तोलिङ्‌सोमु 16:1 - लिम्‍बु

¹ अब्राम्‍मिल्‍ले़ कुमेत् साराइलाम् कुस्‍सा मे़म्‍बोङ्‌ङे वये़॥ कर हागार मिङ् के़वाःप्‍मा मिस्रि कुसे़वारोमा थिक् वये़॥

तोलिङ्‌सोमु 16:1 Referans Kwoze

गलाति 4:24

आल्‍ल कन् ने़प्‍फु मे़न्‍छुमाहाॽग निङ्‌वाॽफुमाङ्‌ङिल्‍ले़ चोगुबा ने़त्‍छि माङ्‌हुप्‍पिल्‍ले़ कुबिसिरो॥ सेवारोमा हागाररे़ङ्‌ग सिनाइ कोःक्‍मा कुइसिक् चोक्‍लो॥ खे़प्‍मो निङ्‌वाॽफुमाङ्‌ङिल्‍ले़ मनाहाॽ साम्‌योथिम्‍मिन् पिरुसि, हे़क्‍क्‍याङ् खे़न् साम्‌योथिम्‍मिल्‍ले़ मनाहाॽ योक् चोगुसिरो॥

तोलिङ्‌सोमु 12:16

साराइल्‍ले़ चोगुल्‍ले़ हाङ्‌ङिल्‍ले़ अब्राम्‍मिन् नुरिक् मे़त्तु, हे़क्‍क्‍याङ् खुने़ॽ मे़ल्‍लुक्‍हाॽनु, पित्‍हाॽ, कुम्‍बाबा नु कुम्‍मामा अदङ्‌हाॽ, से़वारोबा से़वारोमाहाॽ हे़क्‍क्‍याङ् उमेहाॽ पिरु॥

लुका 1:36

खे़प्‍से़ॽओ, खे़ने़ॽ के़गाॽइ इलिसिबान् खुने़ॽ कुगाप्‍मो तुम्‍मो कसाप्‍पोक्‍को ये़म्‍बित्‍छासा थिक् हाङ्‌सिङाङ् वाॽ॥ आल्‍लो मनाहाॽरे़ खुने़ॽ सामे़ङ्‌गप्‍मनामा मे़मे़त्तुसाङ् मे़न्‍छुक्‍मा पोःक्‍खे़बा ला तुक्‍सि के़रे़आङ् वाॽरो॥

लुका 1:7

कर खे़ङ्‌हाॽरे़ खुन्‍छिॽ सा-ए मे़होःप्‍ते़, थेआङ्‌भे़ल्‍ले़ इलिसिबारे़ कुसामुॽइ खक्‍सिङ्‌ङाङ् वये़, हे़क्‍क्‍याङ् ने़प्‍माङ् काप्‍पोबा काप्‍मोमा तुम्‍से़त्‍छिआङ् वये़त्‍छिरो॥

खासे़न्‍लोःम्‍बा 13:2

दानरे़ कुधाःक्‍को सोरा के़युङ्‌बा मनाधिक् वये़, खुने़ॽ कुमिङ् मानोह वये़, हे़क्‍क्‍याङ् खुने़ॽ कुमेःत्तिन् सामे़ङ्‌गप्‍मनामा वये़, हे़क्‍क्‍याङ् खुने़ॽ हाःत्ताङ् कुस्‍साकुए मे़होःप्‍ते़॥

तोलिङ्‌सोमु 25:21

इसहाक्‍किल्‍ले़ कुमेःत्तिन् सामे़ङ्‌गप्‍मनामा पोःक्‍खे़बाल्‍ले़ चोगुल्‍ले़ खुने़ॽ कुमेःत्तिल्‍ले़ कुलागि यहवे दाङ्‌बान् पेलि फाक्‍तु॥ खुने़ॽ फाक्‍तुबा पेलिगे़न् तुवान् यहवे दाङ्‌बाल्‍ले़ खे़प्‍सु, हे़क्‍क्‍याङ् रिबेकान् मे़न्‍छुक्‍मा पोःक्‍खे़॥

तोलिङ्‌सोमु 21:21

खुने़ॽ पारानबा एःक्‍सादे़न्‍नो युङे़ल्‍ले़ कुम्‍मारे़ लत्‍छा मिस्र लाजेॽबा मे़न्‍छुमाधिक् कुलागि मेःत् तारुबिरु॥

तोलिङ्‌सोमु 21:12

कर निङ्‌वाॽफुमाङ्‌ङिल्‍ले़ अब्राहाम्‍मे़न् मे़त्तु, “खे़न् अङे़ःक्‌वान् नु के़से़वारोमाल्‍ले़ कुलागि खे़ने़ॽ के़निङ्‌वाॽ मे़न्‍दुक्‍केॽ॥ साराःल्‍ले़ के़मे़प्‍पा हे़क्‍केए चोगे़ॽ, थेआङ्‌भे़ल्‍ले़ इसहाकलाम्‍बाए आङ्‌गाॽ माङ्‌हुप् चोगुङ्‌बा के़मुॽइदाङ्‌साहाॽ मे़बोङ्‌लो॥

तोलिङ्‌सोमु 11:30

साराइन् सामे़ङ्‌गप्‍मनामा वये़, खे़ल्‍ले़ थिक्‍काङ् कुस्‍सा मे़होःप्‍ते़॥

तोलिङ्‌सोमु 15:21

एमोरि, कनानि, गिर्गासि हे़क्‍क्‍याङ् यबुसिहाॽ के़रे़क्‍ले़ खुन्‍छिॽ लाजेॽहाॽ पिरुङ्‌सिङ्‌लो॥”

१ सामुए़ल 1:5

कर खुने़ॽ कुमेत् हन्‍नाःन् कुलक् ने़त्‍छि यारिक् पिरु थेआङ्‌भे़ल्‍ले़ खे़न् साॽरिक् लुङ्‌माॽ तुक्‍तु॥ हे़क्‍क्‍याङ् यहवे दाङ्‌बाल्‍ले़ हन्‍नाःल्‍ले़ कुसायाङ्‌दाङ्‌ङिन् साक्‍तुआङ् वये़॥