तोलिङ्सोमु 21:1 - लिम्बु1 आल्ल यहवे दाङ्बाल्ले़ पाःत्तुबा इसिःक् खुने़ॽ सारान् मुॽइसाम् पिरु, हे़क्क्याङ् खुने़ॽ चोगुबा माङ्हुप्पिन् के़त्तु॥ Gade chapit la |
तोलिङ्सोमु 21:1
23 Referans Kwoze
खे़ब्याङ् निङ्वाॽफुमाङे़ल्ले़ मे़त्तु, “ओबे़, कर खे़ने़ॽ मे़ल्लिङ्गे़न् के़मेःत् साराःल्ले़ए खे़ने़ॽ के़लागि ये़म्बित्छा साधिक् कत्तु के़बि, हे़क्क्याङ् खे़ने़ॽ खे़न् इसहाक मिङ् के़वाःत्तुरो॥ आङ्गाॽ खे़न्नु हे़क्क्याङ् खे़न् याङ्सि के़बोङ्बा खे़ल्ले़ कुमुॽइदाङ्साहाॽनु आमाङ्हुप्पिन् सदादिङ्ले़ लागि युक्सिङ् चोगुङ्ॽ॥
आत्तिन् नावाइत्लाःन्नाङ् खिनिॽ से़वा मे़मे़त्ते़म्मिन्ने़ॽ हे़क्क्याङ् खिनिॽ खे़न् माङ्से़वाआङ् मे़मे़त्ते़म्मिन्ने़ॽ थेआङ्भे़ल्ले़ आङ्गाॽ यहवे दाङ्बाआ॥ खिनिॽ वेॽ माङ्ङिन् माङ्से़वा के़मे़त्तुम्मिल्ले़ आङ्गाॽ नासि मे़धःत्तान्॥ आङ्गाॽ याप्मि के़जिःप्पाहाॽ खुन्छिॽ मुॽइदाङ्साहाॽरे़ खुन्छिॽ सुम्सिगेक्पा नु लिसिगेक्पा थाःक् थारिक् खुम्दिङ् पिरुङ्सिङ्ॽ॥
“पेगे़ॽआङ् इस्राइलबा लाम्लोबाहाॽ थिक्मे़त् फुक्खे़से़ॽ हे़क्क्याङ् यहवे दाङ्बा खिनिॽ ताक्थे़बा अब्राहाम, इसहाक नु याकुबरे़ कुनिङ्वाॽफुमाङ्ङिल्ले़ खे़ने़ॽ सुफो पिने़बा फाॽआङ् खे़ङ्हाॽ मे़त्ते़से़ॽ, खुने़ॽ खे़ङ्हाॽरे़ खुनिॽ लुम्मो ये़आङ् वाॽ हे़क्क्याङ् मिस्रिहाॽरे़ खे़ङ्हाॽ थे मे़मे़त्तुसिर मे़वाॽ खे़न् के़रे़क् आङ्गाॽ निसुङ्ङाङ् वाॽ॥
कुदाःन्दिक्मा तानाम् एल्कानान् नु कुहिम्सामाहाॽ मे़बोगे़ हे़क्क्याङ् यहवे दाङ्बान् सेसे माङ्से़वा मे़मे़त्तु॥ हे़क्क्याङ् रामाबा आबाङे खुनिॽ हिम्मो मे़नुःक्खे़॥ हे़क्क्याङ् से़न्दिक् एल्कानाःन् कुमेत् हन्नाःन्नु इप्से़, खे़म्भे़ल्ले़ यहवे दाङ्बाल्ले़ हन्नाःल्ले़ कुबेलिन् निङ्वाॽ इःत्तु॥
Piblisite