हिब्रु 12:4 - लिम्‍बु

⁴ खिनिॽ लायोल्‍ले़ कुदक्‍ले़ङ्‌वाओबा थङ्‌ङो के़वयिसाङ् सिमालिङ्‌धोओ थारिक् मे़ङ्‌गे़त्ते के़वयिॽरो॥

हिब्रु 12:4 Referans Kwoze

१ कोरन्‍थि 10:13

खिनिॽ हिङ्‌मन्‍नो के़दाबा काक् हङ्‌साॽमाहाॽ मे़न्‍छाम् याप्‍मिलुम्‍मो के़दाबा कुइसिक् चोक्‍लो॥ निङ्‌वाॽफुमाङ्‌ङिङ्‌ग नसाःन्‍साबा चोक्‍लो॥ खुने़ॽग खिनिॽ थम्‍मा के़न्‍छुक्‍तुम्‍मिम्‍बा हङ्‌साॽमाओ थाःमा के़म्‍बाङ्‌घिन्‍लो॥ कर थम्‍मा के़सुक्‍तुम्‍ल फाॽआङ् खिनिॽ हङ्‌साॽमाओ के़ध्‍ये़ॽइल्‍ले़ खुने़ॽए खे़प्‍मोलाम् ताङ्‌से़ःप्‍सिङ्‌मा लाम्‍माङ् के़बिरिॽरो॥

सुफो 2:13

“‘खे़ने़ॽ माफे़न्‍साम्‍मिल्‍ले़ हाङ् चोगुबा ते़न्‍नो के़वाॽ फाॽआङ् इङ्‌गाॽ निसुङ्‌लो॥ करसाङ् खे़ने़ॽग चक्‍मे़ल्‍लॽए इङ्‌गाॽ नसान् के़जोःक्‍कार के़वाॽ॥ नसाःन्‍साबा आदोःन्‍दि के़बाःप्‍पा एन्‍तिपासे़न् माफे़न्‍साम्‍मिन् के़वाॽबा खिनिॽ ये़क्‌यक्‍को मे़से़रुसाङ् खे़ने़ॽग के़नसाःन्‍निन् के़न्‍ले़रुन्‍लो॥

हिब्रु 12:2

आनिॽ नसाःन्‍निन् के़हेःक्‍पा नु कुलिङ्‌दो के़गे़प्‍पा ये़सुन् ओमे़त्तुम्‍लो॥ ताःन्‍दि के़दाबा ओमुलॽमाल्‍ले़ लागि सिलाम्‍साक्‍मा सिङ्‌सम्‍दाङ्‌बा इनोगे़न् तुक्‍खेन् नु नाधामान् खुने़ॽ थेआङ् मे़न्‍इःत्ते थरुआङ् निङ्‌वाॽफुमाङ्‌ङिल्‍ले़ कुहाङ्‌युक्‍नाःल्‍ले़ कुजुप्‍साङ्‌ले़प्‍माङ् युङ्‌सिङ्‌लो॥

सुफो 12:11

आनिॽ नसानिबा फुॽनुसाॽ ने़ॽनुसाॽहाॽरे़ग मे़ल्‍लुक्‍साःल्‍ले़ कुमाक्‍खिॽ नु खे़ङ्‌हाॽरे़ इङ्‌मे़भोसुबा से़क्‍खाःल्‍ले़ खे़न् माफे़न्‍साम्‍मिन् मे़नाःन्‍दुआङ् मे़वाॽरो॥ हे़क्‍क्‍याङ् खे़ङ्‌हाॽग सिमाआङ् मे़ङ्‌गिसे़न्‍लो॥

मत्ति 24:9

“हे़क्‍क्‍याङ् खिनिॽग मनाहाॽरे़ के़म्‍दे़म्‍सिआङ् तुक्‍खे के़म्‍जाःत्तिॽ, हे़क्‍क्‍याङ् के़म्‍से़रिॽरो॥ खिनिॽ याप्‍मि नसान् के़जोगिबाल्‍ले़ चोगुल्‍ले़ के़रे़क् मे़न्‍छाम् सुवाङ्‌हाॽरे़ के़म्‍जिःत्तिॽरो॥

सुफो 18:24

बेबिलोने, खे़ने़ॽ के़माराम्‍हाॽओए माङ्‌निङ्‌वाॽपान् के़बाःप्‍पाहाॽ, निङ्‌वाॽफुमाङ्‌ङिल्‍ले़ सेसे कुमनाहाॽ नु इक्‍सादिङ् खाम्‍बेःक्‍मोबा काक् से़प्‍मनाबा मनाहाॽरे़ खुनिॽ माक्‍खिॽइन् से़रे़आङ् वये़रो॥”

सुफो 17:6

हे़क्‍क्‍याङ् इङ्‌गाॽ खे़न् मे़न्‍छुमाॽइन् ओमे़त्तुङ्‌ङिल्‍ले़ निङ्‌वाॽफुमाङ्‌ङिल्‍ले़ कुसेसे मनाहाॽ नु ये़सु ख्रिस्‍तरे़ कुरुमेहाॽरे़ खुनिॽ माक्‍खिॽइल्‍ले़ मयुआङ् वये़बा निसुङ्‌ङाङ् साॽरिक् आनिङ्‌वाॽ मये़रो॥

फिलिप्‍पि 2:8

हे़क्‍क्‍याङ् मे़न्‍छाम् याप्‍मि कुइसिक् वये़ल्‍ले़ खुने़ॽ चुङ्‌जिगे़न् नःम्‍नःम् पोःक्‍खे़, हे़क्‍क्‍याङ् निङ्‌वाॽफुमाङ्‌ङिल्‍ले़ कुइङ्‌जागे़म्‍बा पोःक्‍खे़आङ् कुभाङ् के़भेःम्‍बा कुइसिक् सिलाम्‍साक्‍मा सिङ्‌सम्‍दाङ् स्‍ये़रो॥

हिब्रु 13:13

हे़क्‍केलॽरिक् आनिॽआङ् खुने़ॽओ पोःक्‍खिआङ् लाःक्‍कात् पिगि, हे़क्‍क्‍याङ् खुने़ॽ ताःक्‍तुबा हिनाःम्‍मिन् ताःक्‍तुम्‍लो॥