तोलिङ्‌सोमु 24:1 - लिम्‍बु

¹ आल्‍ल अब्राहाम्‍मिन् काप्‍पोबा तुम्‍से़घे़रे़आङ् वये़, हे़क्‍क्‍याङ् यहवे दाङ्‌बाल्‍ले़ के़रे़क् पाःन्‍हाॽओ अब्राहाम्‍मे़न् हाङ्‌वागे़न् मुॽइसाम् पिरुआङ् वये़॥

तोलिङ्‌सोमु 24:1 Referans Kwoze

गलाति 3:9

खे़ल्‍ले़चोगुल्‍ले़ अब्राहामरे़ नसान् चोगुआङ् मुॽइसाम् खोसुबा कुइसिक् ख्रिस्‍ते़न् नसान् के़जोःक्‍पा के़रे़क्‍ले़ हाङ्‌वागे़न् मुॽइसाम् मे़घोसुॽरो॥

मत्ति 6:33

कर के़रे़क्‍नुःल्‍ले़ तगि निङ्‌वाॽफुमाङ्‌ङिल्‍ले़ कुहाङ्‌जुम् नु कुसाम्‌योनिमान् कोःत्ते़म्‍मे़ॽ हे़क्‍क्‍याङ् कन् के़रे़क् पाःन्‍हाॽ खुने़ॽ के़बिरिॽरो॥

खाहुन् 10:22

यहवे दाङ्‌बे़ल्‍ले़ कुहाङ्‌वा कुमुॽइःल्‍ले़ याङ्‌साकुन्‍धे तारुरो, हे़क्‍क्‍याङ् याःम्‍बुधिक्‍किल्‍ले़ याङ्‌साकुन्‍धेबा के़न्‍जोःक्‍ने़ल्‍लो॥

तोलिङ्‌सोमु 13:2

यरिक् हिम्‍थक्‍सा नु साम्‍म्‍याङ् युप्‍पा कत्तुबाल्‍ले़ चोगुल्‍ले़ अब्राम्‍मिन् चाॽरिक् याङ्‌साकुन्‍धेसाबा पोःक्‍खे़आङ् वये़॥

तोलिङ्‌सोमु 18:11

अब्राहाम नु सारान् साॽरिक् काप्‍पोबा काप्‍मोमा तुम्‍से़त्‍छिआङ् वये़सि, हे़क्‍क्‍याङ् साराःङ्‌ग सागप्‍मारे़ लागि कुहप्‍सिङ्‌माआङ् मये़बेआङ् वये़॥

एफिसि 1:3

आनिॽ दाङ्‌बा ये़सु ख्रिस्‍तरे़ कुम्‍बा निङ्‌वाॽफुमाङ्‌ङिल्‍ले़ कुनारा पोररो॥ खुने़ॽए ये़सु ख्रिस्‍तलाम् साङ्‌ग्राम्‍पेदाङ्‌बा के़रे़क् याम्‍साम्‍गे़न् मुॽइसाम्‍मिल्‍ले़ आनिॽ मुॽइसाबा आजोगे़आङ् वाॽ॥

तोलिङ्‌सोमु 12:2

आङ्‌गाॽ खे़ने़ॽ लत्‍छा यम्‍बा सुवाङ् चोःक्‍ने़, हे़क्‍क्‍याङ् खे़ने़ॽ हाङ्‌वागे़न् मुॽइसाम् पिने़॥ आङ्‌गाॽ के़मिङ् तिःत्‍ल चोगुङ्‌ॽ, हे़क्‍क्‍याङ् खे़ने़ॽ हाङ्‌वागे़न् मुॽइसाम्‍ले़ कुबुङ् के़बोङ्‌लो॥

१ तिमोथि 4:8

नासिङ्‌गे़न् थक् सधासिङ्‌माल्‍ले़ कुभारक् इन्‍धाःङ् आबिॽ, कर याम्‍साम्‍गे़न् सधासिङ्‌मालाम् काक् परिक्‍ले़न् इन्‍धाःङ् आघोसुम्, थेआङ्‌भे़ल्‍ले़ साम्‌यो हिङ्‌मन्‍ले़न् माङ्‌हे़क्‍किन् कन् ये़म्‍मोबा नु ताये़म्‍मोबा हिङ्‌मन्‍नो आघोसुम्‍लो॥

