तोलिङ्‌सोमु 20:3 - लिम्‍बु

³ कर थिक्‍ले़ङ् से़न्‍दिक् अबिमेलेक्‍किल्‍ले़ निङ्‌वाॽफुमाङ्‌ङिन् ओसेःन्‍धाक्‍सिङ्‌ङाङ् अक्‍खे मे़त्तुबा से़प्‍माङ् माक्‍तु, “आल्‍ल खे़ने़ॽ के़सिःॽ थेआङ्‌भे़ल्‍ले़ खे़न् मे़न्‍छुमान् वेॽ मनारे़ कुहिम्‍सामारो॥”

तोलिङ्‌सोमु 20:3 Referans Kwoze

मत्ति 27:19

पिलातसे़न् खासे़न् युक्‍नाओ युङे़ल्‍ले़ए मे़ल्‍लिङ्‌गे़न् कुमेःत्तिल्‍ले़ अक्‍खे पाःत्तुर इङ्‌घङ् हाक्‍तु, “खे़न् साम्‌योबा मनान् थेआङ् मे़मे़त्ते़न्‍ने़ॽओ, थेआङ्‌भे़ल्‍ले़ आन्‍दे़ से़न्‍दिक् खे़न् मनाःल्‍ले़ चोगुल्‍ले़ साॽरिक् ताप्‍फे़ःम्‍बा से़प्‍माङ् माक्‍तुङ्‌लो॥”

तोलिङ्‌सोमु 20:7

आल्‍ल खे़न् मनाःल्‍ले़ कुमेःत्तिन् नुःक्‍ते़ पिरे़ॽ, थेआङ्‌भे़ल्‍ले़ खे़ङ्‌ग माङ्‌निङ्‌वाॽपान् के़बाःप्‍पा मनारो॥ खे़ल्‍ले़ तुवा के़जोक् के़बि, हे़क्‍क्‍याङ् खे़ने़ॽ के़हिङ्‌लो॥ कर कुमेःत्तिन् के़न्‍नुःक्‍तुन्‍ने़फाग्र कन् पाःन्‍निन् निस्‍से कुसिङ्‌निःत्ते़ॽ, खे़ने़ॽ नु के़मनाहाॽ के़स्‍ये़ॽइरो॥”

निङ्‌वाॽफु साम्‍लोसुम् 105:14

कर यहवे दाङ्‌बे़ल्‍ले़ आत्तिन्‍हाॽआङ् खे़ङ्‌हाॽ तुक्‍खे चाःप्‍मा मे़भाःक्‍तुसिन्‍लो॥ खे़ङ्‌हाॽ से़ःप्‍मासिरे़ लागि हाङ्‌हाॽआङ् खुने़ॽ अक्‍खेलॽरिक् फे़ःक्‍तुसिरो—

अयुब 33:15

से़न्‍दिक् मनाहाॽ साॽरिक् मुरुक् खारुक् मिक्‌युमो मे़धाआङ् मे़ने़रो, हे़क्‍केःल्‍ले़ निङ्‌वाॽफुमाङ्‌ङिन् खे़ङ्‌हाॽनु से़प्‍माङ्‌मो इग्र ताॽदिगे़न् सुफोओ पाःत्‍लो॥

मत्ति 1:20

कर हे़क्‍के इतुर वये़ल्‍ले़ से़प्‍माङ्‌मो यहवे दाङ्‌बाल्‍ले़ कुमाङ्‌लाइङ्‌बान् ओसेःन्‍धाक्‍सिङ्‌ङाङ् अक्‍खे मे़त्तुरो, “दाउदरे़ कुमुॽइदाङ्‌सा युसुप्‍फे, खे़ने़ॽ मरियम्‍मिन् मेःक्‍खिम् चोःक्‍माआङ् हिम्‍मो ताःप्‍मा मे़गिसे़न्‍ने़ॽओ, थेआङ्‌भे़ल्‍ले़ खुने़ॽओबा अङे़ःक्‌वान् सेसेमाङ्‌ङिल्‍ले़ कुमुक्‍साम्‍लाम्‍बा हाङ्‌सिङ्‌बारो॥

तोलिङ्‌सोमु 28:12

खुने़ॽ लत्‍छा अक्‍तङ्‌बा से़प्‍माङ्‌धिक् माक्‍तु, खाम्‍बेःक्‍मोलाम् साङ्‌ग्राम्‍पेदाङ् थारिक् के़सुबा लत्‍छा थरेॽधिक् ये़बे़, हे़क्‍क्‍याङ् निङ्‌वाॽफुमाङ्‌ङिल्‍ले़ कुमाङ्‌लाइङ्‌बाहाॽ खे़न् थरेॽओलाम् यो मे़धासिङ् मे़ये़ हे़क्‍क्‍याङ् थो मे़लिङु मे़देॽरु॥

योना 3:4

योनान् ये़क्‌यक्‍को लासे़आङ् थिक्‌याःन्‍बा लाःम्‍दिक् लाङ्‌घेगे़ खे़ब्‍याङ् अक्‍खे पाःत्तुर इङ्‌भन्‌ चोगु, “आल्‍ल के़दाबा लिबोङ् ये़न्‍नो निनबेःन् चिल्‍ले़क् ले़ङ्॥”

