खे़ङ्हाॽरे़ माङ्से़वा मे़जोगुबा सेसेदे़न्निङ्ग साङ्ग्राम्पेदाङ्ङोबा से़क्खासमा सेसेदे़न्निल्ले़ कुबिइत्छाप्लक्लो॥ थेआङ्भे़ल्ले़ मोसाःल्ले़ निङ्वाॽफु साःङ्गाहिम् चोःक्मा इःत्तुल्ले़ निङ्वाॽफुमाङ्ङिल्ले़ अक्खेलॽरिक् साम्दिङ् पिरु, “खे़ने़ॽ निङ्वाॽफु साःङ्गाहिम्मिन् के़जोगुल्ले़ कोःक्मा सम्दाङ् के़निसुबा हे़क्के योधो मे़म्बोङ्ङे चोगे़ॽओ॥”
हिब्रु 10:1 - लिम्बु1 मोसारे़ कुसाम्योथिम्मिङ्ग ताःन्दि के़दाबार के़बप्पा नुबा पाःन्हाॽ ओसेःन्के़धाक्पा साम्ब्रिःप्पा कुइसिःक्लक्लो, से़क्खाबा पान् मेःन्लो॥ थेआङ्भे़ल्ले़ साम्योथिम्मिल्ले़ नाःक्तुबा तङ्बे थप्मे ए़त्ले़ङ् तोःम्मनाबा सिदुङ्जभाःल्ले़ खे़न् सेसे माङ्गे़घबाहाॽ आप्फाल्ले़आङ् कुलिङ्दो मे़गे़त्तुन्छिन्लो॥ Gade chapit la |
हिब्रु 10:1
13 Referans Kwoze
ख्रिस्ते़न् ग के़रे़क् त्ये़ चुरे़बा नुबा पाःन्हाॽरे़न् मानिङ्वाॽफुसाम्बा पोःक्खे़ल्ले़ खुने़ॽग पयम् यम्बा नु कुसाङ् के़लबा साङ्ग्राम्पेदाङ्ङोबा निङ्वाॽफु साःङ्गाहिम्मो लासे़रो॥ खे़न् निङ्वाॽफु साःङ्गाहिम्मिन् मे़न्छाम् हुक्किल्ले़ चोःक्मनाबा मेःन्लो, पाःप्माए पोङ्ङिल्ले़ खे़ङ्ग नावागे़न् चइःत्तिल्ले़न्नाङ् मेःन्लो॥
लायोबा सुत्नाःल्ले़ चोगुल्ले़ साम्योथिम्मिल्ले़ चोःक्मा मे़सुक्तुम्बा पाःन्निन् निङ्वाॽफुमाङ्ङिल्ले़ चोगुरो॥ खुने़ॽ आबुगे़न् कुस्सान् मे़न्छाम् याप्मिहाॽरे़ मे़जोगुबा लायोल्ले़ लागि सिदुङ्जभा पोङ्से़ लायोबा मना कुइसिःक्पा नासिङ्गे़न् थक्को पाङ्घुयुसुआङ् नासिङ्गे़न् कुधक्किल्ले़ आनिॽ लायोन् मे़क्खुरो॥
हारुनरे़ कुधाःक् ले़बिहाॽरे़ निङ्वाॽफुसाम्बा याःम्बक् चोःक्मा युक् मे़घोसु, हे़क्क्याङ् खे़ङ्हाॽलाम् मनाहाॽरे़ साम्योथिम् मे़घोसुआङ् मे़वये़॥ आल्ल हारुनरे़ कुधाःक्लाम्बाबा निङ्वाॽफुसाम्बाहाॽरे़ खुनिॽ याःम्बक्किल्ले़ मनाहाॽ कुलिङ्दो के़प्मा सुक्तुसिआङ् वये़ल्ले़ग मल्किसे़दे़क कुइसिःक्पा वेॽसमा निङ्वाॽफुसाम्बा चाहाबा मे़जोगे़म्बामे़न्लो॥
आनिॽ तोःन्दोम्बा सेसे सिक्लुङ्मान्नु हे़क्क्याङ् हाङ्हाङ्बा नसाःन्निन्नु निङ्वाॽफुमाङ्ङिल्ले़ कुबेसाङ् पेगिरो॥ थेआङ्भे़ल्ले़ आनिॽ सेसे चोःक्से़ ख्रिस्तरे़ कुमाक्खिॽइल्ले़ आनिॽ ताप्फे़ःम्बा खासिङ्ङिन् साक्खुआङ् वाॽ हे़क्क्याङ् आनिॽ नासिङ्गे़न् थक्किन् सेसेबा च्वाःत्तिल्ले़ वाहप्तुआङ् वाॽरो॥
Piblisite