Biblia Todo Logo
Bib sou entènèt

- Piblisite -




हिब्रु 1:3 - लिम्‍बु

3 कन् आबुगे़न् कुस्‍साःल्‍लो निङ्‌वाॽफुमाङ्‌ङिल्‍ले़ कुमिमिदिङ्‌ङिन् ले़क्‍लो हे़क्‍क्‍याङ् आबुगे़न् कुस्‍सान् निङ्‌वाॽफुमाङ्‌ङिल्‍ले़ कुसुत्‍नाःल्‍ले़ कुइत्‍छाप्‍लो॥ हे़क्‍क्‍याङ् खुने़ॽए मुक्‍साम्‍गे़न् कुबाःन्‍जाक्‍लाम्‍बा इक्‍सादिङ् खाम्‍बेःक्‍मोबा काक् पाःन्‍हाॽ वाॽर याःन्‍दुॽरो॥ खुने़ॽ मे़न्‍छाम् याप्‍मिहाॽ लायोलाम् सेसेसाङ्‌साङ् पोङ्‌मा तङ्‌गाम् चोगुआङ् साङ्‌ग्राम्‍पेदाङ्‌ङो मिमिदिङ्‌गे़न् निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् युङ्‌सिङ्‌लो॥

Gade chapit la Kopi




हिब्रु 1:3
42 Referans Kwoze  

“खे़ने़ॽग आनिगे दाङ्‌बा नु निङ्‌वाॽफुमाङ्‌ने़ॽरो॥ खे़ने़ॽग मिमिदिङ् नु मिङ्‌सो इङ्‌धाङ् हे़क्‍क्‍याङ् मुक्‍साम्‌रे़न् नारा फोसुम्‍बे़बा आनिगे सेवागे़न् साम्‍लोन् ताःक्‍मा सुम्‍बोधासाबा के़जोःक्‍लो, थेआङ्‌भे़ल्‍ले़ खे़ने़ॽग काक् पाःन्‍हाॽ नावागे़न् चइःत् के़जोगु, हे़क्‍क्‍याङ् सिक्‍कुम्‍दिङ् के़निङ्‌वाॽलाम् खे़ङ्‌हाॽ मे़बोःक्‍खे़, हे़क्‍क्‍याङ् हिङ्‌मन् के़बिरुसिआङ् वाॽरो॥”


निङ्‌वाॽफु पाःन्‍जाक्‍किन् नासिङ्‌गे़न् थक्‍लादिङ् पोःक्‍खे़आङ् इक्‍सादिङ् खाम्‍बेःक्‍मो आनिॽ लुम्‍मो वये़रो॥ खुने़ॽग लुङ्‌गुम् नु से़क्‍खाःल्‍ले़ कुधिम् चोगे़आङ् कुमिमिदिङ्‌ङिन् आनिसुम्‍माङ् आवाॽरो॥ खे़न् मिमिदिङ्‌ङिन् पानुदिङ् पाः निङ्‌वाॽफुमाङ्‌लाम् के़दाबा थिक्‍लक् कुस्‍साःल्‍ले़न् हे़क्‍तङ्‌बा चोगे़रो॥


कन् इक्‍सादिङ् खाम्‍बेःक्‍मोबा माङ् माफे़न्‍साम्‍मिल्‍ले़ए नसान् मे़न्‍जोःक्‍मनाबाहाॽरे़ खुनिॽ निङ्‌वाॽइन् फे़त्‍लाःन्‍दु पिरुसिबाल्‍ले़ चोगुल्‍ले़ खे़ङ्‌हाॽरे़ ख्रिस्‍तरे़ कुमिमिदिङ्‌गे़न् सुनाइङ्‌ङिल्‍ले़न् ओःत्तिःन् निमा मे़न्‍छुक्‍तुन्॥ ख्रिस्‍ते़ङ्‌ग निङ्‌वाॽफुमाङ्‌ङिल्‍ले़ कुइःत्‍लो॥


आनिॽ नसाःन्‍निन् के़हेःक्‍पा नु कुलिङ्‌दो के़गे़प्‍पा ये़सुन् ओमे़त्तुम्‍लो॥ ताःन्‍दि के़दाबा ओमुलॽमाल्‍ले़ लागि सिलाम्‍साक्‍मा सिङ्‌सम्‍दाङ्‌बा इनोगे़न् तुक्‍खेन् नु नाधामान् खुने़ॽ थेआङ् मे़न्‍इःत्ते थरुआङ् निङ्‌वाॽफुमाङ्‌ङिल्‍ले़ कुहाङ्‌युक्‍नाःल्‍ले़ कुजुप्‍साङ्‌ले़प्‍माङ् युङ्‌सिङ्‌लो॥


