तोलिङ्‌सोमु 23:16 - लिम्‍बु

¹⁶ एप्रोने़ल्‍ले़ पाःत्तुबा पाःन्‍नो हित्तिहाॽरे़ खुन्‍छिॽ तगि अब्राहाम्‍मे़न् ते़न्‍दे़आङ् खे़न् ये़म्‍मो सामापुमा के़इङ्‌बा के़सङ्‌बा ले़ङ्‌हङ्‌बाहाॽरे़ मे़याङुबा इसिःक् पासाङ्‌गाओ किप् लिसि युप्‍पायाङ् थाङ्‌सुआङ् खुने़ॽ पिरु॥

तोलिङ्‌सोमु 23:16 Referans Kwoze

जकरिया 11:12

खे़ब्‍याङ् आङ्‌गाॽ के़इङ्‌बाहाॽ मे़त्तुङ्‌सिङ्, “खिनिॽ नुबा पोःक्‍खे़बा के़निसुम्‍ने़भग्र आङ्‌गाॽ आनाम्‌याक्‍किन् आबिरे़म्‍मे़ॽ॥ मेःन्‍ने़भग्र खिनिॽए कत्ते़म्‍मे़ॽ॥” कल्‍ले़चोगुल्‍ले़ खे़ङ्‌हाॽरे़ आङ्‌गाॽ सुम्‍बोङ् युप्‍पा याङ्‌इत्‍छेॽ मे़बिराङ्॥

यर्मिया 32:9

खे़ल्‍ले़चोगुल्‍ले़ हनमेले़न् लाम्‍बा खे़न् कुइक्‍ताप्‍पिन् आङ्‌गाॽ इङुङ् हे़क्‍क्‍याङ् युप्‍पान् थाङ्‌घुङ्‌ङाङ् खे़ल्‍ले़ कुमे़ल्‍लुङ् हुङुङ्॥ खे़ल्‍ले़ के़रे़क् कुमे़ल्‍लुङ् थिबोङ्‌ङाङ् नुसि सेकेल योरे़॥

१ थिस्‍सलोनिकि 4:6

अक्‍खेलॽरिक् कन् पाःन्‍नो आत्तिल्‍ले़आङ् नसानिबा फुॽनुसाॽहाॽरे़ खुन्‍छिॽ मेःत्‍हाॽनु लाम्‍सिङ्‌मा मे़नुॽने़न्‍लो॥ काक् हे़क्‍तङ्‌बा फे़न् याःम्‍बक् के़जोःक्‍पाहाॽग निङ्‌वाॽफुमाङ्‌ङिल्‍ले़ खुम्‍दिङ् पिरुसि फाॽआङ् तगिसा आनिगे साम्‍दिङ् पिआसिगे़आङ् वयिगे़रो॥

फिलिप्‍पि 4:8

आल्‍ल कुनुप्‍मो, आमिःम् फुॽनुसाॽ नु ने़ॽनुसाॽसे, आत्तिन् पाःन्‍निन् से़क्‍खाबा, सुम्‍बोधाबा, कुदोःप्‍मा, सेसेबा, सिराॽ के़धाङ्‌बा, इङ्‌धाङ् पिमा लाॽरुबा, आत्तिन् पाःन्‍निन् साॽरिक् नुबा नु ने़म्‍भोमा लाॽरुबा चोक्, खे़न् पाःन्‍हाॽए निङ्‌वाॽ पिरे़म्‍मे़ॽओ॥

रोमि 13:8

हाराॽ खिनिॽ लुम्‍मो लुङ्‌माॽ तुक्‍सिङ्‌माआङ्‌धो वेॽ पाःन्‍निल्‍ले़न् सिङ्‌नात्तो मे़बत्‍छे़म्‍मिन्‍ने़ॽओ, थेआङ्‌भे़ल्‍ले़ वेॽ मनाहाॽ लुङ्‌माॽ के़दुक्‍तुम्‍सिम्‍ने़ फाॽग्र साम्‌योथिम्‍मिल्‍ले़ पाःत्तुबा पाःन्‍निन् के़गे़त्तुम्‍लो॥

मत्ति 7:12

“के़रे़क् पाःन्‍नो मनाहाॽरे़ आक्‍खेलॽरिक् खिनिॽ के़म्‍मे़त्ति के़म्‍इःत्तिबा निङ्‌वाॽ के़जोगुम्, हे़क्‍केलॽरिक्‍के खिनिॽआङ् खे़ङ्‌हाॽ इःत्ते़म्‍सिम्‍मे़ॽओ, थेआङ्‌भे़ल्‍ले़ कन् थिम्‍मो मोसारे़ साप्‍तुबा साम्‌योथिम् नु माङ्‌निङ्‌वाॽपान् के़बाःप्‍पाहाॽरे़ मे़बाःत्तुबा पाःन्‍निन् के़त्‍लो॥”

इजकिएल 45:12

सेकेलओ निबोङ् गेराह याक्‍ल पोङ्‌ॽ॥ लिबोङ् सेकेल कुयोॽबा निबोङ्‌ङाङ् ङासि नु थिबोङ्‌ङाङ् ङासि सेकेल कुयोॽबा ङाबोङ् सेकेल कुदङ्‌बा मिना थिक् पोङ्‌लो॥

अयुब 28:15

इसेःङ्‌बा साम्‍म्‍याङ्‌ङिल्‍ले़ खे़न् इङ्‌मा सुक्‍मे़दे़त्‍ने़ल्‍लो॥ युप्‍पाःल्‍ले़आङ् खे़ल्‍ले़ कुमे़ल्‍लुङ्‌ङिन् हुङ्‌मा सुक्‍मे़दे़त्‍ने़ल्‍लो॥

