलिप्‍पि 4:18

कन् ये़म्‍मो इङ्‌गाॽ चाहाबा चोगाङ्‌बान्‍नुःल्‍ले़आङ् यरिक् पाःन्‍हाॽ खोसुङ्‌ङाङ् वाॽआरो॥ इपाफ्रोदितसरे़ कुहुक्‍कोलाम् के़हाङुम्‍बान् निङ्‌वाॽफुमाङ्‌ङिल्‍ले़ ताःक्‍तुबा नु कुनिङ्‌वाॽ तासुबा कुनाम् के़नुॽबा सिदुङ्‌जभा कुइसिःक्‍पा कुभाॽ याङ्‌ङिन् इङ्‌गाॽ खोसुङ्‌ङाङ् वाॽआरो॥

एफिसि 4:28

के़घुःम्‍बाल्‍ले़ आल्‍लआङ्‌धो खुःप्‍मा मे़नुॽने़न्‍लो, कर खे़ल्‍ले़ मे़ङ्‌गप्‍मनाबाहाॽ पिमा सुक्‍तुसिर फाॽआङ् याम्‍बुधिक्‍काङ् नुबा याःम्‍बक् चोःक्‍माए पोङ्‌लो॥

१ थिस्‍सलोनिकि 5:15

खिनिॽ आत्तिल्‍ले़आङ् ताप्‍फे़ःम्‍बाल्‍ले़ कुले़क्‌वा ताप्‍फे़ःम्‍बा मे़जोगे़म्‍मिन्‍ने़ॽ, कर खिनिॽ लुम्‍मो हे़क्‍क्‍याङ् वेॽहाॽनुआङ् नुबा मे़त्‍छिङ्‌मा सदादिङ् तम्‍सिङ् चोगे़म्‍मे़ॽओ॥

लुका 18:22

ये़सुरे़ खे़न् खे़प्‍सुआङ् मे़त्तु, “आल्‍लसाङ् खे़ने़ॽ याःम्‍बक्‍थिक् चोःक्‍मा के़गत्तुॽरो॥ खे़ने़ॽ के़गत्तुबान् के़रे़क् सङ्‌घे़देसे़ॽ हे़क्‍क्‍याङ् याङ्‌गे़साॽबाहाॽ पिरे़से़ॽओ॥ हे़क्‍केलॽरिक् साङ्‌ग्राम्‍पेदाङ्‌ङो याङ्‌साकुन्‍धे के़घोसुॽरो॥ हे़क्‍क्‍याङ् फे़रे़ॽआङ् इङ्‌गाॽ तिम्‍दाङ्‌ङे़ॽओ॥”

निङ्‌वाॽफु साम्‍लोसुम् 37:3

यहवे दाङ्‌बान् ताःक्‍पो चोगे़ॽआङ् वेॽहाॽ नुरिक् मे़त्ते़से़ॽओ, हे़क्‍केलॽरिक् लाजेॽओ के़युङ्‌ङाङ् से़ःप्‍सिङ्‌मा के़घोसुरो॥

३ युहुन्‍ना 1:11

आमिःम् आन्‍जुम्‍मे, ताप्‍फे़ःम्‍बा याःम्‍बक्‍हाॽरे़न् मेःन्, कर नुबा याःम्‍बक्‍हाॽरे़न् चोःङ् के़इःप्‍पा पोःक्‍खे़ॽओ॥ हाःत्‍ले़ नुबा याःम्‍बक्‍हाॽ चोगुॽ खे़न् निङ्‌वाॽफुमाङ्‌ङिल्‍ले़ कुस्‍सारो॥ हाःत्‍ले़ ताप्‍फे़ःम्‍बा याःम्‍बक्‍हाॽ चोगुॽ खे़ल्‍ले़ निङ्‌वाॽफुमाङ्‌ङिन् मे़न्‍निए वाॽरो॥

गलाति 6:6

पाःन्‍जाक् के़हुॽसिङ्‌बाल्‍ले़ खुने़ॽ कत्तुबा काक् नुबा पाःन्‍हाॽ कुसिक्‍साम्‍बाहाॽनु हामा पोङ्‌लो॥

फिलेमोन 1:6

खे़ने़ॽ के़नसाःन्‍निन् वेॽहाॽ के़जे़क्‍तुसिल्‍ले़ ख्रिस्‍तरे़ आबिरे़बा काक् मुॽइसाम्‍हाॽ नुरिक्‍काङ् कुसिङ् निःप्‍मा के़सुक्‍तुर फाॽआङ् तुवा चोःक्‍कारो॥

फिलिप्‍पि 4:14

हे़क्‍केसाङ् खिनिॽ इनोगे़न् आदुक्‍खेओ कुभाॽ याप्‍मि के़बिरिबान् नुबाए के़जोगुम्‍लो॥

सेःक्‌युक्‍मिबाहाॽ 9:36

हे़क्‍क्‍याङ् जोप्‍पा ये़क्‌यक्‍को तबिता मिङ् के़वाःप्‍मा हुॽसाम्‍मा थिक् वये़॥ (खे़ल्‍ले़ कुमिङ् ग्रिक्‍को दोरकास वये़—खे़न् फाॽइन् पे़ःङ्‌वा पोङ्‌लो॥) खे़न् सदादिङ् वेॽहाॽरे़ लागि नुबा याःम्‍बक् के़जोःक्‍मा नु याङ्‌गे़साॽबाहाॽ के़भाॽमा वये़रो॥

निङ्‌वाॽफु साम्‍लोसुम् 51:19

खे़ब्‍याङ् नुबा निङ्‌वाॽलाम्‍बा तोःम्‍मनाबा, मिधिङ्‌मनादेमनाबा सिदुङ्‌जभाहाॽ के़सिराॽ थाङ्‌लो, के़रे़क् मिधिङ्‌मनादेमनाबा सिदुङ्‌जभाहाॽ हे़क्‍क्‍याङ् से़गम्‍बाहाॽरे़न् सिदुङ्‌जभान् खे़ने़ॽ के़लागि ले़त्ति तोःम्‍मादे़न्‍नो याम्‍मो तोःन्‍दुम्‍बे़रो॥