ने़त्तिगे़न् हिङ्‌मन्‍निन् खुने़ॽओ वये़रो॥ हे़क्‍क्‍याङ् खे़न् ने़त्तिगे़न् हिङ्‌मन्‍निल्‍ले़ काक् मे़न्‍छाम् याप्‍मिहाॽ से़न्‍दाङ्‌गे़न् ओःत्ति पिरुसिरो॥


कर आनिॽ मानिङ्‌वाॽफुसाम्‍बा ये़सु ख्रिस्‍तरे़ग निङ्‌वाॽफुमाङ्‌ङो थिक्‍ले़ङ्‌मो सदादिङ्‌ले़ लागि लायोन् खे़प्‍मा तेॽमा फाॽआङ् आबाङे सिदुङ्‌जभा पोःक्‍खे़आङ् निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् युङ्‌सिङ्‌लो॥


ये़सु ख्रिस्‍तलाम् आनिॽ से़न्‍लप् के़बिबा थिक्‍लक् निङ्‌वाॽफुमाङ्‌ङिन् मिमिदिङ्, हाङ्‌युक्, मुक्‍साम् हे़क्‍क्‍याङ् युक्‍किन् तोलिङ्‌सोमुआङ्‌धो सदादिङ् सदादिङ् खोमा लाॽरुरो! आमे़न्!


मेःन्‍निल्‍ले़ग इक्‍सादिङ् खाम्‍बेःक्‍मान् नावागे़न् चइःत् पोःक्‍खे़आङ्‌धो खुने़ॽ यरिक्‍ले़ङ् इनोगे़न् तुक्‍खे चामा के़बोङ्‌बा वये़, कर खुने़ॽग कन् कुनुप्‍मा ये़म्‍मो यरिक्‍ले़ खुनिॽ लायोन् ले़प्‍मि पिमासि फाॽआङ् थिक्‍ले़ङ्‌माल्‍ले़ खुने़ॽ आबाङे सिदुङ्‌जभा पोःक्‍खे़रो॥


कर निङ्‌वाॽफुमाङ्‌ङिन् से़न्‍दाङ्‌गे़न् ओःत्तिओ वाॽबा कुइसिक् आनिॽआङ् से़न्‍दाङ्‌गे़न् ओःत्तिओ आहिङ्‌ल आवाॽने़ फाॽग्र आनिॽ लुम्‍मो सेसे तङ्‌जुम् पोङ्‌लो॥ हे़क्‍क्‍याङ् आबुगे़न् कुस्‍सा ये़सुरे़ कुमाक्‍खिॽइल्‍ले़ आनिॽ काक् लायोलाम् सुत्‍थो आजोःक्‍लो॥


आल्‍ल, आनिॽ ते़न्‍दिङ् आजोगुम्‍बा नसाःन्‍निन् थरुम्‍लो, थेआङ्‌भे़ल्‍ले़ साङ्‌ग्राम्‍पेदाङ्‌ङो के़बेःक्‍पाआङ् के़वाॽबा निङ्‌वाॽफुसा ये़सु पयम् मानिङ्‌वाॽफुसाम्‍बान् आनिॽ आगत्तुम्‍लो॥


आनिॽ लायोन् खे़प्‍मारे़ लागि ख्रिस्‍ते़न् ये़बाङ्‌ग खिनिॽ कुसिङ् के़निःत्तुम्‍लो॥ हे़क्‍क्‍याङ् खुने़ॽओ लायो होप्‍लो॥


थेआङ्‌भे़ल्‍ले़ आनिॽ दाङ्‌बा ये़सु ख्रिस्‍तरे़ कुमुक्‍साम् नु कुयुःमाल्‍ले़ कुयाःम्‍बेओ खिनिॽनु पारिगे़ल्‍ले़ आनिगे पान् खे़दाॽहाॽ चोगुम्‍बे़आङ् पाःत्तुम्‍बे़बा मेःन्‍लो, कर आनिगे आबाङे मिक्‍किल्‍ले़ खुने़ॽ कुमिमिदिङ्‌ङिन् निसुम्‍बे़रो॥


आल्‍ल ये़सु ख्रिस्‍ते़न् साङ्‌ग्राम्‍पेदाङ्‌ङो पेआङ् निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् युङ्, हे़क्‍क्‍याङ् माङ्‌लाइङ्‌बाहाॽ, युक्‍साबाहाॽ नु मुक्‍साम्‍हाॽ कुयुक्‍को कत्तुसिरो॥