लाम्‍दिक् 30:13

आक्‍ख्‍यारिक् खानिःत् मे़जोगुसि खे़ङ्‌हाॽरे़ सेसेदे़न्‍निल्‍ले़ लागि हुङ्‌मा के़बोङ्‌बा सेकेलरे़ कुभ्रे़ःङ् सेकेल हुङ्‌मा पोङ्‌ॽ॥ लत्‍छा सेकेलले़न् निबोङ् गेरा योरो॥ कम्‍भलॽरिक् यहवे दाङ्‌बाओ तोःम्‍मा के़बोङ्‌बा सिदुङ्‌जभान् कुभ्रे़ःङ् सेकेलबा पोङ्‌ल॥

तोलिङ्‌सोमु 43:21

आनिगे नुःक्‍खिगे़र पत्‍छिगे़ल्‍ले़ याङ्‌धोःक्‍मा ते़न्‍नो के़रिगे़ हे़क्‍क्‍याङ् आनिगे सुक्‌वाहाॽ फाःक्‍खुम्‍बे़ल्‍ले़ आनिगे के़रे़क्‍ले़ सुक्‌वाओ आबाङे आनिगे कत्तुम्‍बे़बा के़रे़क् युप्‍पा याङ्‌ङिन् खोःम्‍ना॥ खे़ल्‍ले़चोगुल्‍ले़ खे़न् आनिगे़नुए युरुम्‍बे़आङ् वाॽ॥

तोलिङ्‌सोमु 23:15

“आदाङ्‌बे, आबाःन्‍निन् खे़प्‍से़ॽओ॥ प्‍याङ्‌सिःल्‍ले़ कुमे़न्‍ने़ङ्‌ग किप् लिसि युप्‍पायाङ्‌लो, कर आन्‍छिॽ लुम्‍मो खे़न् याङ्‌ङिन् थेसिक्‍काङ्‌निबे? के़सिमाल्‍ले़ कुधक्‍किन् खे़ॽयो लुप्‍ते़ॽओ॥”

सेःक्‌युक्‍मिबाहाॽ 7:16

खुनिॽ थक्‍हाॽ सेक्‍केम लाजेॽओ मे़देॽरुआङ् अब्राहामरे़ हामोररे़ कुस्‍साहाॽलाम् इङुआङ् वये़बा इःप्‍पुङ्‌दे़न्‍नो मे़लुप्‍तुसिरो॥

तोलिङ्‌सोमु 49:29

खे़ब्‍याङ् याकुबरे़ खे़ङ्‌हाॽ कन् इङ्‌जाङ्‌ङिन् पिरुसि, “आङ्‌गाॽग सिमा चोःक्‍काआङ् आमनाहाॽओ पेःक्‍मा इःत्ताङ्‌लो॥ हित्ति एप्रोने़ल्‍ले़ कुब्‍याङ्‌सिओबा फुक्‍कुओ आसुधे़बा आदाक्‍थे़बाहाॽनु याप्‍मि आलुप्‍ते़ॽओ॥

तोलिङ्‌सोमु 50:13

खुने़ॽ कुस्‍साहाॽरे़ खुने़ॽ कनान थारिक्‍के मे़देॽरु, हे़क्‍क्‍याङ् हित्ति ए़प्रोने़ल्‍लोलाम् अब्राहाम्‍मे़ल्‍ले़ इपुङ् चोःक्‍मा फाॽआङ् इङुबा फुक्‍कुन्, हे़क्‍क्‍याङ् मम्रेःल्‍ले़ कुबेसाङ्‌बा मक्‍पेलाबा प्‍याङ्‌सिओ के़ने़बा फुक्‍कुओ खुने़ॽ मे़लुप्‍तु॥

२ सामुए़ल 14:26

खुने़ॽ कुधे़गेक् मुरिक्‍किन् खक्‍तुआङ् (थे़गेःक्‍पे़न् पोरे़आङ् लिःप्‍ते़बाल्‍ले़ चोगुल्‍ले़ खक्‍तुर वये़) मे़धाङ्‌सुल्‍ले़ किप् ने़त्‍छि सेकेल योरे़॥

यर्मिया 32:10

आङ्‌गाॽ ते़म्‍सक् साप्‍लाओ युक्‍छाप् एःप्‍तुङ्, एःप्‍साप् युक्‍तुङ्, साखिहाॽ एःप्‍साप् युक्‍मा पाङ्‌घुङ्‌सिङ् हे़क्‍क्‍याङ् ते़म्‍दुरिओ युप्‍पान् थाङ्‌घुङ्‌ङाङ् कुमे़ल्‍लुङ् पिरुङ्॥

२ सामुए़ल 24:24

कर हाङ्‌ङिल्‍ले़ मे़त्तु, “मेःन्, कल्‍ले़ कुलागि आङ्‌गाॽ कुमे़ल्‍लुङ् हुङुङ्‌ॽ॥ आङ्‌गाॽ याङ् मे़न्‍हुङ्‌ङेबा चिगक्‌वान् यहवे दाङ्‌बाओ सिदुङ्‌जभा मे़दोःन्‍नान्॥” खे़ल्‍ले़चोगुल्‍ले़ दाउदरे़ खे़न् कुजा फुङ्‌मादे़न्‍निन् नु पित्‍हाॽ ङाबोङ् सेकेल युप्‍पा हुङुआङ् इङु॥