8 खे़ब्याङ् नुहःल्ले़ खाम्बेःक्मो च्वाःत्तिन् युमे़बि फाआङ् लत्छा पुत्तुःक्के थिक्काङ् फे़सुदेसु॥
याक्पेन् काॽरे़आङ् खे़ल्ले़क् पःक्खे़बा ते़न्नो के़जिङ्सिङ्बाआङ् के़युङ्बा आसाप्पे़त्त्रुःक्माने़रो, खे़ने़ॽ नुमा के़नारान् आङ्गाॽ ओसेःन्धाक्ताङ्ङे़ॽओ, खे़ने़ॽ सेःम्सेःम्बा के़इक्लान् खे़म् पाङ्घाङ्ङे़ॽओ!
“खे़प्से़म्मे़ॽओ! मे़ल्लुक्हाॽ पराबाहाॽरे़ खुनिॽ लुम्मो पाङ्मनाबा कुइसिक् पाङ्निङ्लो॥ हे़क्केःल्ले़ खिनिॽ असेःक्पा हे़क्के चाचाःप्पा नु पुत्तुःक्के हे़क्के कुदोःप्मा पोःक्खे़म्मे़ॽओ॥
आङ्गाॽ लुङ्माॽ हिःप्ने़माए, खे़ने़ॽ चाॽरिक् पनुनुमा के़जोःक्लो! चाॽरिक् पनुनुमा के़जोःक्लो! ने़त्छि के़मिक्हाॽ साप्पे़त्त्रुःक्माहाॽ हे़क्के लॽरो!
हे़क्क्याङ् लत्छा काःक्वाधिक् फे़सुदेसु, हे़क्क्याङ् खाम्बेःक्मोबा च्वाःत्तिन् मे़न्जप्पे थारिक् खे़न् काःक्वान् ना नु कत्ना पे़रे़र वये़॥
खे़न् पुत्तुःक्केःल्ले़ लाङ् तोॽमादे़न् मे़घोसुन्नाङ् खे़न् खुने़ॽओए वालाधाओ नुःक्खे़द्ये़, थेआङ्भे़ल्ले़ खाम्बेःक्मो आल्लसाङ् च्वाःत् ने़स्से़॥ खे़ब्याङ् नुहःल्ले़ कुहुक्किन् सन्छुआङ् खे़न् पुत्तुःक्केन् ते़म्सुआङ् खुने़ॽनु वालाधाओ केःत्तु॥