खुने़ॽलाम्‍बाए निङ्‌वाॽफुमाङ्‌ङिन् नसान् के़जोगुम्, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ खुने़ॽ सिमे़न्‍लाम् हिङ्‌घुआङ् कुमिमिदिङ् चोगु॥ खे़ल्‍ले़चोगुल्‍ले़ निङ्‌वाॽफुमाङ्‌ङिन् खिनिॽ नसान् नु निङ्‌साङ् के़जोगुम्‍माङ् के़वयिॽरो॥


आनिगे पाःत्तुम्‍बे़बा पाःन्‍निन् बा कन्‍लो—आनिॽनु अक्‍तङ्‌बा मानिङ्‌वाॽफुसाम्‍बान् वाॽ हे़क्‍क्‍याङ् खुने़ॽग साङ्‌ग्राम्‍पेदाङ्‌ङो मिमिदिङ्‌गे़न् निङ्‌वाॽफुमाङ्‌ङिल्‍ले़ कुहाङ्‌युक्‍नाःल्‍ले़ कुजुप्‍साङ् ले़प्‍माङ् युङ्‌लो॥


हे़क्‍क्‍याङ् दाङ्‌बा ये़सुरे़ हे़क्‍के पाःत्तु सुरुआङ् खुने़ॽ थाःङ्‌धाःङ् साङ्‌ग्राम्‍पेदाङ् ले़प्‍माङ् थो पक्‍खे़र पेआङ् निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् युङ्‌सिङ्‌लो॥


इक्‍सादिङ् खाम्‍बेःक्‍मान् थे़गक्‍कक् यङ्‌ङिल्‍ले़ खे़प्‍मोबा मनाहाॽ हयङ् किल्‍लिङ् मे़लॽआङ् मे़यङ्‌लो, खे़न् मुन्‍छाङ् आङ्‌गाॽ चिदक् तक्‍तुङ्‌लो॥ सेला


नसाःन्‍नो के़नाःम्‍बान् पानुदिङ् आम्‍बानु कुहाङ्‌युक्‍नाओ इङ्‌गाॽ नाःन्‍दुङ्‌ङाङ् युङ्‌मा खोसुङ्‌बा कुइसिक् इङ्‌गाॽनु आहाङ्‌युक्‍नाओ युङ्‌मा युक् पिरुङ्‌लो॥


खुने़ॽग वेॽ मानिङ्‌वाॽफुसाम्‍बा कुइसिक् थिक्‌याःन्‍धक् सिदुङ्‌जभा तोःम्‍मा मे़बोङ्‌ने़ल्‍लो॥ खे़ङ्‌हाॽरे़ग काक्‍नुःल्‍ले़ तगि आबाङे लायोहाॽरे़ लागि हे़क्‍क्‍याङ् मे़न्‍छाम् याप्‍मिहाॽरे़ खुनिॽ लायोहाॽरे़ लागि सिदुङ्‌जभा मे़जोगुरो॥ कर ये़सुरे़ग थिक्‍ले़ङ्‌माओ सिलाम्‍साक्‍मा सिङ्‌सम्‍दाङ् मनाहाॽरे़ खुनिॽ लायोन् ले़प्‍मि पिसे़ आबाङे तोःन्‍छिङ्‌ङाङ् सिदुङ्‌जभा पोःक्‍खे़रो॥


हे़क्‍क्‍याङ् खुने़ॽ पानुदिङ् पा निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् युक्‍खु॥ खुने़ॽ निङ्‌वाॽफुपालाम् सेसेमाङ्‌ङिल्‍ले़न् माङ्‌हे़क्‍किन् खोसुआङ् आनिगे़ओ थासुबान् खिनिॽ आबाङे के़निसुम् के़घे़प्‍सुम्‍माङ् के़वयिॽरो॥


कुदाःन्‍दिक्‍मा युहुन्‍नाःल्‍ले़ ये़सुन् खुने़ॽ ले़प्‍माङ् फे़रे़र पत्‍छे़बा निसुआङ् अक्‍खे पाःत्तु, “ओमे़त्ते़म्‍मे़ॽ, इक्‍सादिङ् खाम्‍बेःक्‍मोबा लायो लासोःत्‍हाॽ के़गुबाआङ् के़देॽबा निङ्‌वाॽफुमाङ्‌ङिल्‍ले़ कुमे़ल्‍लुक्‍सान् खा फे़न्‍ल पत्‍लो!


खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ खिनिॽ ख्रिस्‍ते़न्‍नुए कुहिङ्‌वे़त् के़जोगिआङ् के़वयिबाल्‍ले़ चोगुल्‍ले़ खिनिॽ साङ्‌ग्राम्‍पेदाङ्‌ङोबा पाःन्‍हाॽ कोःत्ते़म्‍मे़ॽर वये़म्‍मे़ॽओ॥ खे़त्‍थोए निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् मिङ्‌सो इङ्‌धाङ्‌नु मुक्‍साम्‍दे़न्‍नो ख्रिस्‍ते़न् युक्‍खुआङ् युङ्‌लो॥


आनिॽ हाःत्‍ले़ पान् थिक्‍मा आसुक्‍पे? हाःत्‍ले़आङ् आन्‍छुक्‍ने़न्‍लो, थेआङ्‌भे़ल्‍ले़ ख्रिस्‍त ये़सुन् स्‍ये़आङ् आल्‍ल खुने़ॽग सिमे़न्‍लाम् कुहिङ्‌वे़त् पोःक्‍खे़, हे़क्‍क्‍याङ् खुने़ॽ निङ्‌वाॽफुमाङ्‌ङिल्‍ले़ कुजुप्‍साङ्‌ले़प्‍माङ् युङ्‌लो, हे़क्‍क्‍याङ् आनिॽ लागि पेलिगे़न् तुवाआङ् चोगुर युङ्‌लो॥


हे़क्‍क्‍याङ् स्‍तिफनसे़न् अक्‍खेलॽरिक् पारे़, “ओमे़त्ते़म्‍मे़ॽ, इङ्‌गाॽ साङ्‌ग्राम्‍पेदाङ्‌ङिन् हरे़बा निसुङ्, हे़क्‍क्‍याङ् मे़न्‍छाम्‍साःन् निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् ये़प्‍पा निसुङ्‌लो!”


यहवे दाङ्‌बे़ल्‍ले़ आन्‍दाङ्‌बान् मे़त्तुरो, “के़निङ्‌मिहाॽ के़युक्‍को मे़न्‍दाःत्‍छिङ्‌ङे थारिक् आङ्‌गाॽ आजुप्‍साङ् ले़प्‍माङ् युङे़ॽओ॥”


यहवे दाङ्‌बाए, पयम् यम्‍बा नु मुक्‍साम्‍मिन् आदाङ्‌बारे़न्‍नेरो, मिमिदिङ् नु हाङ्‌वा माङ्‌वान् आदाङ्‌बारे़न्‍नेरो, साङ्‌ग्राम्‍पेदाङ् नु इक्‍सादिङ् खाम्‍बेःक्‍मो के़वाॽबा के़रे़क् पाःन्‍हाॽ आदाङ्‌बारे़न्‍नेरो॥ हाङ्‌जुम्‍मिन्‍नाङ् आदाङ्‌बारे़न्‍नेरो, यहवे दाङ्‌बाए, के़रे़क् पाःन्‍हाॽ सम्‍धाङ् के़युङ्‌बा आदाङ्‌बा हाङ्‌ने़रो॥


कन् ख्रिस्‍तरे़ कुसुनाइङ्‌ङिन् इङ्‌भोमा मे़नुःन्‍नान्‍लो, थेआङ्‌भे़ल्‍ले़ कन् सुनाइङ्‌ङिन् नसान् के़जोःक्‍पा काक् मनाहाॽ, तगि यहुदिहाॽ हे़क्‍क्‍याङ् याङ्‌सि थिम्‍मे़न्‍दङ् सुवाङ्‌हाॽ ताङ्‌से़ःप्‍मासि निङ्‌वाॽफुमाङ्‌ङिल्‍ले़ कुमुक्‍साम्‍लो॥


यहवे दाङ्‌बे़ल्‍ले़ कुमुक्‍साम्‍मो नु यहवे दाङ्‌बा कुनिङ्‌वाॽफुमाङ्‌ङिल्‍ले़ कुमिमिदिङ्‌गे़न् कुमिङ्‌ङो खुने़ॽ ये़प्‍लो॥ हे़क्‍क्‍याङ् कुमे़ल्‍लुक्‍हाॽ कमुसि ओमे़त्तुसिरो, इक्‍सादिङ् खाम्‍बेःक्‍मोबा कुयाओ थारिक्‍के खुने़ॽ पयम् यम्‍बा चोःक्‍पाल्‍ले़ चोगुल्‍ले़ खे़ङ्‌हाॽ ताप्‍थेक् याम्‍धेक् मे़वाॽरो॥


