5 अब्राम्मिन्नु सोरिक् के़बेःक्पा लुतरे़आङ् मे़ल्लुक् मे़ःन्दाहाॽ नु पित्हाॽ कत्तुसि हे़क्क्याङ् साःङ्गाहिम्हाॽआङ् कत्तु॥
खे़ङ्हाॽरे़ खुन्छिॽ थक्सालुप्हाॽ नु खुन्छिॽ साःङ्गाहिम्हाॽ हुक्काप् मे़जोगुरो, हे़क्क्याङ् खे़ङ्हाॽरे़ खुन्छिॽ हिम्मोबा सामाहाॽ नु खुन्छिॽ उमेहाॽ मे़देॽरु मे़बिरुसिरो॥ आत्तिसाङ् अक्खे के़लॽबा तुक्खेवा इक्ला खे़म्दे़त्लो, ‘के़रे़क् पिसाङ् आनिगे यङ्मा मे़से़रिगे़रो!’”
कङ्हाॽ यम्बा पोःक्खे़छिआङ् एसाबे़न् साॽरिक् के़ले़बा सावागे़म्बा नु ते़म्बेॽओ ताक्के़गम्बा के़जाबा मना पोःक्खे़, हे़क्क्याङ् याकुबे़न् साःङ्गाहिम्मो के़युङ्बा कुसुत्ना के़नुॽबा मना पोःक्खे़॥
आदाःल्ले़ याबाल्ले़न् कत्तु॥ खे़न् साःङ्गाहिम्हाॽओ के़युङ्बा नु थक्सा के़हिङ्बाहाॽरे़ खुन्छिॽ थाःक्थे़बा वये़॥
अब्राम्मिन्, कुमेत् साराइन् हे़क्क्याङ् कुन्नाक्पा लुते़न् हे़क्क्याङ् खे़ङ्हाॽरे़ मे़धगुबा याङ्साकुन्धेन् हे़क्क्याङ् हारान्नो मे़घोसुसिबा मनाहाॽ मे़याङ्सिङ्ङाङ् कनान लाजेॽओ पेःक्मा फाॽआङ् मे़धासिङ्, हे़क्क्याङ् खे़ङ्हाॽ खे़प्मो मे़गे़रे़॥
खुन्छिॽ ने़प्जाङ् सोसोरिक् युङ्मारे़ लागि लाजेःल्ले़ मे़दे़क्तुन्छिन्, थेआङ्भे़ल्ले़ खुन्छिॽ मे़ल्लुक् मे़ःन्दाक्हाॽ नु पित्हाॽ चाॽरिक् यल्लिक् मे़वये़, हे़क्केःल्ले़ खे़ङ्हाॽ सोरिक् वाॽमा मे़न्छुक्मना पोःक्खे़छि॥
खे़ल्ले़चोगुल्ले़ यहवे दाङ्बाल्ले़ मे़त्तुबा हे़क्के अब्राम्मिन् थासिङ्, हे़क्क्याङ् लुते़न्नाङ् खुने़ॽनु पे॥ हारान्लाम् लःन्दे़पेःल्ले़ अब्राम्मिन् नुबोङ्ङाङ् ङासि तङ्बे के़रे़आङ् वये़॥