तोलिङ्सोमु 8:21 - लिम्बु21 यहवे दाङ्बाल्ले़ खे़न् कुनाम्गे़नुॽबा सिदुङ्जभा मिःक्खुॽइन् नाम्सुआङ् कुनिङ्वाॽओ पाःत्तु, “मे़न्छाम् याप्मिःल्ले़ कुनिङ्वाॽओबा पाःन्हाॽ खुने़ॽ चुःक्काङ्धोसा ताप्फे़ःम्बा चोक्, हे़क्केसाङ् ताप्फे़ःम्बा मे़न्छाम् याप्मिःल्ले़ चोगुल्ले़ आङ्गाॽ याम्मो आभे़ल्ले़आङ् इक्सादिङ् खाम्बेःक्मान् साक्मुरा मे़मे़त्तान्॥ आल्लो चोगुङ्बा कुइसिक् के़रे़क् थक्सापुसाहाॽ याम्मो आभे़ल्ले़आङ् मे़मे़ङ्ङासिङिन्॥ Gade chapit la |
तोलिङ्सोमु 8:21
50 Referans Kwoze
खिनिॽ के़म्दे़म्सि के़म्देॽरिबा मे़न्छाम् सुवाङ्हाॽलाम् हे़क्क्याङ् फुत्छिङ्ज्याङ् के़से़रि के़बेगिबालाम् सुम्निङ् ताःत्निङ्ङिल्ले़ आङ्गाॽ आनिङ्वाॽ के़दाबा सिदुङ्जभा कुइसिक् आङ्गाॽ ताःक्निङ्ॽ॥ हे़क्क्याङ् खिनिॽ लुम्मो आङ्गाॽ सेसेबा चोःक्काबा पाःन्निन् ओसेःन्धाङ् चोगुङ्ङिल्ले़ के़रे़क् मे़न्छाम् सुवाङ्हाॽरे़ मे़निसुॽ॥
खुने़ॽ खे़ल्ले़ कुहिदुत् कुधे़ङाङ् नु कुलाङ्हाॽ च्वाःत्तिल्ले़ वाहप्तुर, हे़क्क्याङ् खे़न् के़रे़क्के निङ्वाॽफुसाम्बाल्ले़ ले़त्ति तोःम्मादे़न्नो मिधिक्खुदेसुर॥ यहवे दाङ्बाल्ले़ कन् लत्छा कुसिराॽगे़धाङ्बा कुनाम्गे़नुॽबा, मिलाम्बा तोःम्मनाबा मिधिङ्मनादेमनाबा वयागे़न् सिदुङ्जभारो॥
खे़न् एगाङ् आदम्मे़न् खुने़ॽ मे़त्तु, “खे़ने़ॽ मे़ल्लिङ्गे़न् के़मेःत्तिल्ले़ कुबाःन्निन् के़घे़प्सुआङ् मे़न्जाओ फाॽआङ् इङ्जाङ् पिने़बा सिङ्बुङ्ङिल्ले़ कुजाॽइन् के़जबाल्ले़ चोगुल्ले़, “खे़ने़ॽ के़जोगुल्ले़ खाम्बेःक्मो साङ्ग्रा माङ्दे थ्ये़आङ् वाॽरो॥ खे़ने़ॽ के़हिङ्हिङ् तुक्खे के़जोगुआङ् खे़ल्ले़ फत्छुबा कुजान् के़जरो॥
आङ्गाॽ आने़क्खोन् हङ् मे़त्तुङ्ङाङ् पान् खे़प्सुङ्लो, खे़ङ्हाॽग से़क्खा पान् मे़म्बाःप्ने़न्लो॥ कन्हाॽ लत्छाआङ् आबाङे ताप्फे़ःम्बा लायो चोःक्मालाम् मे़हिन्दे़बा होप्लो, खे़ङ्हाॽओ लत्छा थिक्ले़आङ् ‘आङ्गाॽ ताप्फे़ःम्बा चोगुङ्’ फाॽआङ् मे़इःत्तुबा होप्लो॥ अन्निन् थङ्ङो तगि लोःक्काङ् पेःक्लो खे़न् हे़क्के कन्हाॽ के़रे़क् आबाङे लाम्मो मे़धासिङ् मे़बेबान् मे़बेबाए मे़बोःक्खे़रो॥
खे़ल्ले़चोगुल्ले़ यहवे दाङ्बाल्ले़ पाःत्तु, “आङ्गाॽ नावागे़न् चइःत् चोगुङ्बा मे़न्छाम् याप्मिन् इक्सादिङ् खाम्बेःक्कोलाम् मे़क्खुङ्ॽ, मे़न्छाम् याप्मि, के़उःङ्सिङ्बा कुबु थक्सा, के़बे़बा पुसा के़रे़क् मे़क्खुङ्सिङ्ॽ, थेआङ्भे़ल्ले़ आङ्गाॽ खे़ङ्हाॽ चोगुङ्सिङ्बाओ आनिङ्वाॽ तुगे़आङ् वाॽ॥”