यसैया 51:2

खिनिॽ थाःक्‍थे़बा अब्राहाम्‍मिन् हे़क्‍क्‍याङ् खे़निॽ के़गप्‍मा सारान् निङ्‌वाॽ इःत्ते़म्‍मे़ॽओ॥ आङ्‌गाॽ अब्राहाम्‍मिन् उःत्तुङ्‌ङिल्‍ले़ खुने़ॽरक् ए़क्‍लेःक् वये़रो, कर खे़न् आङ्‌गाॽ हाङ्‌वामुॽइ पिरुङ्‌लो खे़ब्‍याङ् खे़न् यरिक् फोसुङ्‌लो॥

लुका 1:7

कर खे़ङ्‌हाॽरे़ खुन्‍छिॽ सा-ए मे़होःप्‍ते़, थेआङ्‌भे़ल्‍ले़ इलिसिबारे़ कुसामुॽइ खक्‍सिङ्‌ङाङ् वये़, हे़क्‍क्‍याङ् ने़प्‍माङ् काप्‍पोबा काप्‍मोमा तुम्‍से़त्‍छिआङ् वये़त्‍छिरो॥

१ हाङ् 1:1

आल्‍ल दाउद हाङ्‌ङिन् खदाक्‍मि तुम्‍से़आङ् यरिक् तङ्‌बे के़रे़मारे़आङ् वये़, खुने़ॽ खाम्‍मादेत् मे़घाप्‍तुसाङ् खुने़ॽ मे़गोसे़न्॥

तोलिङ्‌सोमु 49:25

इग्र खे़ने़ॽ के़भाॽबाङ् के़म्‍बारे़ कुनिङ्‌वाॽफुमाङ्, खुने़ॽ के़भाॽरो, मुक्‍साम्‍दाङ्‌बा निङ्‌वाॽफुमाङ्, खुने़ॽ खे़ने़ॽ हाङ्‌वा मुॽइसाम् के़बिरो— थो साङ्‌ग्राम्‍पेदाङ्‌बा हाङ्‌वा मुॽइसाम्‍हाॽ, कुदिम्‍बे केःम्‍बा वबुन्‍हाॽओबा हाङ्‌वा मुॽइसाम्‍हाॽ, हे़क्‍क्‍याङ् साप्‍पोःक्‍कोबा हाङ्‌वा मुॽइसाम्‍हाॽ॥

तोलिङ्‌सोमु 25:20

हे़क्‍क्‍याङ् इसहाक्‍के़न् लिबोङ् तङ्‌बे के़रे़ल्‍ले़ पद्‌दन अरामबा अरामि बतुएलरे़ कुस्‍सा मे़न्‍छुमा अरामि लाबाने़ल्‍ले़ कुन्‍साॽ रिबेकान् ते़न्‍धाम् मेःक्‍खिम् मे़त्तु॥

तोलिङ्‌सोमु 24:35

यहवे दाङ्‌बाल्‍ले़ आङ्‌गाॽ आन्‍दाङ्‌बे़न् यरिक् मुॽइसाम् पिरुआङ् खुने़ॽ याङ्‌साकुन्‍धेसाबा यम्‍बा मना पोःक्‍खे़आङ् वाॽ॥ यहवे दाङ्‌बाल्‍ले़ खुने़ॽ मे़ल्‍लुक् नु मे़ःन्‍दालुप्‍हाॽ, हे़क्‍क्‍याङ् पित्‍हाॽ, साम्‍म्‍याङ् युप्‍पा, से़वारोबा से़वारोमाहाॽ, उमेहाॽ हे़क्‍क्‍याङ् अदङ्‌हाॽ पिरुआङ् वाॽरो॥

तोलिङ्‌सोमु 21:5

अब्राहाम्‍मिल्‍ले़ कुस्‍सा इसहाक्‍के़न् वये़ल्‍ले़ खुने़ॽ किप् थिक् तङ्‌बे के़रे़आङ् वये़॥

तोलिङ्‌सोमु 26:12

इसहाक्‍के़ल्‍ले़ याक्‌वा याॽरिःम्‍बा हेॽरु, हे़क्‍क्‍याङ् बाखे़न् तङ्‌बेओ किप्‍थिक् ले़ङ्‌नुःल्‍ले़ यरिक् कुजा फत्‍छु, थेआङ्‌भे़ल्‍ले़ यहवे दाङ्‌बाल्‍ले़ खुने़ॽ हाङ्‌वा मुॽइसाम् थासुपिरु॥