हिब्रु 12:6 - लिम्‍बु

⁶ थेआङ्‌भे़ल्‍ले़ आत्तिन् यहवे दाङ्‌बाल्‍ले़ लुङ्‌माॽ तुक्‍तुॽ, खे़न् हे़न्‍थिम् याक्‍तुॽ, हे़क्‍क्‍याङ् खुने़ॽ ते़न्‍दिङ् चोगुबा आत्तिन् कुस्‍सान्‍छाङ् खुम्‍दिङ् पिरुॽरो॥”

हिब्रु 12:6 Referans Kwoze

सुफो 3:19

इङ्‌गाॽ लुङ्‌माॽ तुक्‍तुङ्‌सिङ्‌बाहाॽ फे़ःक्‍तुङ्‌सिङ्‌ङाङ् तोःन्‍दुङ्‌सिङ्‌लो॥ हे़क्‍केःल्‍ले़ खिनिॽ नुबा याःम्‍बक् चोःक्‍माओ सिक्‍के़सम्‍बा पोःक्‍खे़म्‍मे़ॽओ॥ खिनिॽ लायोलाम् हिन्‍दे़म्‍मे़ॽओ॥

खाहुन् 3:12

थेआङ्‌भे़ल्‍ले़ यहवे दाङ्‌बे़ल्‍ले़ हात् लुङ्‌माॽ तुक्‍तुॽ खुने़ॽ खे़न्‍ने हे़न्‍थिम् याक्‍तुरो॥ हे़क्‍केलॽरिक्‍के पानुदिङ् पाःल्‍ले़ लुङ्‌माॽ तुक्‍तुबा आबाङे कुस्‍सान् हे़न्‍थिम् पिरुरो॥

निङ्‌वाॽफु साम्‍लोसुम् 119:75

यहवे दाङ्‌बाए, के़घासे़न्‍हाॽ साम्‌योबा चोक् फाॽआङ् आङ्‌गाॽ निसुङ्‌लो, नसाःन्‍साबा के़जोःक्‍पाल्‍ले़ चोगुल्‍ले़ए के़घुम्‍साङ्‌बा फाॽआङ् कुसिङ् निःत्तुङ्‌लो॥

खाहुन् 13:24

कसिक्‍पा मे़न्‌याक्‍मनाबा पाःल्‍ले़ कुस्‍सान् चिःत्तुरो, कर कुस्‍सान् लुङ्‌माॽ के़दुक्‍पा पाःल्‍ले़ सिङ्‌सिङ् ये़क्‌ये़क्‍काङ् खे़न् हे़न्‍थिम् याक्‍तुरो॥

निङ्‌वाॽफु साम्‍लोसुम् 94:12

यहवे दाङ्‌बाए, आत्तिन् मनान् निसाम् के़बिरु, खे़न् मनान् पसःत्‍सःत्‍लो, थेआङ्‌भे़ल्‍ले़ खे़न् साम्‌योथिम् के़हुॽरुरो॥

२ सामुए़ल 7:14

आङ्‌गाॽ खे़ल्‍ले़ कुम्‍बा पोङ्‌ङाॽ, हे़क्‍क्‍याङ् खे़न् आङ्‌गाॽ आबुगे़न् आस्‍सा पोङ्‌ॽ॥ खे़ल्‍ले़ लायो चोगुने़भग्र मनाहाॽरे़ खुन्‍छिॽ साहाॽ तक्‍काःत्तिल्‍ले़ मे़घुम्‍सुसिबा कुइसिक् आङ्‌गाॽ खे़न् खुम्‍सुङ्ॽ॥

यर्मिया 10:24

यहवे दाङ्‌बाए, खे़ने़ॽ के़मनाहाॽ के़घासे़न् कुइसिक् तोःन्‍दे़से़ॽओ॥ खे़ने़ॽ के़सिक् पोःक्‍मो आनिगे खुम्‍दिङ् आम्‍बिरे़न्‍ने़ॽओ, मेःन्‍ने़भग्र आनिगे हदॽ मे़गिगे़रो॥

साम्‌योथिम् इङ् 8:5

खिनिॽ कन् पाःन्‍निन् कुसिङ् निःप्‍मा पोङ्‌ॽ, मनाःल्‍ले़ आप्‍फेक् कुस्‍सान् हे़न्‍थिम् याक्‍तुबा कुइसिक् यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ हे़न्‍थिम् के़याक्‍तिॽ॥

