तोलिङ्‌सोमु 26:12 - लिम्‍बु

¹² इसहाक्‍के़ल्‍ले़ याक्‌वा याॽरिःम्‍बा हेॽरु, हे़क्‍क्‍याङ् बाखे़न् तङ्‌बेओ किप्‍थिक् ले़ङ्‌नुःल्‍ले़ यरिक् कुजा फत्‍छु, थेआङ्‌भे़ल्‍ले़ यहवे दाङ्‌बाल्‍ले़ खुने़ॽ हाङ्‌वा मुॽइसाम् थासुपिरु॥

तोलिङ्‌सोमु 26:12 Referans Kwoze

तोलिङ्‌सोमु 26:3

हाबा कन् लाजेॽओ सप्‍फा युङे़ॽ, हे़क्‍के के़जोगुने़ फाग्र आङ्‌गाॽ खे़ने़ॽनु वाॽआ हे़क्‍क्‍याङ् हाङ्‌वागे़न् मुॽइसाम् पिने़॥ के़म्‍बा अब्राहाम्‍मे़न्‍नु चोगुङ्‌बा माङ्‌हुप्‍पिन् के़त्तुङ्‌ॽ हे़क्‍क्‍याङ् कन् के़रे़क् लाजेन् खे़ने़ॽ नु के़मुइदाङ्‌साहाॽ पिनिङ्‌लो॥

मर्कुस 4:8

वेॽ याॽरिःम्‍बे़न् नुबा खाम्‍मो चुक्‍ते़॥ हे़क्‍क्‍याङ् लिङे़आङ् खे़ङ्‌हाॽरे़ सुम्‍बोङ् ले़ङ् (३०), तुक्‍पोङ् ले़ङ् (६०) हे़क्‍क्‍याङ् किप्‍थिक्‍ले़ङ् (१००) थारिक् कुजाॽ पत्‍छे़रो॥”

खाहुन्‍साबा 11:6

तानाम्‍सा याॽरिःम्‍बान् हेॽरे़ओ, युःन्‍छिक्‍काङ् याःम्‍बक् मे़न्‍जोःक्‍के स्‍वाःत् मे़युङे़न्‍ने़ॽओ॥ थेआङ्‌भे़ल्‍ले़ याॽरिःम्‍बाल्‍ले़ कुजाॽ फत्‍छुॽ आल्‍लो हेॽमनाबा याॽरिःम्‍बान् इग्र चोःक्‍मनाबा याःम्‍बक्‍किन् इ नुबा पोङ्‌बि, खे़न् खे़ने़ॽ आप्‍फाल्‍ले़आङ् के़न्‍निसुन्‍लो॥

निङ्‌वाॽफु साम्‍लोसुम् 67:6

हे़क्‍क्‍याङ् इक्‍सादिङ् खाम्‍बेःक्‍माल्‍ले़आङ् यरिक् पगुगे़न् कुजा थोःक्‍ल याःन्‍दुरो, हे़क्‍क्‍याङ् निङ्‌वाॽफुमाङ्, आनिॽ निङ्‌वाॽफुमाङ्‌ङिल्‍ले़ हाङ्‌वागे़न् मुॽइसाम् आबिरो॥

तोलिङ्‌सोमु 24:35

यहवे दाङ्‌बाल्‍ले़ आङ्‌गाॽ आन्‍दाङ्‌बे़न् यरिक् मुॽइसाम् पिरुआङ् खुने़ॽ याङ्‌साकुन्‍धेसाबा यम्‍बा मना पोःक्‍खे़आङ् वाॽ॥ यहवे दाङ्‌बाल्‍ले़ खुने़ॽ मे़ल्‍लुक् नु मे़ःन्‍दालुप्‍हाॽ, हे़क्‍क्‍याङ् पित्‍हाॽ, साम्‍म्‍याङ् युप्‍पा, से़वारोबा से़वारोमाहाॽ, उमेहाॽ हे़क्‍क्‍याङ् अदङ्‌हाॽ पिरुआङ् वाॽरो॥

तोलिङ्‌सोमु 24:1

आल्‍ल अब्राहाम्‍मिन् काप्‍पोबा तुम्‍से़घे़रे़आङ् वये़, हे़क्‍क्‍याङ् यहवे दाङ्‌बाल्‍ले़ के़रे़क् पाःन्‍हाॽओ अब्राहाम्‍मे़न् हाङ्‌वागे़न् मुॽइसाम् पिरुआङ् वये़॥

१ कोरन्‍थि 3:6

इङ्‌गाॽ याॽरिःम्‍बा लेःत्तुङ्, अप्‍पोलोसरे़ च्‍वाःत् केःत्तु, कर निङ्‌वाॽफुमाङ्‌ङिल्‍ले़ फोसुरो॥

