हबकुक 1:6 - लिम्बु6 आङ्गाॽए बेबिलोनिहाॽ फोःक्खुङ्सिङ्ल पत्तारो, खे़ङ्हाॽग कुॽइगे़भे़म्बा नु कुलुङ्माॽ स्याःत् मे़ल्लॽमना मनासिरो, वेॽहाॽरे़ खुन्छिॽ युक्नादे़न्हाॽ नाप्मासिरे़ लागि खे़ङ्हाॽ इक्सादिङ् खाम्बेःक्मो से़न्धोॽ मे़बेःक्लो॥ Gade chapit la |
हबकुक 1:6
24 Referans Kwoze
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
बेबिलोनबा लाजेन् ओमे़त्ताम्मे़ॽओ, खे़न् लाजेॽओ के़युङ्बा सुवाङ्हाॽ आल्ल मे़होप्लो॥ अस्सुरबा मनाहाॽरे़ खे़न् लाजेन् मुरे़क् खारे़क्पा ये़ःङ्घादे़न्नो के़याक्पा थक्सापुसा याक्नादे़न् मे़जोगु मे़बिरुसिआङ् वाॽरो॥ खे़ङ्हाॽरे़ थङ् थक्मा चङ्हिम्हाॽ मे़भोःक्खुरो, हे़क्क्याङ् खे़ङ्हाॽरे़ हाङ्यक्हाॽ मे़लुःन्दुआङ् मे़लुप्सु मे़ने़स्सुरो॥
“यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘लुङ्धाक् लाःक्कात् खे़ने़ॽ किर्गप् के़गप्पाआङ् के़ये़प्पा बेबिलोनबा हाङ्ङिन् नु थक्सुबाहाॽरे़ खुन्छिॽ तक्ले़ङ्वाओ थक्मारे़ लागि खे़ने़ॽ के़हुक्को के़गत्तुबा फे़जाफे़युम्हाॽ हाबा खे़ने़ॽ के़दक्ले़ङ्वाओ नुःक्तुङ्ॽ॥ आङ्गाॽ खे़ङ्हाॽ फुक्खुङ्सिङ्ङाङ् ये़क्यक् सिगाङ् तारुङ्सिङ्ॽ॥
खुने़ॽ खे़ङ्हाॽरे़ खुन्छिॽ तक्ले़ङ्वाओ बेबिलोनबा हाङ्ङिन् फे़त्तु, खे़ल्ले़ सेसेदे़न्नोए खे़ङ्हाॽरे़ खुन्छिॽ थाङ्बे़न् मनाहाॽ ताभेःल्ले़ च्ये़प्तु स्ये़रुसि, हे़क्क्याङ् नालिगे़न् थाङ्बे़न्, सिसागे़न् मे़न्छ्या, काप्पोबा इग्र तुम्भाक्सा आत्तिन्हाॽआङ् मे़दाङ्घुसिन्॥ निङ्वाॽफुमाङ्ङिल्ले़ खे़ङ्हाॽ खक्पे़त् नबुकदनेसरे़ल्ले़ कुहुक्को थासुसि॥
“खे़ल्ले़चोगुल्ले़ खुन्छिॽ मेःत्हाॽ वेॽ मनाहाॽ हुक्सुप्तुङ्सिङ्लो हे़क्क्याङ् खे़ङ्हाॽरे़ खुन्छिॽ प्याङ्सिगे़न् इक्ताप्हाॽ याप्मिहाॽ पिरुङ्सिङ्लो॥ थेआङ्भे़ल्ले़ चुक्पा यम्बा मना के़रे़क्ले़ इङ्ले़क्लाम् याङ्साकुन्धे थक्मा तम्सिङ् मे़जोगुरो, माङ्निङ्वाॽपान् के़बाःप्पाआङ्धो निङ्वाॽफुसाम्बा के़रे़क्ले़ मनाहाॽ मे़घुम्सुसिरो॥
कर खे़ने़ॽ यहुदाबा हाङ् सिदकियाहःन्, खे़ने़ॽ के़युक्साबाहाॽ, हे़क्क्याङ् ते़न्धङ्, साक्वान् नु मिङ्देॽलाम् के़हिङ्बा मनाहाॽ खक्पे़त् आङ्गाॽ नबुकदनेसर हाङ्ङिन् नु के़निङ्मिहाॽ, खे़ब्याङ् खिनिॽ मे़ङ्मा निङ्वाॽ के़जोःक्पाहाॽरे़ के़म्दे़म्सि के़म्देॽरिर चोगुङ्ॽ॥ खे़ल्ले़ खिनिॽ आत्तिन्नाङ् कुहिङ्वे़त् के़न्ले़रिन्ॽ इग्र कुलुङ्माॽ स्याःत् के़ल्लॽरिन्, कुलुङ्माॽ फ्याःङ् के़ल्लॽरिन् हे़क्क्याङ् लुङ्माॽआङ् के़न्दुक्तिन्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥’
खे़ल्ले़चोगुल्ले़ आल्ल आङ्गाॽ खे़ने़ॽ के़दक्ले़ङ्वाओ साॽरिक् कुॽइगे़भे़म्बा मे़न्छाम् सुवाङ्हाॽओबा वेॽ लाजेॽबा थक्सुबाहाॽ तारुङ्सिङ्लो॥ निङ्वाॽ के़माबा के़सिक्कुम् निङ्वाःल्ले़ कुदक्ले़ङ्वाओ खे़ङ्हाॽरे़ खुन्छिॽ ताभेहाॽ मे़भिःक्खुरो हे़क्क्याङ् खे़ने़ॽ के़हाङ्वा के़माङ्वान् मे़जिःन्दुरो!
साॽरिक् कुॽइगे़भे़म्बा मे़न्छाम् सुवाङ्हाॽओबा वेॽ लाजेॽबा थक्सुबाहाॽरे़ कन् मे़दाङु हे़क्क्याङ् खाम्बाङ्ङो मे़सोःन्दुआङ् ने़स्से़॥ कल्ले़ कुबोराक्हाॽ कोःक्मा फाङ्जङ् थे़गु माङ्वाहाॽओ हे़क्क्याङ् ने़ने़बादे़न्हाॽओ नु पाक्लुम्लुम्बाहाॽओ के़रे़क् पिसाङ् हत्छे़ हत्छे़ से़रे़आङ् ने़स्से़॥ कल्ले़ इःप्तुबादे़न्नो के़युङ्बा के़रे़क् माःङ्घा मे़बेआङ् मे़वये़ हे़क्क्याङ् कन् के़जोःम्बान् खे़प्मो मे़ले़रुरो॥
खे़ङ्हाॽरे़ खुन्छिॽ तगि तगि मिःल्ले़ खाप्पुथ्यःङ् चोगुरो खे़ङ्हाॽरे़ खुन्छिॽ एगाङ् एगाङ् मिधुङ् मिराःक् तिःत्लो॥ खे़ङ्हाॽरे़ खुन्छिॽ तगाङ् खाम्बाङ्ङिन् अदनबा सिङ्सेॽइक् हे़क्तङ्बा चोक्लो, खे़ङ्हाॽरे़ खुन्छिॽ एगाङ् मुरे़ःक् खे़रे़ःक् थेआङ् के़होःप्पादे़न् हे़क्तङ्बा चोक्लो, खे़ङ्हाॽओलाम् थेःन्नाङ् खे़त्छिङ्मा मे़सुक्ने़न्लो॥
Piblisite