Biblia Todo Logo
Bib sou entènèt

- Piblisite -




तोलिङ्‌सोमु 39:6 - लिम्‍बु

6 खे़ल्‍ले़चोगुल्‍ले़ खुने़ॽ कत्तुबा के़रे़क् पाःन्‍हाॽ युसुफरे़ कुहुक्‍को युक्‍खु पिरु॥ खुने़ॽ कुजामा कुधुङ्‌माआङ्‌धो खुने़ॽ कत्तुबा आत्तिन् पाःन्‍निन्‍नाङ् यार मे़जोगुन्॥ युसुफे़न् कुइत् के़दाबा नु नुबासुक्‍पा चोगे़॥

Gade chapit la Kopi




तोलिङ्‌सोमु 39:6
12 Referans Kwoze  

कुये़म्‍बाःल्‍ले़ खुने़ॽ साॽरिक् नासाॽरुरो, हे़क्‍क्‍याङ् खे़ल्‍ले़ नुबा पान् खोमा के़साक्‍पा मे़दुमुन्‍लो॥


खे़ल्‍ले़चोगुल्‍ले़ यिसैरे़ खे़न् फोःक्‌वाबे़न् कुलासे़ पाङ्‌घुसि॥ खे़न् कुनारा मराःक्‍याःप्‍पा, कुमिक् चाःत्‍चाःत् के़लॽबा हे़क्‍क्‍याङ् साॽरिक् नुःब्‍सुक्‍पा वये़॥ यहवे दाङ्‌बाल्‍ले़ सामुए़ले़न् मे़त्तु, “आङ्‌गाॽ सेःन्‍दुङ्‌बा मनान् कन्‍नेरो, हाङ् सेःन्‍दे़ॽ॥”


लिआरे़ कुमिक्‍हाॽ थःम्‍धःम्‍बा चोगे़, कर राहेल्‍ले़न् नारा नु थक्‍ला लिङ्‌गे़न्‍नो नुमा चोगे़॥


हे़क्‍क्‍याङ् खे़ल्‍ले़ मे़त्तु, “नुरे़रो आसेवारोबे, साॽरिक् नुबा के़जोगुरो! खे़ने़ॽ थिबोङ् ये़क्‌यक् सम्‍दाङ् सुहाङ्‌गे़म्‍बा के़बोङ्‌लो, थेआङ्‌भे़ल्‍ले़ चुक्‍सा पाःन्‍नो नसाःन्‍साबा के़बोःक्‍खे़रो॥”


“बा खे़न् ये़म्‍मो मोसान् सावाःन्‍छिङ्॥ खुने़ॽ निङ्‌वाॽफुमाङ्‌ङिल्‍ले़ कुनिमाओ साॽरिक् नुबा अङे़ःक्‌वा चोगे़॥ खुने़ॽ हिम्‍मो ला सुम्‍सि थारिक् कुम्‍बा कुम्‍मासिरे़ चिक्‍खे़छुआङ् कत्ते़छुरो॥


“हे़क्‍क्‍याङ् आत्तिन् मनान् चुक्‍सा पाःन्‍नो लक्‍पे़न्‍साबा चोक्, खे़ल्‍ले़ यम्‍बा पाःन्‍नो लक्‍पे़न् खोसुॽरो॥ हे़क्‍क्‍याङ् आत्तिन् मनान् चुक्‍सा पाःन्‍नो नसाःन्‍साबा मे़जोक्‍ने़न्, खे़न् यम्‍बा पाःन्‍नोआङ् नसाःन्‍साबा मे़बोङ्‌ने़ल्‍लो॥


खे़ब्‍याङ् युसुफरे़ कुलागि वेॽ हे़क्‍क्‍याङ् खुने़ॽ कुम्‍भुॽ कुन्‍साॽसिरे़ लागि वेॽ हे़क्‍क्‍याङ् खुने़ॽनु के़जाबा मिस्रिहाॽरे़ लागि वेॽ तःक् मे़युक्‍खु, थेआङ्‌भे़ल्‍ले़ मिस्रिहाॽरे़ हिब्रुहाॽनु सोसोरिक् युङ्‌माआङ् चामा मे़न्‍नुॽमनाबा वये़॥ हे़क्‍के चोःक्‍मा मिस्रिहाॽरे़ लागि सिक्‍के़ले़ःङ्‌बा पान् वये़॥


युसुफरे़ ओमे़प्‍मा के़बोङ्‌बा आत्तिन् पाःन्‍नोआङ् पुङ्‌लाहिम् ओगे़मप्‍पा सुहाङ्‌गे़म्‍बाल्‍ले़ ओमे़प्‍माए चाहाब् मे़जोगे़न्, थेआङ्‌भे़ल्‍ले़ यहवे दाङ्‌बान् युसुफे़न्‍नु वये़॥ युसुफे़ल्‍ले़ थे चोगुसाङ् यहवे दाङ्‌बाल्‍ले़ खुने़ॽ कुलिङ्‌दो के़त्तुबिरुरो॥


कर खुने़ॽ मे़दे़न्‍दे़न्‍नाङ् कुन्‍दाङ्‌बाल्‍ले़ कुहिम्‍सामे़न् मे़त्तु, “ओमे़त्ते़ॽ, आङ्‌गाॽ कन् हिम्‍मो वाॽआबाल्‍ले़ चोगुल्‍ले़ आन्‍दाङ्‌बान् आत्तिन् पाःन्‍नोआङ् निङ्‌साङ् मे़जोक्‍ने़न्, हे़क्‍क्‍याङ् खुने़ॽ कत्तुबा के़रे़क् पाःन्‍हाॽ आहुक्‍को पिराङ्‌ङाङ् वाॽ॥


खे़ल्‍ले़चोगुल्‍ले़ पोतिफरे़न् युसुफे़न्‍नु कुनिङ्‌वाॽ त्‍ये़आङ् के़रे़क् पाःन्‍हाॽ हुक्‍सुप्‍तुआङ् याःम्‍बक्‍हाॽ के़हिबा के़दङ्‌बा चोगु॥


खे़ल्‍ले़ दाउदे़न् नुरिक् याबोॽरुर ओमत्तु, हे़क्‍क्‍याङ् कुनारा मराःक्‍क्‍याःप्‍पा नु नुबादाबा हिन्‍जाॽइन् निसुआङ् खे़न् चिःप्‍मा हेःक्‍तु॥


Swiv nou:

Piblisite


Piblisite