याकुब 1:12

इनोगे़न् तुक्‍खेन् नासि के़धःप्‍पे़ङ्‌ग मुॽइसाबारो, थेआङ्‌भे़ल्‍ले़ खे़न् निङ्‌वाॽसाॽमाओ थाःल्‍ले़ कुलिङ्‌दो के़गे़प्‍पा पोःक्‍खे़आङ् निङ्‌वाॽफुमाङ्‌ङिल्‍ले़ खुने़ॽ मिःम्‍जि के़मे़प्‍पाहाॽ पिमासि फाॽआङ् माङ्‌हे़क् चोगुबा मे़न्‍नुप्‍मनाबा हिङ्‌मन्‍ले़न् तिचःन् खे़ल्‍ले़ खोसुॽरो॥

निङ्‌वाॽफु साम्‍लोसुम् 119:71

तुक्‍खे लाक्‍खे तुमुङ्‌बान् नुबै पोःक्‍खे़रो, थेआङ्‌भे़ल्‍ले़ खे़ल्‍ले़ग के़इङ्‌जाङ्‌हाॽ आङ्‌गाॽ हुॽसिङ्‌मा पाङ्‌घाङ्‌लो॥

याकुब 5:11

ओमे़त्ते़म्‍मे़ॽ, इनोगे़न् तुक्‍खेओ नासि के़धःप्‍पाहाॽग मुॽइसाबासि फाॽआङ् आइःत्तुम्‍सिम्‍लो॥ अयुबरे़ कुनासि थःप्‍माङ्‌ग खिनिॽ के़घे़प्‍सुम्‍माङ् के़वयिॽ, हे़क्‍क्‍याङ् कुनुप्‍मो दाङ्‌बाल्‍ले़ नुबा पाःन्‍हाॽ तारु पिरुबान् के़निसुम्‍माङ् के़वयिॽरो॥ दाङ्‌बाङ्‌ग मिःम्‍जि नु लुङ्‌दुक् कुधिम् चोक्‍लो॥

यसैया 27:9

आम्‍भा कल्‍ले़ए इस्राइलबा मनाहाॽरे़ खुन्‍छिॽ लायोन् ले़प्‍मि चोगुरो, हे़क्‍क्‍याङ् खे़ल्‍ले़ कुलायोन् माःङ्‌घा पोङ्‌बा मिक्‍सेःन्‍निङ्‌ग खे़ल्‍ले़ ले़त्ति तोःम्‍मा ते़न्‍हाॽओबा के़रे़क् लुङ्‌हाॽ खरि-लुङ् कुइसिक् फयःप्‍फयःप् यःप्‍सुदेसुरो, खे़ब्‍याङ् असेरा माङ्‌ङिल्‍ले़ कुसित्‍लाङ्‌हाॽ नु साङ्‌सिङ् सुक्‍पा हाःम्‍मा ते़रे़ःङ्‌हाॽ लत्‍छाआङ् तक्‍पे़त् मे़युक्‍खुल्‍लो॥

खाहुन् 3:11

आस्‍साए, यहवे दाङ्‌बे़ल्‍ले़ कुहे़न्‍थिम्‍मिन् कुनामे़न्‍छाॽ मे़मे़त्ते़न्‍ने़ॽओ, हे़क्‍क्‍याङ् खुने़ॽ के़भे़ःक्‍किल्‍ले़ ताप्‍फे़ःम्‍बा मे़लेःत्ते़न्‍ने़ॽओ॥

मे़रिङ् साप्‍पन् 3:39

आनिॽ आप्‍फेक् लायोल्‍ले़ खुम्‍दिङ् आघोसुम्‍मिल्‍ले़ आनिॽ कुहिङ्‌वे़त् के़वाॽबा मनाहाॽ थेआङ् मने़धिक्‍माबे?

रुथरे़ कुसाप्‍पन् 1:3

एलिमेले़क्‍के़न् मासिङ् हे़क्‍क्‍याङ् नाओमिन् एःक् कुस्‍सा ये़म्‍बित्‍छा ने़त्‍छिनु युङ्‌मा हेःक्‍ते़॥