तोलिङ्‌सोमु 40:8

खे़ङ्‌हाॽरे़ खुने़ॽ मे़त्ते़छु, “आन्‍छिगे ने़प्‍माङ्‌ले़ से़प्‍माङ् माक्‍ते़त्‍छुगे़, कर खे़ल्‍ले़ कुबे के़हम्‍बा मना हाःत्ताङ् होप्॥” युसुफरे़ खे़ङ्‌हाॽ मे़त्तुसि, “से़प्‍माङ्‌ङिल्‍ले़ कुबेःङ्‌ग निङ्‌वाॽफुमाङ्‌ङिल्‍ले़ कुहुक्‍को मे़वाॽने़म्‍बि? खे़न्‍छिॽ से़प्‍माङ्‌हाॽ आमे़त्ते़छे़ॽ॥”

तोलिङ्‌सोमु 37:9

खे़ब्‍याङ् खुने़ॽ वेॽ से़प्‍माङ्‌धिक् माक्‍तु हे़क्‍क्‍याङ् कुम्‍भुॽसि चे़क्‍तुसि, “खे़प्‍से़म्‍मो, आङ्‌गाॽ वेॽ से़प्‍माङ्‌धिक् माक्‍तुङ्॥ नाम्, लाबा नु थिबोङ्‌ङाङ् थिक् खेःम्‍सिक्‍पाहाॽरे़ आङ्‌गाॽ से़वा मे़मे़त्ताङ्॥”

तोलिङ्‌सोमु 37:5

थिक्‍ले़ङ् योसेफरे़ से़प्‍माङ्‌धिक् माक्‍तु॥ खुने़ॽ खे़न् कुसे़प्‍माङ्‌ङिन् कुम्‍भुॽसि चे़क्‍तुसि खे़ङ्‌हाॽरे़ खुने़ॽ तगिनुःल्‍ले़आङ् साॽरिक् चिःप्‍मा मे़हेःक्‍तु॥

तोलिङ्‌सोमु 31:24

खे़ब्‍याङ् से़न्‍दिक् से़प्‍माङ्‌मो अरामि लाबाने़न्‍नु निङ्‌वाॽफुमाङ्‌ङिन् थाःन्‍छिङ्, हे़क्‍क्‍याङ् खुने़ॽ मे़त्तु, “सिङ्‌सिङ् ये़क्‌ये़क् लॽरे़ॽ खे़ने़ॽ याकुबे़न् मे़भे़ःक्‍ते़न्‍ने़ॽ॥”

तोलिङ्‌सोमु 12:17

कर अब्राम्‍मिल्‍ले़ कुमेत् साराइःल्‍ले़ चोगुल्‍ले़ फारोन् नु कुहिम्‍सयङ्‌ङो यहवे दाङ्‌बाल्‍ले़ किप्‍मा के़घुबा माङ्‌दुक्‍मा पाङ्‌घुदासु॥

तोलिङ्‌सोमु 12:18

खे़ल्‍ले़चोगुल्‍ले़ फारोल्‍ले़ अब्राम्‍मिन् उःत्तुआङ् मे़त्तु, “खे़ने़ॽ कन् आङ्‌गाॽनु थे के़जोगुबाबे? साराइन् खे़ने़ॽ के़मेःत् फाॽआङ् थेआङ् के़म्‍मे़त्ताङ्‌ने़न्‍बाबे?

खानिःत् 22:9

निङ्‌वाॽफुमाङ्‌ङिन् बालामरो ये़आङ् मे़त्तु, “खे़ने़ॽओ के़याःक्‍पा मनाहाॽ हाःत्‍छिबे?”

१ साप्‍मुःन्‍धुम् 16:21

कर यहवे दाङ्‌बाल्‍ले़ आत्तिन्‍हाॽआङ् खे़ङ्‌हाॽ तुक्‍खे चाःप्‍मा मे़भाःक्‍तुसिन्‍लो॥ खे़ङ्‌हाॽ से़ःप्‍मासिरे़ लागि हाङ्‌हाॽआङ् खुने़ॽ अक्‍खेलॽरिक् फे़ःक्‍तुसिरो—

तोलिङ्‌सोमु 40:5

थिक्‍ले़ङ् थिक्‍से़न्‍ले़ पुङ्‌लाहिम्‍मो साक्‍पा के़धाबा मिस्रबा हाङ्‌ङिल्‍ले़ तुम् कुधि के़दोःम्‍बे़न् नु तुम् कुदःक् के़धोःक्‍पे़ल्‍ले़ आबाङे कुबे के़याक्‍पा से़प्‍माङ् माक्‍ते़त्‍छु॥

तोलिङ्‌सोमु 46:2

हे़क्‍क्‍याङ् से़न्‍दिक् सुफोओ निङ्‌वाॽफुमाङ्‌ङिन् खुने़ॽनु पारे़, “याकुबे, याकुबे” मे़त्तुर खुने़ॽ उःत्तु॥ हे़क्‍क्‍याङ् खुने़ॽ मे़त्तु, “है, आङ्‌गाॽ कॽयोए वाआरो॥”

अयुब 33:17

निङ्‌वाॽफुमाङ्‌ङिल्‍ले़ मनाहाॽ खुनिॽ फे़न्‌याःम्‍बक्‍किन् ले़प्‍मा पाङ्‌घुसिरो हे़क्‍क्‍याङ् आङ्‌दिङ् लॽमालाम् थेःक्‍मासिरे़ लागि खे़ङ्‌हाॽनु पाःत्‍लो॥