तोलिङ्सोमु 22:12 - लिम्बु12 खे़ल्ले़ मे़त्तु, “खे़न् चुक्पे़न् हुक्मे़याक्ते़न्ने़ॽओ, हे़क्क्याङ् खे़न् थेआङ् मे़मे़त्ते़न्ने़ॽओ॥ खे़ने़ॽ निङ्वाॽफुमाङ्ङिन्नु के़गिरत्छ के़लॽबान् आल्ल आङ्गाॽ निङ्वाॽ खोसुङ्लो, थेआङ्भे़ल्ले़ खे़ने़ॽ के़स्सा, लत्थिक्थिक् के़स्साःन्नाङ् आङ्गाॽलाम् के़न्दाङ्घुन् के़न्युक्खुल्लो॥” Gade chapit la |
तोलिङ्सोमु 22:12
42 Referans Kwoze
खिनिॽ हिङ्मन्नो के़दाबा काक् हङ्साॽमाहाॽ मे़न्छाम् याप्मिलुम्मो के़दाबा कुइसिक् चोक्लो॥ निङ्वाॽफुमाङ्ङिङ्ग नसाःन्साबा चोक्लो॥ खुने़ॽग खिनिॽ थम्मा के़न्छुक्तुम्मिम्बा हङ्साॽमाओ थाःमा के़म्बाङ्घिन्लो॥ कर थम्मा के़सुक्तुम्ल फाॽआङ् खिनिॽ हङ्साॽमाओ के़ध्ये़ॽइल्ले़ खुने़ॽए खे़प्मोलाम् ताङ्से़ःप्सिङ्मा लाम्माङ् के़बिरिॽरो॥
खे़ब्याङ् निङ्वाॽफुमाङ्ङिल्ले़ अब्राहाम्मे़न् मे़त्तु, “खे़ने़ॽ के़स्सा, खे़ने़ॽ साॽरिक् लुङ्माॽ के़दुक्तुबा लत्थिक्लक् के़स्सा इसहाक्के़न् मोरियाह लाजेॽओ तेॽरे़आङ् पेगे़ॽ हे़क्क्याङ् आङ्गाॽ ओसेःन्धाक्ने़बा कोःक्माओ खे़न् मिधिङ्मनादेमनाबा सिदुङ्जभा कुइसिक् सिदुङ्जभा तोःन्दे़ॽ॥”
आङ्गाॽनुःल्ले़ तगिबा के़रे़क् तुम् हाङ्युक्पाहाॽ मनाहाॽरे़ लागि साॽरिक् के़लिःप्पा कक् मे़बोःक्खे़आङ् मे़वये़ हे़क्क्याङ् खे़ङ्हाॽरे़ चामा थुङ्मारे़लागि कुजा मे़दाःक्तु खे़न्नुःल्ले़ वेॽ लिबोङ् याङ्इत्छिॽआङ् मे़दाःक्तु॥ खे़ङ्हाॽरे़ खुनिॽ से़वारोबाहाॽरे़आङ् मनाहाॽ मुरा मे़मे़त्तुसिआङ् तुक्खे मे़जाःत्तुसि॥ कर आङ्गाॽ हे़क्के मे़न्जोःक्पान् थेआङ्भे़ल्ले़ आङ्गाॽ निङ्वाॽफुमाङ्ङिन् मिङ्सो इङ्धाङ् पिरुङ्॥
कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥
आङ्गाॽ खे़ङ्हाॽनु आभे़ल्ले़आङ् मे़न्नुप्मनाबा लत्छा माङ्हुप् चोगुङ्ॽ॥ खे़ङ्हाॽरे़ खुन्छिॽ लागि नुॽमादामा के़बोङ्बा याःम्बक् चोःक्मा आङ्गाॽ आफाल्ले़आङ् मे़ले़रुङ्ङिन् हे़क्क्याङ् आबाङे खुन्छिॽ के़रे़क् सिक्लुङ्माल्ले़ आङ्गाॽ याप्मि इङ्धाङ् के़बिबा खे़ङ्हाॽ चोगुङ्सिङ्ॽ खे़ब्याङ् खे़ङ्हाॽ आफाल्ले़आङ् आङ्गाॽलाम्बा मे़न्इःम्सिङ् मे़म्बेःक्ने़न्॥
Piblisite