तोलिङ्‌सोमु 43:5 - लिम्‍बु

⁵ कर खे़न् के़म्‍बाङ्‌सुन्‍ने़ फाग्र आनिगे मे़बेगिगे़न्‍लो, थेआङ्‌भे़ल्‍ले़ खे़न् मनाःल्‍ले़ ‘खिनिॽ नुसाॽइन् खिनिॽनु होःप्‍ने़ फाग्र आङ्‌गाॽ आदगाङ् तामा के़ङ्‌घोसिल्‍लो’ फाआङ् आनिगे मे़त्तिगे़आङ् वाॽ॥”

तोलिङ्‌सोमु 43:5 Referans Kwoze

लाम्‍दिक् 20:12

“खिनिॽ पानुदिङ् पा नु मानुदिङ् माहाॽ मिङ्‌सोइङ्‌धाःङ् पिरे़म्‍सिम्‍मे़ॽ, यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ के़बिरिबा लाजेॽओ खिनिॽ इरिक् के़हिङिर॥

तोलिङ्‌सोमु 44:26

खे़ब्‍याङ् आनिगे खुने़ॽ मे़त्तुम्‍बे़, ‘आनिगे पेःक्‍मा मे़सुक्‍तिगे़ल्‍लो॥ आनिगे फोःक्‌वाबा नुसाॽइन् आनिगे़नु पेःक्‍किल्‍ले़रक् आनिगे पेगिगे़॥ थेआङ्‌भे़ल्‍ले़ आनिगे फोःक्‌वाबा नुसाॽइन् आनिगे़नु मे़बेःक्‍ने़न्‍नि फाग्र खे़न् मनाःल्‍ले़ कुदगि आनिगे पेःक्‍मा मे़घोसिगे़ल्‍लो॥’

तोलिङ्‌सोमु 42:38

कर याकुबरे़ मे़त्तु, “आङ्‌गाॽ आस्‍सान् खिनिॽनु मे़बेःक्‍ने़न्, थेआङ्‌भे़ल्‍ले़ कुम्‍भुॽइन् मासिङ्‌घे़रे़, हे़क्‍क्‍याङ् आल्‍ल खुने़ॽरक् ताङे़आङ् वाॽ॥ खिनिॽ लाम्‍दिःक्‍को खुने़ॽआङ् के़साक्‍पा पान् तुमुल्‍ले़ग, खिनिॽ कन् के़भुप्‍पा आधे़गेःक्‍के़न् निङ्‌साङ् पुक्‍मोए इःप्‍पुङ्‌ङो के़गे़त्तुम्‍लो॥”

तोलिङ्‌सोमु 42:20

कर खिनिॽ फोःक्‌वाबा नुसाॽइन् कॽयो आङ्‌गाॽओ तारे़म्‍मे़ॽ॥ अक्‍खेलॽरिक् खिनिॽ पाःन्‍निन् से़क्‍खारो फाॽआङ् निदे़त्‍लो, हे़क्‍क्‍याङ् खिनिॽ के़न्‍छ्‌ये़ॽइन्‍लो॥” खे़ङ्‌हाॽ हे़क्‍के चोःक्‍मा मे़दे़न्‍दे़॥

तोलिङ्‌सोमु 43:3

कर यहुदाःल्‍ले़ खुने़ॽ मे़त्तु, “खे़न् मनाःल्‍ले़ ‘खिनिॽ नुसाॽइन् खिनिॽनु मे़न्‍दाःत्ते थारिक् आङ्‌गाॽओ तामा के़ङ्‌घोसिन्’ मे़त्तिगे़आङ् के़साक्‍पा साम्‍दिङ् पिरिगे़आङ् वाॽ॥

तोलिङ्‌सोमु 43:4

खे़ने़ॽ आनिगे नुसाॽइन् आनिगे़नु के़बाङ्‌सुग्ररक् आनिगे पेगिगे़आङ् के़लागि चा इङुम् थाक्‍तुम्‍बे़॥

तोलिङ्‌सोमु 43:6

याकुबरे़ मे़त्तु, “खिनिॽ खे़न् मनान् आनिगे वेॽ नुसाॽधिक् वाॽ के़मे़त्तुम्‍माङ् खिनिॽ थेआङ् आङ्‌गाॽओ तुक्‍खे के़दारुम्‍बाबे?”

तोलिङ्‌सोमु 44:23

कर आदाङ्‌बारे़ के़से़वारोबाहाॽ के़मे़त्तुसि, ‘खिनिॽ फोःक्‌वाबा नुसाॽइन् खिनिॽनु मे़दाने़न्‍ने फाग्र आङ्‌गाॽ आदगि तामा खिनिॽ के़ङ्‌घोसिल्‍लो॥’

तोलिङ्‌सोमु 42:15

आल्‍ल अक्‍खेलॽरिक् खिनिॽ साॽनिङ्‌लो॥ फारोन् कुहिङ्‌वे़त् वाॽबा हे़क्‍के, खिनिॽ फोःक्‌वाबा नुसाॽइन् मे़न्‍दाए थारिक् खिनिॽ कन् ते़न्‍नोलाम् पेःक्‍मा के़ङ्‌घोसिल्‍लो॥

तोलिङ्‌सोमु 44:25

“आनिगे पाःल्‍ले़ मे़त्तिगे़, ‘याम्‍मो पेगे़म्‍मे़ॽआङ् मिसाक् चा इङे़म्‍मे़ॽ’