खे़ल्ले़चोगुल्ले़ निङ्वाॽफुमाङ्ङिल्ले़ नुहन् मे़त्तु, “के़रे़क् मे़न्छाम् याप्मिहाॽ मे़ङ्मासि निङ्वाॽ चोगुङ्ङाङ् वाॽ, थेआङ्भे़ल्ले़ खे़ङ्हाॽरे़ मे़जोगुल्ले़ इक्सादिङ् खाम्बेःक्मान् थक्सिङ्मा से़त्छिङ्माल्ले़ तिम्से़आङ् ने़ःॽ॥ ओमे़त्ते़ॽ, खे़ङ्हाॽ आङ्गाॽ इक्सादिङ् खाम्बेःक्मान्नु सोरिक् मे़क्खुङ्सिङ्ॽ॥
खे़ल्ले़ के़रे़क् कुसोःत्तिन् तङ्जुम्बा सिदुङ्जभाःल्ले़ कुसोःत्तिन् हे़क्के खे़ल्ले़ लःत्तुर, हे़क्क्याङ् निङ्वाॽफुसाम्बाल्ले़ यहवे दाङ्बे़ल्ले़ कुलागि ले़त्ति तोःम्मादे़न्नो खे़न् मिधिक्खुर हे़क्क्याङ् खे़न् कुनाम्गे़नुॽबे़ल्ले़ यहवे दाङ्बे़न् कुनिङ्वाॽ तासु पिरु॥ कम्भलॽरिक् निङ्वाॽफुसाम्बाल्ले़ खे़ल्ले़ कुलागि लायोलाम् ले़प्मि नाःक्तु पिरुॽ, खे़ब्याङ् खे़ल्ले़ लायोलाम् ले़प्मि खोसुॽ॥
खे़न् एगाङ् मोसाःल्ले़ खे़ङ्हाॽरे़ खुन्छिॽ हुक्कोलाम् थाःङ् पङ्मनाबा सिदुङ्जभाहाॽ याङ्सिङ्ङाङ् यहवे दाङ्बाओ हारुने़न् नु कुस्साहाॽ तोःम्मासिरे़ लागि मिओलाम् तोःम्मनाबा, कुनाम्गे़नुॽबा कुनाम् तोःम्मनाबा हे़क्के मिधिङ्मनादेमनाबा वयागे़न् सिदुङ्जभा के़ने़बा ले़त्ति तोःम्मादे़न्निल्ले़ कुसम्धाङ् मिधिक्खु॥
यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा पोगुगे़न् कुजा सिदुङ्जभा कुइसिक् तोःन्दे़म्मे़ॽ॥ कन् सिदुङ्जभाहाॽओ मिधिङ्मनादेमनाबा सिदुङ्जभा, माङ्हुप् के़प्मा सिदुङ्जभा इग्र आबाङे निङ्वाॽरे़ तोःम्मनाबा सिदुङ्जभा, तङ्बेओबा तङ्नाम्हाॽओ तोःम्मा के़बोङ्बा सिदुङ्जभा तोःन्दे़म्मे़ॽ, हे़क्क्याङ् खिनिॽ पित्थक्सा इग्र मे़ल्लुक् मे़ःन्दाक्हाॽलाम् सिदुङ्जभाहाॽ तोःम्मा के़सुक्तुम्ॽ॥
आदाङ्बा हाङ्ङे, आङ्गाॽ थे पाःत्तुङ् नुरिक् खे़प्से़ॽओ॥ यहवे दाङ्बे़ल्ले़ए खे़ने़ॽ आङ्गाॽ आदक्ले़ङ्वाओ के़भोःक्खे़बाने़फग्र कन् सिदुङ्जभान् खुने़ॽ ताःक्तुर॥ कर मनाहाॽरे़ मे़जोगुबाने़भग्र यहवे दाङ्बाल्ले़ कुदगि खे़ङ्हाॽ सम्धाङ् माङ्दे साक्मुरा थाररो॥ थेआङ्भे़ल्ले़ खे़ङ्हाॽरे़ वेॽ माङ्हाॽ से़वा मे़त्तुसिर फाॽआङ् खे़ङ्हाॽरे़ यहवे दाङ्बाल्ले़ कुलक्लाम् आङ्गाॽ मे़लःत्ताङ्ङाङ् वाॽआरो॥
Piblisite