तोलिङ्सोमु 24:7 - लिम्बु7 आङ्गाॽ आम्बारे़ कुहिम् नु आमनाहाॽरे़ खुन्छिॽ लाजेॽलाम् के़भे़प्पा साङ्ग्राम्पेदाङ् नु इक्सादिङ् खाम्बेःक्मोबा यहवे दाङ्बा निङ्वाॽफुमाङ्ङिन् माङ्हे़क्सिङ्ङाङ् आङ्गाॽनु कम्भलॽरिक् माङ्हुप् चोगुआङ् वाॽ, ‘आङ्गाॽ खे़ने़ॽ के़मुॽइदाङ्साहाॽए कन् लाजेन् पिरुङ्सिङ्॥’ आङ्गाॽ आस्साःल्ले़ कुलागि लत्छा मेःत्थिक् खे़प्मोलाम् फे़प्मा के़सुक्तुर फाॽआङ् खुने़ॽ कुमाङ्ला इङ्बाधिक् खे़ने़ॽ के़दगि पाङ्घुरो॥ Gade chapit la |
तोलिङ्सोमु 24:7
39 Referans Kwoze
अब्राहाम, इसहाक नु याकुब आदाङ्बारे़ के़से़वारोबाहाॽ निङ्वाॽ इःत्ते़से़ॽओ, खे़ङ्हाॽनु आदाङ्बारे़ आबाङे के़मिङ्ङो माङ्हुप् के़जोगु हे़क्क्याङ् आदाङ्बारे़ अक्खे के़बाःत्तुआङ् वये़, ‘आङ्गाॽ खिनिॽ मुॽइदाङ्साहाॽ ताङ्साङ्बोबा खेःम्सिक्पाहाॽ कुइसिक् यरिक् चोगुङ्सिङ्ॽ॥ आङ्गाॽ माङ्हुप् चोगुङ्बा कन् के़रे़क् लाजेन् खिनिॽ थिन्दाङ् सायोबोराहाॽ पिरुङ्सिङ्ॽ, हे़क्क्याङ् खे़ङ्हाॽ आभे़ल्ले़ आभे़ल्ले़ थारिक्साङ् खे़न् लाजेःल्ले़ लागि लक्के़घोबा मे़बोङ्ॽ॥’”
हे़क्क्याङ् आम्भा खे़न् ये़म्मो पयम् यम्बा किप्मा के़घुबा लुप्लि थाङे़आङ् खे़न् ये़क्यक्किन् थिबोङ्लक् यरे़ल्ले़ हे़न्छिङ् नुसि (७,०००) मनाहाॽ हदॽ मे़स्ये़रो॥ हे़क्क्याङ् मे़न्छिःम्ना काक् मनाहाॽ साॽरिक् मे़गिसे़आङ् साङ्ग्राम्पेदाङ्बा निङ्वाॽफुमाङ्ङिन् मुक्साम्दाङ्बा चोक् फाॽआङ् मिमिदिङ् मे़बिरुरो॥
“कन् हाङ्हाॽरे़ खुन्छिॽ ये़म्मो साङ्ग्राम्पेदाङ्बा निङ्वाॽफुमाङ्ङिल्ले़ आप्फाल्ले़आङ् मे़न्नुप्मनाबा हाङ्जुम् थिक् चोगुॽ, खे़न् हाङ्जुम्मिन् आप्फाल्ले़आङ् वेॽ सुवाङ्हाॽरे़ खुन्छिॽ हुक्को मे़जुक्ने़न्॥ कल्ले़ खे़न् हाङ्जुम्हाॽ के़रे़क् खाप्पुथ्यःङ् चोगुसिआङ् नुप्सुसिॽ, कर खे़न् हाङ्जुम्मिन् सदादिङ् आभे़ल्ले़आङ् मे़नुप्ने़न्॥
खे़ब्याङ् यहवे दाङ्बे़ल्ले़ मोसान् मे़त्तु, “कन् लाजेन् आङ्गाॽ अब्राहाम, इसहाक हे़क्क्याङ् याकुबे़न्नु अक्खेलॽरिक् माङ्हुप् चोगुङ्ङाङ् वये़, ‘आङ्गाॽ खिनिॽ मुॽइदाङ्साहाॽ कन् पिरुङ्सिङ्ॽ॥’ आङ्गाॽ कन् लाजेन् हाबा के़मिक्किल्ले़ ओगे़मे़त्तुर याःन्ने़, कर खे़ने़ॽ खे़प्मो पेःक्मा के़ङ्घोने़न्॥”
ओमे़त्ते़म्मे़ॽ, आङ्गाॽ खिनिॽ पिनिङ्ल पत्ताबा के़रे़क् इङ्जाङ्हाॽ सिङ्सिङ् ये़क्ये़क्काङ् इःत्ते़म् नाःत्ते़म्मे़ॽ, हे़क्केलॽरिक् खिनिॽ कुहिङ्वे़त् वाॽमा के़सुक्तिर हे़क्क्याङ् यरिक् पोःम्मा थे़ॽमा के़सुक्तिर, हे़क्क्याङ् यहवे दाङ्बे़ल्ले़ खिनिॽ पाधे़बाहाॽ माङ्हे़क्तुसिआङ् माङ्हुप् चोगुबा लाजेन् खिनिॽ पेःक्माआङ् युक् चोःक्मा के़सुक्तुम्लरो॥”
