हिब्रु 11:5 - लिम्बु5 नसाःन्लाम्बाए हनोक्के़न् मे़न्छिए कुहिङ्वे़त् साङ्ग्राम्पेदाङ्ङो थाःङ् तेॽरे़रो॥ खुने़ॽ कुधक्किन् खोःमे़दे़त्ते़न्लो, थेआङ्भे़ल्ले़ खुने़ॽग निङ्वाॽफुमाङ्ङिल्ले़ थाःङ् तेॽरुरो॥ खुने़ॽ थाःङ् तेॽमानुःल्ले़ तगि निङ्वाॽफुमाङ्ङिन् कुनिङ्वाॽ तासुआङ् वये़ फाॽआङ् साम्योसाप्लाःल्ले़ तोःन्दि पिरुॽरो॥ Gade chapit la |
हिब्रु 11:5
17 Referans Kwoze
आल्ल खुन्छिॽ ताॽजे़क्खे़सिर तगाङ् लाङ्घेगे़ पेसे़त्छिर पत्छे़सिल्ले़, चघप् थिक्ले़ङ्ले़ लत्छा मिधुङ्दिङ् मिराःक् के़दिःप्पा अन्लाधा थिक् नु अन्हाॽ निमे़धाबे़, हे़क्क्याङ् खुन्छिॽ एॽए मे़से़न्दुसिआङ् खइक् खइक् के़इक्सिङ्बा सुरित् केजङ्ङो एलियान् थाःङ् साङ्ग्राम्पेदाङ् ले़प्माङ् मे़देॽरु॥
खे़ल्ले़ कुले़क्वा, निङ्वाॽफुमाङ्ङिल्ले़ आनिगे याप्मि सुम्बोधासाबा इतिगे़आङ् सुनाइङ् इङ्भोमा लक्पे़न् पिरिगे़आङ् वाॽबाल्ले़ आप्फाल्ले़साङ् निङ्वाॽफुमाङ्ङिल्ले़ कुनिङ्वाॽ हे़क्केरक् पारिगे़ॽरो॥ आनिगे़ग मनाहाॽरे़ खुनिॽ निङ्वाॽ तामा याःम्बक् मे़जोगुम्बे़न्, कर निङ्वाॽफुमाङ्ङिल्ले़ कुनिङ्वाॽ के़दाबा याःम्बक् चोगुम्बे़ॽरो॥ खुने़ॽए आनिॽ सिक्लुङ्मान् साॽरुरो॥
कर आनिॽ ये़सुन् आनिसुम्लो॥ खुने़ॽग माङ्लाइङ्बाहाॽनुःल्ले़आङ् च्यॽरक् योयोक् वये़, आल्लग खुने़ॽ सिमे़न्नो तुक्खे च्ये़बाल्ले़ चोगुल्ले़ निङ्वाॽफुमाङ्ङिल्ले़ मिमिदिङ् नु मिङ्सो इङ्धाङ्ङिल्ले़न् तिचःन् खुःक्तुआङ् वाॽ॥ हे़क्केलॽरिक् निङ्वाॽफुमाङ्ङिल्ले़ कुलुङ्गुम्लाम् खुने़ॽ काक् मे़न्छाम् याप्मिरे़ लागि सिमे़न् साॽरुरो॥
Piblisite