हाङ्‌ङिल्‍ले़ याःम्‍बक्‍किन् युक्‍नु चोगुॽबाल्‍ले़ चोगुल्‍ले़, “खे़ने़ॽ थे के़जोगुर के़वाॽ?” फाॽआङ् हाःत्‍ले़ खुने़ॽ से़न्‍लाप्‍मा सुक्‍तुबे॥


थाङ्‌गे़त् थो पिसाङ् लत्‍छा साम्‍म्‍याङ् हे़क्‍के के़ले़क्‍पाधिक् ओसेःन्‍धाङ् पोङ्‌लो हे़क्‍क्‍याङ् आनिॽ सिक्‍लुङ्‌मान् निङ्‌वाॽफुमाङ्‌ङिल्‍ले़ कुमिमिदिङ्‌ङिल्‍ले़ किमा यङ्‌माओ थासुरो॥


थेआङ्‌भे़ल्‍ले़ इङ्‌गाॽ सिआल्‍ले़ आयाङ्‌साकुन्‍धेन् खुने़ॽ खोसुॽ फाॽआङ् चोगुबा साप्‍ला मुन्‍धेःङ्‌ग, खे़न् के़साप्‍पे़न् सिआङ्‌लक् पर्माङ्‌गि पोङ्‌लो॥


“सिक्‍साम्‍बे, मोसारे़ साम्‌योथिम्‍मो अक्‍खेलॽरिक् साप्‍तुआङ् पत्, ‘आत्तिल्‍ले़ कुम्‍भुॽइन् कुस्‍साकुए मे़न्‌वाॽए सिःॽ, खे़ल्‍ले़ कुन्‍साॽरे़ मेमेदुमा कुन्‍ने़ॽद्रेःन्‍नु मेःक्‍खिम् चोःक्‍माए पोङ्॥ हे़क्‍क्‍याङ् कुम्‍भुॽरे़ कुलागि सागप्‍मा पोङ्‌लो॥’


आनिॽ काक् लायोलाम् थे़ॽमासि, आबाङे सेसे कुमना चोःक्‍मासि हे़क्‍क्‍याङ् नुबा याःम्‍बक् चोःक्‍मा कुसिक् के़सम्‍बा चोःक्‍मासि फाॽआङ् आनिॽ लागि खुने़ॽ आबाङे सिदुङ्‌जभा पोङ्‌से़ पिसिङ्‌लो॥


निङ्‌वाॽफुमाङ्‌ङिल्‍ले़ आबुगे़न् कुस्‍सान् कुइसिक् आत्तिन् माङ्‌लाइङ्‌बाहाॽआङ् अक्‍खेलॽरिक् मे़मे़त्तुन्‍छिन्‍लो, “खे़ने़ॽ के़निङ्‌मिहाॽ के़युक्‍को मे़न्‍दाःत्‍छिङ्‌ङे थारिक् आजुप्‍साङ् ले़प्‍माङ् युङे़ॽओ॥”


थेआङ्‌भे़ल्‍ले़ मिमिदिङ्‌गे़न् पानुदिङ् पाः निङ्‌वाॽफुमाङ्‌लाम् खुने़ॽ मिङ्‌सो इङ्‌धाङ् नु मिमिदिङ् खोसुल्‍ले़ कन् आमिःम् आस्‍सारो, खुने़ॽनु इङ्‌गाॽ ओमु लॽराङ्‌ङाङ् वाॽआरो के़लॽबा इक्‍लाधिक् ये़रो॥


खे़ब्‍याङ् निङ्‌वाॽफुसाम्‍बे़ल्‍ले़ खे़ङ्‌हाॽओलाम् लत्‍छा लायोलाम् ले़प्‍मि खोमा सिदुङ्‌जभा नु वेॽइन् मिधिङ्‌मनादेमनाबा सिदुङ्‌जभारे़ लागि तोःन्‍दुसिर॥ कम्‍भलॽरिक् निङ्‌वाॽफुसाम्‍बे़ल्‍ले़ यहवे दाङ्‌बे़ल्‍ले़ कुदगि वयुमा तुक्‍मे़ल्‍ले़ तरुबा मनाःल्‍ले़ कुलागि लायोलाम् ले़प्‍मि नाःक्‍तु पिरुॽ॥


Swiv nou:

Piblisite


Piblisite