जकरिया 8:12

“खिनिॽ हुक्‍हाॽ के़धुम्‍बा पोङ्‌ल थेआङ्‌भे़ल्‍ले़ याॽरिःम्‍बाहाॽ नुरिक् पोधाङ्, चे़ल्‍ले़क्‍सेःल्‍ले़ कुबुङ्‌ङो कुजाॽ थोक्, खाम्‍बाङ्‌ङिल्‍ले़ पोगुगे़न् कुजा फत्‍छुॽ, खम्‍भ्‍याङ् ताङ्‌साङ्‌बे़ल्‍ले़ सेःक्‌वा थासुॽ॥ आङ्‌गाॽ कन् के़रे़क् पाःन्‍हाॽ कन् के़हिङ्‌बा के़याःक्‍पा मनाहाॽ लक्‍खोमा युक् पिरुङ्‌सिङ्‌ॽ॥

अयुब 42:12

यहवे दाङ्‌बे़ल्‍ले़ अयुबे़न् एगाङ्‌समा कुहिङ्‌मा ये़म्‍मो तगिबा ये़म्‍मिन्‍नुःल्‍ले़आङ् यरिक् मुॽइसाम् पिरु॥ अयुबे़न् १४,००० मे़ल्‍लुक्, ६,००० उमे, १,००० कुगाप् पित् हे़क्‍क्‍याङ् १,००० अदङ् थक्‍साहाॽरे़ कुन्‍दाङ्‌बा पोःक्‍खे़॥

तोलिङ्‌सोमु 30:30

थेआङ्‌भे़ल्‍ले़ आङ्‌गाॽ तामानुःल्‍ले़ तगि खे़ने़ॽ मिसाक्‍लक् के़गत्तुसि हे़क्‍क्‍याङ् आल्‍लो आत्तातान्‍ने यरिक् मे़बोन्‍दे़आङ् मे़वाॽ॥ आङ्‌गाॽ चोगुङ्‌बा के़रे़क् पाःन्‍नो यहवे दाङ्‌बाल्‍ले़ मुॽइसाम् के़बिरे़आङ् के़वाॽ॥ कर आङ्‌गाॽ आहिम्‍सयङ्‌हाॽरे़ लागि आभे़ल्‍ले़ याःम्‍बक् चोगुङ्‌बाबे?”

मत्ति 13:8

कुभा याॽरिःम्‍बे़ङ्‌ग नुबा खाम्‍मो चुक्‍ते़रो॥ खे़ङ्‌हाॽओ किप्‍थिक्‍ले़ङ् (१००), तुक्‍पोङ् ले़ङ् (६०) नु सुम्‍बोङ् ले़ङ् (३०) थारिक् कुजाॽ पत्‍छे़रो॥

निङ्‌वाॽफु साम्‍लोसुम् 72:16

लाजेॽओ के़रे़क् पिसाङ् साॽरिक् पोगुगे़न् कुजा थोःक्‍लरो, कोःक्‍मा फाङ्‌जङ्‌हाॽओ सिक्‍सम्‍ल खे़न् हुःक्‍तु थाङ्‌लरो॥ लेबनान लाजेॽबा सिङ्‌बुङ्‌हाॽ हे़क्‍के खे़ल्‍ले़ यरिक् कुजाॽ पत्‍लरो, हे़क्‍क्‍याङ् लाजेॽओबा याःन्‍सुङ् हे़क्‍के खे़न् हुरुम् हुरुम् लॽ थाङ्‌लरो॥

मत्ति 13:23

हे़क्‍क्‍याङ् नुबा खाम्‍मो के़जुक्‍पा याॽरिःम्‍बे़ङ्‌ग पाःन्‍जाक्‍किन् के़घे़म्‍बाआङ् कुसिङ् के़निःप्‍पा मना कुइसिक् चोक्‍लो, हे़क्‍क्‍याङ् खे़ल्‍ले़ किप्‍थिक्, तुक्‍पोङ् नु सुम्‍बोङ् ले़ङ् थारिक् कुजाॽ फत्‍छुरो॥”

तोलिङ्‌सोमु 26:29

आनिगे खे़ने़ॽ थेआङ् ताप्‍फे़ःल्‍लिक् मे़म्‍मे़त्ते नुरिक् मे़त्तासिगे़आङ् सनारुङ्‌ङो पाङ्‌ने़छिगे़बा हे़क्‍के खे़ने़ॽआङ् आनिगे हान्‍ति मे़जोगे़न्‍ने़ॽओ॥ हे़क्‍क्‍याङ् आल्‍ल ओमे़त्ते़ॽ, यहवे दाङ्‌बाल्‍ले़ खे़ने़ॽ कम्‍भ्‍यारिक् यरिक् मुॽइसाम् के़बिरे़आङ् वाॽ॥”

खाहुन् 10:22

यहवे दाङ्‌बे़ल्‍ले़ कुहाङ्‌वा कुमुॽइःल्‍ले़ याङ्‌साकुन्‍धे तारुरो, हे़क्‍क्‍याङ् याःम्‍बुधिक्‍किल्‍ले़ याङ्‌साकुन्‍धेबा के़न्‍जोःक्‍ने़ल्‍लो॥

तोलिङ्‌सोमु 25:11

अब्राहाम्‍मिन् मासिङ्‌ङाङ् कुस्‍सा इसहाक्‍के़न् निङ्‌वाॽफुमाङ्‌ङिल्‍ले़ हाङ्‌वागे़न् मुॽइसाम् थासुपिरु॥ खे़न् ये़म्‍मो इसहाक्‍के़न् बेअर लहै रोइ कुबेसाङ् युङे़॥