हाबा खे़न् से़न्दिक् यहवे दाङ्बान् खुने़ॽओ निधाःम्सिङ्, हे़क्क्याङ् मे़त्तु, “आङ्गाॽ के़म्बा अब्राहाम्मिल्ले़ कुनिङ्वाॽफुमाङ्आ॥ खे़ने़ॽ मे़ङ्गिए़ॽ थेआङ्भे़ल्ले़ आङ्गाॽ खे़ने़ॽनु वाॽआ॥ आङ्गाॽ खे़ने़ॽ हाङ्वामुॽइ पिने़, आसे़वारोबा अब्राहाम्मिन्नु चोगुङ्बा माङ्हुप्पिल्ले़ चोगुल्ले़ आङ्गाॽ के़मुॽइदाङ्साहाॽ फोसुङ्सिङ् पिने़॥”
खे़ङ्हाॽरे़ खुन्छिॽ के़रे़क् तुक्खेओ खुने़ॽ कुनिङ्वाॽ तुगे़रो, हे़क्क्याङ् खुने़ॽ आबाङे खे़ङ्हाॽ थे़ॽरुसिरो॥ खुने़ॽ खे़ङ्हाॽ लुङ्माॽ तुक्तुसि हे़क्क्याङ् नुरिक् मे़त्तुसिरो हे़क्क्याङ् मे़ल्लुङ् हुङुआङ् खे़ङ्हाॽ चोःक्युम्भो पिरुसिरो, खे़ब्याङ् उनाहुरिबा के़रे़क् ये़न्नो खुने़ॽ खे़ङ्हाॽ कुयुसिरो॥
“फारस लाजेॽबा पयम् हाङ् कोरेसे़ल्ले़ कुइङ्जाङ् कन् वाॽरो॥ यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ आङ्गाॽ के़रे़क् इक्सादिङ् खाम्बेःक्मोबा हाङ् चोगाङ्ङाङ् वाॽ हे़क्क्याङ् खुने़ॽ कुलागि यहुदा लाजेॽबा यरुसले़म ये़क्यक्को लत्छा माङ्हिम् चोःक्मा याःम्बक् पिराङ्ङाङ् वाॽ॥
यहवे दाङ्बे़ल्ले़ कुमाङ्लाइङ्बान् गिलगाललाम् बोकिमओ थोःक्सिङ् पे, हे़क्क्याङ् पाःत्तु, “आङ्गाॽ मिस्र लाजेॽलाम् खिनिॽ लःत्निङ् फे़त्निङ्, खे़ब्याङ् आङ्गाॽ खिनिॽ पाधे़बाहाॽ पिनिङ् मे़त्तुङ्सिङ्ङाङ् माङ्हे़क् चोगुङ्बा कन् लाजेॽओ खिनिॽ के़त्निङ् फे़त्निङ्॥ आङ्गाॽ पाःत्तुङ्, ‘आङ्गाॽ खिनिॽनु चोगुङ्ङाङ् वये़बा माङ्हुप्पिन् आभे़ल्ले़आङ् मे़भेःन्नान्॥
निङ्वाॽफुमाङ्ङिल्ले़ अङे़ःक्वान् हाबे़बा इक्लान् खे़प्सु॥ हे़क्क्याङ् निङ्वाॽफुमाङ्ङिल्ले़ कुमाङ्लाइङ्बाल्ले़ साङ्ग्राम्पेदाङ्लाम्बा हागारे़न् मे़त्तु, “हागारे, खे़ने़ॽ थे़मा तुक्खेन् के़दुमुबे? मे़ङ्गिए़ॽ, थेआङ्भे़ल्ले़ अङे़ःक्वान् ने़बा ते़न्नोलाम् खे़न् हाःप्पे़न् निङ्वाॽफुमाङ्ङिल्ले़ खे़प्सुआङ् वाॽरो॥
“खुने़ॽ मे़त्ताङ्, ‘आङ्गाॽ आत्तिन् यहवे दाङ्बाल्ले़ कुदगि लाङ्घेःक्का बा खुने़ॽए कुमाङ्लाइङ्बान् खे़ने़ॽनु पाङ्घु के़बि, हे़क्क्याङ् खे़ने़ॽ के़याःम्बक्किन् कुलिङ्दो के़त्, हे़क्क्याङ् खे़ने़ॽ आगाॽइ नु आम्बारे़ कुहिम्सयःङ्बाहाॽलाम् आस्साःल्ले़ कुलागि लत्छा मेःत् के़दारु के़बिरुरो॥
Piblisite