हबकुक 1:9 - लिम्बु9 खे़ङ्हाॽ के़रे़क् मना से़प्मासिरे़ लागिए मे़दारो खे़ङ्हाॽरे़ खुन्छिॽ थक्सुबा सुम्हाॽ तगि मे़बो मे़बेःक्लो॥ मुरे़क् खारे़क् थेआङ् के़होःप्पादे़न्नोबा साम्मिःत्तिल्ले़ ये़ःङ्घान् सुप्सुबा हे़क्के खे़ङ्हाॽरे़ मे़दे़म्सु मे़देॽरुसिबाहाॽ मे़सुप्सुसिरो॥ Gade chapit la |
हबकुक 1:9
22 Referans Kwoze
आप्फेक् कुम्भुॽ कुन्साॽहाॽरे़ खुन्छिॽ लुम्मो एफ्राइमे़न् नुॽदासाङ् आङ्गाॽ खे़न् लुङ्माॽ मे़दुक्कान्लो॥ यहवे दाङ्बालाम् नाङ्गे़न् पिसाङ्बा सुरिःत्तिन् मुरे़क् खारे़क् थेआङ् के़होःप्पादे़न् ले़प्माङ्लाम् हुभे़न्लो॥ खे़ल्ले़ कुज्वाःत् वबुन्दाक्वान् चप्प्रे़क् चप्लो, हे़क्क्याङ् खे़ल्ले़ कुवाबाक्किन् सर्गे़ङ् हेबेःक्लो॥ खे़ल्ले़ के़रे़क् इमे़ल्लुङ्बा कुजिगक्वा युङ्मादे़न्निन् मे़नाप्तुरो॥
“हे़क्केसाङ् इस्राइलिहाॽ वरःङ्ङिल्ले़ कुयाओबा ये़ःङ्घा यारिक् यरिक् मे़बोङ्ॽ, खे़ङ्हाॽ सिःक्माआङ् सुक्मे़न्दे़त्ने़न् निःप्माआङ् सुक्मे़न्दे़त्ने़न्॥ खे़ङ्हाॽ आत्ति ‘आङ्गाॽ आमनानिङ् मेःन्,’ मे़मे़त्तुसिआङ् वये़, हाबा खे़प्मोए खे़ङ्हाॽ, ‘कुहिङ्वे़त् निङ्वाॽफुमाङ्ङिल्ले़ कुमुॽइदाङ्सानिङ्’ मे़मे़त्तुसिरो॥
कर साॽरिक् साक्के़न् पोःक्माओ खे़न् चे़ल्ले़क्सेःन् कुसाःप्नु हाॽयाक् मे़आःक्खुरो हे़क्क्याङ् खाम्बाङ्ङो लाप्पुङ् मे़देसुरो॥ नाङ्गे़न् पिसाङ्बा के़ये़म्बा सुरित् केजङ्ङिल्ले़ कल्ले़ कुजाॽहाॽ सर्गे़ङ् हेसुदेसुरो खे़म्ब्याङ् कल्ले़ के़धुम्बा कुबोराक्हाॽ ले़न्दु थासुरो, हे़क्केलॽरिक् खे़न् इसुॽरुआङ् मिःल्ले़ खाप्पुथ्यःङ् चोगुरो॥
आङ्गाॽ इङ्जाङ् पिरुङ्सिङ् हे़क्क्याङ् खे़ङ्हाॽ कन् ये़क्यक्को मे़नुःङ् मे़दाःॽ॥ खे़ङ्हाॽरे़ कन् ये़क्यक्किन् थङ्ङो मे़भत्तुॽ, खे़ब्याङ् कन् ये़क्यक्किन् मे़दोगुआङ् मे़युक्तु हे़क्क्याङ् फुल्लुम् थ्यःङ् मि मे़याक्तुॽ॥ आङ्गाॽ यहुदाबा ये़क्यक्हाॽ मुरे़क् खारे़क्पा ये़ःङ्घादे़न् हे़क्के आत्तिन्हाॽआङ् युङ्मा मे़ङ्घोने़न्ल मना मेःन्नेबा चोगुङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
Piblisite